ନୂଆଦିଲ୍ଲୀ,୨୪ା୫: ଜେମିନୀ ଏଡିବେଲ୍ସ ଆଣ୍ଡ ଫାଟ୍ସ ଇଣ୍ଡିଆ ଲିମିଟେଡ୍(ଜେମିନୀ ଇଣ୍ଡିଆ)ର ଅଗ୍ରଣୀ ବ୍ରାଣ୍ଡ୍ ଫ୍ରିଡମ ହେଲ୍ଦି କୁକିଂ ଅଏଲର ନୂତନ ଅଭିଯାନ (ନ୍ୟୁ କ୍ୟାମ୍ପେନିଂ) ‘ଆର୍ ୟୁ ବାଇଂ ରାଇଟ୍?’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏପରିକି ପୂର୍ବ କ୍ୟାମ୍ପେନିଂ ‘ଧ୍ୟାନ୍-ସେ-ଲିଜିୟେ’ର ଅବଧି ବୃଦ୍ଧି କରାଯାଇଛି। ଫଳରେ ବ୍ରାଣ୍ଡ୍ର ଆଭିମୁଖ୍ୟ ଓ ଗ୍ରାହକ ସଚେତନତା ଠିକ୍ ଭାବେ ହୋଇପାରିବ ବୋଲି କମ୍ପାନୀ ପକ୍ଷରୁ ଆକଳନ କରାଯାଇଛି।
ସେହିଭଳି ୧ ଲିଟର ଖାଇବା ପ୍ୟାକେଟ (୧ଲି ପ୍ୟାକ୍) ବା ପାଉଚରେ କେତେ ପରିମାଣରେ ତେଲ ରହୁଛି ଏବଂ କେନ୍ଦ୍ର ସରକାରଙ୍କ ଖାଉଟି ମନ୍ତ୍ରଣାଳୟର ନୀତିନିୟମକୁ ଠିକ୍ ଭାବେ ପାଳନ କରାଯାଉଛି ନା ନାହିଁ ସେ ନେଇ ମଧ୍ୟ ବ୍ୟାପକ ଗ୍ରାହକ ସଚେତନତା କରାଯାଉଛି। ଏପରିକି ପ୍ରତି ୧ ଲିଟର ସନ୍ଫ୍ଲାଓ୍ବାର ଅଏଲ ପାଉଚରେ ପ୍ରାୟ ୯୧୦ ମି.ଲି. ତେଲ ଉପଲବ୍ଧ ହେଉଥିବାବେଳେ ଅନ୍ୟ ବ୍ରାଣ୍ଡ୍ରେ ଏହି ପରିମାଣ ୮୫୦ରୁ ୮୭୦ ରହୁଛି ବୋଲି ଆକଳନ କରାଯାଉଛି।
ଏ ସମ୍ପର୍କରେ ଜେମିନୀ ଏଡିବେଲ୍ସ ଆଣ୍ଡ ଫାଟ୍ସ ଇଣ୍ଡିଆ ଲିମିଟେଡ୍ର ବରିଷ୍ଠ ଉପାଧ୍ୟକ୍ଷ ( ସେଲ୍ସ ଆଣ୍ଡ ମାର୍କେଟିଂ) ପି. ଚନ୍ଦ୍ରଶେଖର ରେଡ୍ଡୀ କହିଥିଲେ, ଆମେ ଆମର ନୂତନ ଅଭିଯାନ (ନ୍ୟୁ କ୍ୟାମ୍ପେନିଂ) ‘ଆର୍ ୟୁ ବାଇଂ ରାଇଟ୍?’ର ଶୁଭାରମ୍ଭ କରି ବେଶ୍ ଉତ୍ସାହିତ ଅଛୁ। ଏପରିକି ଆମେ ଆମର ଗ୍ରାହକଙ୍କୁ ସଚେତନ କରାଇବା ସହ୍ ବ୍ରାଣ୍ଡ୍ର ପ୍ରତିଶ୍ରୁତି ଓ ଗ୍ରାହକ ସଶକ୍ତୀକରଣକୁ ଠିକ୍ ଭାବେ ଦର୍ଶାଉଛୁ। ସେହିଭଳି ଗ୍ରାହକଙ୍କ ମଧ୍ୟରେ ସଚେତନତା ସୃଷ୍ଟି କରାଇବା ସହ ଗ୍ରାହକଙ୍କ ଅଧିକାର ଓ ବିଶ୍ୱାସଭାଜନକୁ ସର୍ବାଧିକ ଗୁରୁତ୍ୱ ଦେଇଥାଉ ବୋଲି ସେ ବିସ୍ତୃତ ଭାବେ ମତପ୍ରକାଶ କରିଥିଲେ।
