ପାଟଣା,୭ା୧(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ମୂଷାଖୋରୀ ପଞ୍ଚାୟତ ପୂର୍ବସମିତି ସଭ୍ୟା ଯଶୋଦା ସେଠୀଙ୍କ ମଙ୍ଗଳବାର ବିଳମ୍ବିତ ରାତିରେ ଦେହାନ୍ତ ଘଟିଛି। ସେ ବାର୍ଦ୍ଧକ୍ୟ ଜନିତ ରୋଗରେ ପୀଡ଼ିତ ଥିଲେ। ମୃତ୍ୟୁବେଳକୁ ତାଙ୍କୁ ୮୦ବର୍ଷ ହୋଇଥିଲା। ସେ ଜଣେ ମିଷ୍ଟଭାଷୀ, ପରୋପକାରୀ, ଧର୍ମପରାୟଣ ମହିଳା ଥିଲେ।
ତତ୍କାଳୀନ ସମୟରେ ସେ ଭାଜପାର ଜଣେ ସଚ୍ଚୋଟ ଓ ନିଷ୍ଠାପର ନେତ୍ରୀ ଥିଲା। ତାଙ୍କ ରାଜନୈତିକ କ୍ୟାରିୟରରେ ସେ ନିଷ୍ଠାର ସହ ଲୋକଙ୍କ ସେବା କରି ଶ୍ରଦ୍ଧାଭାଜନ ହୋଇପାରିଥିଲେ। ମୃତ୍ୟୁଶଯ୍ୟା ନିକଟରେ ପୁଅ ସଚ୍ଚିଦାନନ୍ଦ ସେଠୀ, ବୋହୂ ରଶ୍ମୀରେଖା, ଝିଅ ଭଗବତୀ, ନାତି ଉପସ୍ଥିତ ଥିଲେ। ବୁଧବାର ଗାଁ ଶ୍ମଶାନରେ ଅନ୍ତେଷ୍ଟି କ୍ରିୟା ସମ୍ପନ୍ନ ହୋଇଛି। ପୁଅ ସଚ୍ଚିଦାନନ୍ଦ ମୁଖାଗ୍ନି ଦେଇଥିଲେ।
ମୂଷାଖୋରି ସରପଞ୍ଚ ଭାମା ମଣି ଦାସ, କଂଗ୍ରେସ ନେତା ଦିଲ୍ଲୀପ କୁମାର ଦାଶ, ସାମାଜିକ କର୍ମୀ ସଞ୍ଜୀବ କୁମାର ମହାନ୍ତ, ପାଟଣା ବିଇଓ ପୂର୍ଣ୍ଣଚନ୍ଦ୍ର ଓମାତ, ଅବସରପ୍ରାପ୍ତ ଏବେ ଓ ଧରଣୀଧର ଦାସ, ଭାଷ୍ୟକାର ପାର୍ଥସାରଥି ବେଜ, ଶିକ୍ଷକନେତା ବୀରମୋହନ ଦ୍ବିବେଦୀ, ସନ୍ତୋଷ କୁମାର ନାଏକ, ପ୍ରମୋଦ କୁମାର ମହାନ୍ତ ଜ୍ୟୋତିର୍ମୟ ତ୍ରିପାଠୀ ପ୍ରମୁଖ ଶେଷଦର୍ଶନ କରିବା ସହ ଗଭୀର ଶୋକ ପ୍ରକାଶ କରିଚନ୍ତି। ନିଖିଳ ଉତ୍କଳ ଶିକ୍ଷକ ସଂଘ ଜିଲା ସମ୍ପାଦକ କମଳାକାନ୍ତ ପତି, ସାମାଜିକ କର୍ମୀ ଅରୁଣ କୁମର ବେଜ, ଅନାଦି ମହାନ୍ତ ପ୍ରମୁଖ ଗଭୀର ଶୋକ ପ୍ରକାଶ କରିଥିଲେ।
