ଆଜିକାଲି ସୋସିଆଲ ମିଡିଆ ବେଶ୍ ଲୋକପ୍ରିୟତା ହାସଲ କରିଛି। ରାଜନେତାଙ୍କଠାରୁ ଆରମ୍ଭ କରି ଅଭିନେତା/ଅଭିନେତ୍ରୀମାନେ ସୋସିଆଲ ମିଡିଆ ଜରିଆରେ ନିଜ ମତ ପ୍ରକାଶ କରୁଛନ୍ତି। କିନ୍ତୁ ଜାଣନ୍ତି କି ସୋସିଆଲ ମିଡିଆରେ ଗୋଟିଏ ପୋଷ୍ଟ କରିବାକୁ ସେଲିବ୍ରିଟିମାନେ ଟଙ୍କା ନେଇଥାନ୍ତି। ଭାରତୀୟ ସେଲିବ୍ରିଟିମାନଙ୍କ ମଧ୍ୟ ପ୍ରିୟଙ୍କା ଚୋପ୍ରା ସୋସିଆଲ ମିଡିଆରେ ପୋଷ୍ଟ କରିବାକୁ ଅଧିକ ଟଙ୍କା ନେଇଥାନ୍ତି। ସେ ଗୋଟିଏ ପୋଷ୍ଟ ପାଇଁ ୨ କୋଟି ଟଙ୍କା ନେଇଥାନ୍ତି। ସେହିପରି ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲି ଗୋଟିଏ ପୋଷ୍ଟ ପାଇଁ ଦେଢ କୋଟି, ଅମିତାଭ ବଚ୍ଚନ ୫୦ ଲକ୍ଷ, ଆଲିଆ ଏବଂ ଶାହରୁଖ ଖାନ୍ ଗୋଟିଏ ପୋଷ୍ଟ ପାଇଁ ଏକ କୋଟି ଟଙ୍କା ନେଉଛନ୍ତି।
