ନୂଆଦିଲ୍ଲୀ,୧୮।୧୧: ଚୁଟି ଝଡିବାରୁ ମୁକ୍ତି ମିଳିବା ପାଇଁ ଏବେ ହେୟାର ଟ୍ରାନ୍ସପ୍ଲାଣ୍ଟର ନୂଆ ଟେକ୍ନୋଲଜି ଆସିଛି। ଯେଉଁମାନେ ଏହି ଚୁଟି ଝଡିବା ସମସ୍ୟା ନେଇ ଗତି କରୁଛନ୍ତି ସେମାନେ ମଧ୍ୟ ଏହାର ଫାଇଦା ଉଠାଉଛନ୍ତି। ଅନେକ ଅଧ୍ୟୟନରେ ଏହା ମଧ୍ୟ ଦେଖାଯାଇଛି ଯେ ମହିଳାଙ୍କ ଅପେକ୍ଷା ପୁରୁଷମାନେ କେଶ ଝଡିବା ପାଇଁ ଅଧିକ ଚିନ୍ତିତ ଅଟନ୍ତି। ଏହି ବ୍ୟବସାୟ ଭାରତରେ ଏତେ ମାତ୍ରାରେ ଲୋକପ୍ରିୟ ହୋଇଛି ଯେ ୨୦୩୨ ସୁଦ୍ଧା ୫୬୦ ମିଲିୟନ ଡ଼ଲାର (ପ୍ରାୟ ୪୬୬୦ କୋଟି ଟଙ୍କା) ରୋଜଗାର ହେବ ବୋଲି ଆଶା କରାଯାଉଛି। ୨୦୨୨ରେ ଭାରତରେ କେଶ ପ୍ରତିରୋପଣର ବଜାର ଆକାର ୧୮୦ ନିୟୁତ ଡଲାର (ପ୍ରାୟ ୧୫୦୦ କୋଟି)ର ଥିଲା। ଏହାର ଅର୍ଥ ଏହି ବଜାର ଆସନ୍ତା ୮ ବର୍ଷରେ ତିନିଗୁଣା ବୃଦ୍ଧି ପାଇବାକୁ ଯାଉଛି।
ପିଟିଆଇର ଏକ ରିପୋର୍ଟ ଅନୁଯାୟୀ, ସେଲିବ୍ରିଟିମାନଙ୍କ ମଧ୍ୟରେ କେଶ ପ୍ରତିରୋପଣ ସବୁଠାରୁ ଲୋକପ୍ରିୟ ଅଟେ। ଚୁଟି ଝଡିବାରୁ ରକ୍ଷା ପାଇବା ପାଇଁ ସେଲିବ୍ରେଟିମାନେ ଅଧିକ କେଶ ପ୍ରତିରୋପଣ କରନ୍ତି। ଏହାର ଲୋକପ୍ରିୟତା ବଢିବା ସହିତ ଏହାର ଭାରତରେ ଏହାର ବ୍ୟବସାୟ ମଧ୍ୟ ବୃଦ୍ଧି ପାଇବାରେ ଲାଗିଛି। ୱାଲର୍ଡ ଫୋଲିକୁଲାର ୟୁନିଟ ଏକ୍ସଟ୍ରାକସନ ଇନଷ୍ଟିଚ୍ୟୁଟର ବୈଜ୍ଞାନିକ ନିର୍ଦ୍ଦେଶକ ପ୍ରଦୀପ ସେଠୀ କହିଛନ୍ତି, ବିଶ୍ୱସ୍ତରରେ ମଧ୍ୟ ହେୟାର ଟ୍ରାନ୍ସପ୍ଲାଣ୍ଟ ବଜାର ବହୁତ ବଡ ଏବଂ ଦ୍ରୁତ ଗତିରେ ବୃଦ୍ଧି ପାଉଛି। ୨୦୩୨ ସୁଦ୍ଧା ଭାରତ ଏହି କ୍ଷେତ୍ର ୫୬୦ ନିୟୁତ ଡଲାର ଆୟ କରିବ ବୋଲି ଆଶା କରାଯାଉଛି।
ଡକ୍ଟର ପ୍ରଦୀପ କହିଛନ୍ତି, ତାଙ୍କଠାରୁ କେଶ ପ୍ରତିରୋପଣ କରିଥିବା ସେଲିବ୍ରିଟିମାନଙ୍କ ମଧ୍ୟରେ ମହମ୍ମଦ ଶାମି, ଭାରତୀୟ କ୍ରିକେଟ ଦଳର ଫିଜିଓଥେରାପିଷ୍ଟ ଆଣ୍ଡ୍ରିୟୁ ଲିପ୍ସ, ଇଂଲଣ୍ଡ କ୍ରିକେଟର ନିକ କମ୍ପଟନ, ଦକ୍ଷିଣ ଆଫ୍ରିକାର କ୍ରିକେଟର ମେର୍ନେ ୱାନ ୱିକ, ରବି ଶାସ୍ତ୍ରୀ ଏବଂ ମହମ୍ମଦ ଅଜହରୁଦ୍ଦିନ ଅଛନ୍ତି। ଭଜନ ସମ୍ରାଟ ଅନୁପ ଜାଲୋଟା, ଅରୁଣ ଗୋବିଲ, ଆମୀର ବଶୀର ମଧ୍ୟ ତାଙ୍କଠାରୁ କେଶ ପ୍ରତିରୋପଣ କରିଛନ୍ତି।
ଭାରତରେ କେଶ ପ୍ରତିରୋପଣର ମୂଲ୍ୟ କମ ହେତୁ ଏହା ବର୍ତ୍ତମାନ ଚିକିତ୍ସା ପର୍ଯ୍ୟଟନର ଏକ ପ୍ରମୁଖ ଅଂଶ ହୋଇପାରିଛ। ଆମେରିକା ଏବଂ ୟୁରୋପର ଲୋକମାନେ ଭାରତକୁ ଏଥିପାଇଁ ଆସୁଛନ୍ତି। ପ୍ରତିବର୍ଷ ମୋଟ ଲୋକଙ୍କ ମଧ୍ୟରୁ ୪୦ ପ୍ରତିଶତରୁ ଅଧିକ ଆମେରିକା କିମ୍ବା ୟୁରୋପରୁ ତାଙ୍କ ନିକଟକୁ ଆସିଥାନ୍ତି ବୋଲି ଡକ୍ଟର ପ୍ରଦୀପ କହିଛନ୍ତି । ସଫଳ କେଶ ପ୍ରତିରୋପଣ କ୍ଷେତ୍ରରେ ଦିଲ୍ଲୀ-ଏନସିଆର, ଜୟପୁର ଏବଂ ମୁମ୍ବାଇ ଶୀର୍ଷରେ ରହିଛି।
‘କଷ୍ଟମ ମାର୍କେଟ ଇଣ୍ଡେକ୍ସ’ ଦ୍ୱାରା କରାଯାଇଥିବା ଏକ ଅନୁସନ୍ଧାନରୁ ଜଣାପଡିଛି ଯେ , ୨୦୨୩ ରୁ ୨୦୩୨ ମଧ୍ୟରେ ହେୟାର ଟ୍ରାନ୍ସପ୍ଲାଣ୍ଟ ବଜାର ପ୍ରତିବର୍ଷ ପ୍ରାୟ ୧୨ ପ୍ରତିଶତ ହାରରେ ବୃଦ୍ଧି ପାଉଛି। ଏହା ବିଶ୍ୱବ୍ୟାପୀ ମେଡିକାଲ ଟୁରିଜିମ କ୍ଷେତ୍ରରେ ଦ୍ରୁତତମ ବୃଦ୍ଧି ପାଉଥିବା ବର୍ଗ ଅଟେ। ଦୁନିଆରେ ଅଧିକାଂଶ ହେୟାର ଟ୍ରାନ୍ସପ୍ଲାଣ୍ଟ ଅପରେଶନ ବର୍ତ୍ତମାନ ଭାରତରେ କରାଯାଇଛ। ଏଥିରେ ଭାରତ ତୁର୍କୀକୁ ପଛରେ ପକାଇ ଦେଇଛି।
