ଲକ୍ଷ୍ନୌ,୨୧ା୯: ଆହ୍ଲାବାଦ ହାଇକୋର୍ଟ ବୁଧବାର ପୂର୍ବତନ ବିଧାୟକ ମୁଖତାର ଅନସାରୀଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ଜଣେ ଜେଲରଙ୍କୁ ଧମକ ଦେବା ସହ ବନ୍ଧୁକ ଦେଖାଇବା ଅଭିଯୋଗରେ ତାଙ୍କୁ ଦୁଇ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଛି। ଜଷ୍ଟିସ ଡି.କେ ସିଂ ଉତ୍ତରପ୍ରଦେଶ ସରକାରଙ୍କ ଆବେଦନକୁ ଅନୁମତି ଦେଇଥିବା ବେଳେ ଏହି ନିର୍ଦ୍ଦେଶ ଦେଇଛନ୍ତି।
ଏହି ମାମଲା ୨୦୦୩ରୁ ହୋଇଥିଲା। ଯେତେବେଳେ ଲକ୍ଷ୍ନୌ ଜିଲା କାରାଗାରର ଜେଲର ଏସ୍.କେ ଆଓ୍ବସ୍ତି ଆଲାମବାଗ ପୋଲିସ ନିକଟରେ ଏଫ୍ଆଇଆର ଦାଖଲ କରିଥିଲେ। ସେ ଅନସାରୀ ତାଙ୍କୁ ଦୁର୍ବ୍ୟବହାର କରିବା ସମୟରେ ଏକ ବନ୍ଧୁକ ଦେଖାଇଥିଲେ। ଏହି ମାମଲାରେ ଏକ ଟ୍ରାଏଲ କୋର୍ଟ ଅନସାରୀଙ୍କୁ ନିର୍ଦ୍ଦୋଷରେ ଖଲାସ କରିଥିଲେ। କିନ୍ତୁ ସରକାର ଏକ ଆବେଦନ କରିଥିଲେ। ଅନସାରୀ ବର୍ତ୍ତମାନ ଜେଲରେ ଅଛନ୍ତି।
