ଦାରିଙ୍ଗବାଡି,୫।୧୧(ଡି.ଏନ.ଏ): କନ୍ଧମାଳ ଜିଲା ଦାରିଙ୍ଗବାଡି ବସଷ୍ଟାଣ୍ଡ ନିକଟ ମାଛ ମାର୍କେଟ ଅଞ୍ଚଳରେ ଏକ ଘରେ ଜୁଆ ଆଡ୍ଡା ଚାଲିଥିବା ବେଳେ ପୋଲିସ ଶୁକ୍ରବାର ଭୋର ସମୟରେ ଚଢାଉ କରିଛି । ଏହି ସମୟରେ ଜୁଆ ଖେଳୁଥିବା ୧୭ ଜଣଙ୍କୁ ପୋଲିସ ଅଟକ ରଖିବା ପରେ ୪୧(ଏ) ସିଆରପିସି ଧାରାରେ ନୋଟିସ କରି ଛାଡିଦିଆଯାଇଛି ବୋଲି ଆଇଆଇସି କୌଶିକ ମାଝି କହିଛନ୍ତି। ସେମାନଙ୍କ ନିକଟରୁ ପୋଲିସ ନଗଦ ୬୨ ହଜାର ୮୬୦ ଟଙ୍କା ସମେତ ୯ ଟି ମୋବାଇଲ ଜବତ କରିଛି। ଏହି ଚଢାଉ ବେଳେ ଆଇଆଇସି କୌଶିକ ମାଝିଙ୍କ ନେତୃତ୍ୱରେ ସବଇନ୍ସପେକ୍ଟର ସୌମ୍ୟରଞ୍ଜନ ଜେନା ସଦଳବଳ ଚଢାଉରେ ସାମିଲ ହୋଇଥିଲେ । ସେହିପରି ଏହି ଜୁଆ ଆଡ୍ଡାକୁ ସୋରଡା ଅଞ୍ଚଳର ଗୌରୀଶଙ୍କର ପାଢୀ ମାଛ ମାର୍କେଟରେ ଘର ଭଡାନେଇ ଚଳାଇଥିବା ଆଇଆଇସି ମାଝି କହିଛନ୍ତି। ତାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଊଛି ବୋଲି ସେ କହିଛନ୍ତି।
