ଏଫପିଆଇ ବିନିଯୋଗ ୯୫,୫୦୧ କୋଟିକୁ ବୃଦ୍ଧି ପାଇଛି
12:42 pmJanuary 31, 2022January 31, 2022 / 21

ନୂଆଦିଲ୍ଲୀ,୩୧।୧: ଭାରତୀୟ ଶେୟାର ବଜାରରେ ବିନିଯୋଗ ପ୍ରକ୍ରିୟାରେ ଅଂଶଗ୍ରହଣକାରୀ ନୋଟ୍‌ (ପି-ନୋଟ୍‌) ମାଧ୍ୟମରେ ଡିସେମ୍ବର ଶେଷ ସୁଦ୍ଧା ୯୫,୫୦୧ କୋଟି ଟଙ୍କାର ପୁଞ୍ଜି ନିବେଶ ବୃଦ୍ଧି ପାଇଛି। ବର୍ତ୍ତମାନର ପରିସ୍ଥିତିକୁ ନଜରରେ ରଖି ବିଶେଷଜ୍ଞମାନେ କହିଛନ୍ତି ଯେ, ବଜାର କାରବାର ଅନୁସାରେ ଆସନ୍ତା ମାସରେ ଏହାର ପ୍ରବାହ ନକାରାତ୍ମକ ହେବ। ସେହିଭଳି ପଞ୍ଜୀକୃତ ବିଦେଶୀ ପୋର୍ଟଫୋଲିଓ ନିବେଶକ (ଏଫ୍‌ବିଆଇ)ଙ୍କ ଦ୍ୱାରା ବିଦେଶୀ ନିବେଶକମାନଙ୍କୁ ସିଧାସଳଖ ପଞ୍ଜୀକରଣ ନ କରି ଭାରତୀୟ ଷ୍ଟକ୍‌ ମାର୍କେଟର ଏକ ଅଂଶ ହେବାକୁ ଇଚ୍ଛା କରୁଥିବା ନିବେଶକମାନଙ୍କୁ ପି-ନୋଟ୍‌ଗୁଡିକ ଦିଆଯାଏ। ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ୍‌ ବୋର୍ଡ ଅଫ୍‌ ଇଣ୍ଡିଆ (ସେବି)ର ସୂଚନା ଅନୁଯାୟୀ, ଭାରତୀୟ ବଜାରରେ ଇ-ଇକ୍ୱିଟି, ଉଠାଣ ଏବଂ ହାଇବ୍ରିଡ୍‌ ସିକ୍ୟୁରିଟିରେ ପି-ନୋଟ୍‌ ନିବେଶର ମୂଲ୍ୟ ଡିସେମ୍ବର ଶେଷ ସୁଦ୍ଧା ୯୫,୫୦୧ କୋଟି ଟଙ୍କା ହୋଇଥିବାବେଳେ ଏହା ନଭେମ୍ବର ଶେଷ ସୁଦ୍ଧା ୯୪,୮୨୬ ଟଙ୍କାରେ ରହିଥିଲା। ଏହାପୂର୍ବରୁ ଅକ୍ଟୋବର ଶେଷରେ ପୁଞ୍ଜି ବିନିଯୋଗ ସ୍ତର ୧.୦୨ ଲକ୍ଷ କୋଟିରେ ଥିଲା, ଯାହା ମାର୍ଚ୍ଚ ୨୦୧୮ ଠାରୁ ସର୍ବାଧିକ ବୋଲି କୁହାଯାଉଛି। ଏହି ସମୟରେ ପି-ନୋଟଗୁଡିକ ୧.୦୬ ଲକ୍ଷ କୋଟି ଟଙ୍କା ବିନିଯୋଗ କରିଥିଲା। ଏହି ପରିପ୍ରେକ୍ଷୀରେ ସେବି ନିକଟରେ ପଞ୍ଜୀକୃତ ସଂସ୍ଥା ପିଏମଏସ, ପାଇପର୍‌ ସେରିକାର ପ୍ରତିଷ୍ଠାତା ଏବଂ ଫଣ୍ଡ୍‌ ମ୍ୟାନେଜର ଅକ୍ଷୟ ଅଗ୍ରୱାଲ କହିଛନ୍ତି ଯେ, ଡିସେମ୍ବର ପାଇଁ ପି-ନୋଟ୍‌ ତଥ୍ୟ ଏକ ଫ୍ଲାଟ୍ଟିସ୍‌ ଟ୍ରେଣ୍ଡକୁ ସୂଚାଉଛି। ଏହା ପ୍ରାୟ ୬୭୫ କୋଟି ଟଙ୍କାର ଇକ୍ୱିଟି ପ୍ରବାହ ଏବଂ ୭୧୬ କୋଟି ଟଙ୍କାର ଉଠାଣ ପ୍ରବାହକୁ ସୂଚିତ କରିଥାଏ। ଏହି ସକାରାତ୍ମକ ପ୍ରବାହ ଆଶ୍ଚର୍ଯ୍ୟଜନକ କାରଣ ଏଫପିଆଇଗୁଡିକ ଡିସେମ୍ବରରେ ଇକ୍ୱିଟି ଏବଂ ଉଠାଣ ମାଧ୍ୟମରେ ୧୧,୭୯୯ରୁ ୧୯,୦୨୬ କୋଟି ଟଙ୍କାର କାରବାର କରିଥିଲା। ସେହିପରି ଜାନୁୟାରୀରେ ପି-ନୋଟ୍‌ ପ୍ରବାହ ନକାରାତ୍ମକ ହେବାର ଯଥେଷ୍ଟ ଆଶା କରାଯାଉଛି ବୋଲି ସେ କହିଛନ୍ତି। ଅପରପକ୍ଷରେ ୨୦୨୧ ଡିସେମ୍ବର ପର୍ଯ୍ୟନ୍ତ ଏଫପିଆଇ ମାଧ୍ୟମରେ ବିନିଯୋଗ ହୋଇଥିବା ମୋଟ ୯୫,୫୦୧ କୋଟି ଟଙ୍କା ବିନିଯୋଗ କରାଯାଇଥିଲା। ବଜାର ଇ-ଇକ୍ୱିଟି ପାଇଁ ପ୍ରତି ମାସରେ ପି-ନୋଟ୍‌ର ଅଂଶଗ୍ରହଣ ସର୍ବନିମ୍ନ ସ୍ତରରେ ଅଛି କିନ୍ତୁ ଉଠାଣ ପାର୍ଶ୍ୱ ଉପରେ ଏହା ଯଥେଷ୍ଟ ଅଧିକ ରହିଛି।