ବ୍ୟାଙ୍କକ୍,୪ା୮: ୨୦୨୧ର ସେନା ବିଦ୍ରୋହ ବଳରେ କ୍ଷମତାଚ୍ୟୁତ ହୋଇଥିବା ମ୍ୟାନ୍ମାରର ପୂର୍ବତନ ନେତ୍ରୀ ଅଙ୍ଗ୍ ସାନ୍ ସୁ ଚୀ ସୋମବାର ରାଜଧାନୀ ବ୍ୟାଙ୍କକ୍ରେ ରେଡ୍କ୍ରସ ଅନ୍ତର୍ଜାତୀୟ କମିଟି (ଆଇସିଆର୍ସି)ର ପ୍ରତିନିଧିମାନଙ୍କୁ ଭେଟିଛନ୍ତି। ନୋବେଲ ପୁରସ୍କାର ବିଜୟିନୀ ସୁ ଚୀ କ୍ଷମତାଚ୍ୟୁତ ହେବା ପରେ ପ୍ରଥମ ଥର ପାଇଁ ବାହାର ଦୁନିଆର କୌଣସି ସଂଗଠନର ପ୍ରତିନିଧିଙ୍କୁ ଭେଟିଛନ୍ତି। ମ୍ୟାନ୍ମାରରେ ଆଇସିଆର୍ସିର ପ୍ରତିନିଧି ଅର୍ନାଉଡ୍ ଡି ବାକ୍ୟୁଙ୍କ ସହ ସୁ ଚୀ କରମର୍ଦ୍ଦନ କରୁଥିବା ଏକ ଫଟୋରେ ଦେଖିବାକୁ ମିଳିଛି। ରାଷ୍ଟ୍ରପତିଙ୍କ ପ୍ରେସ୍ ଓ ସୂଚନା ବ୍ୟୁରା ପକ୍ଷରୁ ଉକ୍ତ ଫଟୋ ପ୍ରକାଶ କରାଯାଇଥିବାବେଳେ ବୈଠକର ସ୍ଥାନ ଓ କ’ଣ ଆଲୋଚନା ହୋଇଛି ତାହା ସ୍ପଷ୍ଟ କରାଯାଇ ନାହିଁ।