ପାଟଣା ,୧୭।୭(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ଥାନା ବଡ଼ ପାଟଣା ପଞ୍ଚାୟତ ଗୁଳୁଦିପଶି ଗ୍ରାମରେ ଗୁରୁବାର ବିଳମ୍ବିତ ରାତିରେ ଜଗନ୍ନାଥ ବାରିକଙ୍କ ଘର ଭିତରୁ ୪ଟି ଛେଳି ଚୋରି ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତିି । ସୂଚନା ଅନୁଯାୟୀ, ଗୁଳୁଦିପଶି ଗ୍ରାମର ଜଗନ୍ନାଥ ବାରିକ ତାଙ୍କର ପୁଅ ସାଙ୍ଗରେ ରଥଯାତ୍ରା ଦେଖିବା ପାଇଁ ପୁରୀକୁ ଯାଇଥିବାବେଳେ ଘରେ ତାଙ୍କର ସ୍ତ୍ରୀ ଏକୁଟିଆ ରହିଥିଲେ । ରାତିରେ ଖାଇ ସାରି ଜଗନ୍ନାଥଙ୍କ ସ୍ତ୍ରୀ ଘରେ ଶୋଇଥିବା ସମୟରେ ଦୁବୃର୍ତ୍ତମାନେ ଆସି ବାହାର ପଟୁ ଜଗନ୍ନାଥଙ୍କ ସ୍ତ୍ରୀଙ୍କୁ ଶିକୁଳି ମାରି ଦେଇ ଘର ଭିତରେ ଥିବା ୨ଟି ଖାସି ସହିତ ଦୁଇଟି ମାଇ ଛେଳିକୁ ନେଇ ଫେରାର୍ ହୋଇଯାଇଛନ୍ତି।ଶୁକ୍ରବାର ସକାଳେ ଜଗନ୍ନାଥଙ୍କ ସ୍ତ୍ରୀ ଉଠିଦେଖିଲା ବେଳକୁ ତାଙ୍କର ଛେଳି ଗୁହାଳ ଘର ଭଙ୍ଗାଯାଇଥିବା ଦେଖିବାକୁ ପାଇଥିଲେ। ସଙ୍ଗେ ସଙ୍ଗେ ସେ ଶୁକ୍ରବାର ପାଟଣା ଥାନାକୁ ଆସି ଛେଳି ଚୋରି ହୋଇଥିବା ନେଇ ଲିଖିତ ଅଭିଯୋଗ କରିଛନ୍ତି ।