ନୂଆଦିଲ୍ଲୀ,୨୫।୭: ୨୦୧୨ରେ ବହୁଚର୍ଚ୍ଚିତ ଏୟାର ହୋଷ୍ଟେସ ଗୀତିକା ଆତ୍ମହତ୍ୟା ମାମଲାରେ ଅଭିଯୁକ୍ତ ଗୋପାଳ କାଣ୍ଡା ନିର୍ଦ୍ଦୋଷରେ ଖଲାସ ହୋଇଛନ୍ତି। ଦିଲ୍ଲୀର ରାଉଜ୍ ଆଭେନ୍ୟୁ କୋର୍ଟ ଏହି ନିଷ୍ପତ୍ତି ଶୁଣାଇଛନ୍ତି । ଗୋପାଳ କାଣ୍ଡାା ବିମାନ କମ୍ପାନୀ ଏମଡିଏଲଆର୍ରେ ଏୟାର ହୋଷ୍ଟେସ ଭାବରେ ଗୀତିକା କାର୍ଯ୍ୟ କରୁଥିଲେ ଏବଂ ସେ ୫ ଅଗଷ୍ଟ ୨୦୧୨ରେ ଦିଲ୍ଲୀର ଅଶୋକ ବିହାରରେ ଆତ୍ମହତ୍ୟା କରିଥିଲେ।
ଆତ୍ମହତ୍ୟା ନୋଟରେ ଗୀତା ଏହି ପଦକ୍ଷେପ ପାଇଁ କାଣ୍ଡା ଏବଂ ତାଙ୍କ ଏମଡିଏଲଆର କମ୍ପାନୀର ଜଣେ ବରିଷ୍ଠ ପରିଚାଳକ ଅରୁଣା ଚଢାଙ୍କୁ ଦାୟୀ କରିଥିଲେ। ଏହି ମାମଲାରେ କାଣ୍ଡାଙ୍କୁ ୧୮ ମାସ ଜେଲରେ ରହିବାକୁ ପଡ଼ିଥିଲେ। ଏହା ପରେ ମାର୍ଚ୍ଚ ୨୦୧୪ରେ ତାଙ୍କୁ ଜାମିନ ପ୍ରଦାନ କରାଯାଇଥିଲା। ଗୀତିକାଙ୍କ ମୃତ୍ୟୁର ପ୍ରାୟ ୬ ମାସ ପରେ ତାଙ୍କ ମା ଅନୁରାଧା ଶର୍ମା ମଧ୍ୟ ଆତ୍ମହତ୍ୟା କରିଥିଲେ।
ଏହି ମାମଲାରେ ନିର୍ଦ୍ଦୋଷରେ ଖଲାସ ହେବା ପରେ ଗୋପାଳ କାଣ୍ଡା କହିଛନ୍ତି, ଏହି ମାମଲାରେ ମୋ ବିରୋଧରେ କୌଣସି ପ୍ରମାଣ ନାହିଁ, ଆଜି ଏହା କୋର୍ଟରେ ପ୍ରମାଣିତ ହୋଇଛି। କାଣ୍ଡା ତତ୍କାଳୀନ ମୁଖ୍ୟମନ୍ତ୍ରୀ ଭୁପିନ୍ଦର ସିଂ ହୁଡାଙ୍କ ସରକାରରେ ଗୃହମନ୍ତ୍ରୀ ଥିଲେ। ଆତ୍ମହତ୍ୟା ମାମଲାରେ ନାଁ ହେବା ପରେ ତାଙ୍କୁ ତାଙ୍କ ପଦ ଛାଡି ୧୮ ମାସ ଜେଲଦଣ୍ଡ ଭୋଗିବାକୁ ପଡିଥିଲା।
