ଚୁଲି ଚାନ୍ଦା, ଠେଙ୍ଗା ପାଳିରେ ଜଙ୍ଗଲ ସୁରକ୍ଷା

ନୟାଗଡ଼ ଅଫିସ,୧୪।୧୦:ନୟାଗଡ଼ ଜିଲା ଦଶପଲ୍ଲା ବ୍ଲକ ଟାକରା ପଞ୍ଚାୟତ ବାଙ୍କ ତଇଲା  ଗାଁର ଆଦିବାସୀ ଲୋକଙ୍କ ଜଙ୍ଗଲ ସୁରକ୍ଷା ନିଶା ବନ୍ୟଜନ୍ତୁ ସଂଖ୍ୟା ବଢ଼ାଇବାରେ ସହଯୋଗ କରିଛି। ଏଥିପାଇଁ ଅବାଧ ଶିକାର ରୋକାଯାଇ ପାରିଛି। ଚୁଲି ଚାନ୍ଦା ଓ ଠେଙ୍ଗା ପାଳିରେ ଜଙ୍ଗଲ ସୁରକ୍ଷା ଅନ୍ୟ ମାନଙ୍କ ପାଇଁ ପ୍ରେରଣା ଯୋଗାଇଛି।
ବାଇଶପଲ୍ଲୀ ଅଭୟାରଣ୍ୟର ଦାନ୍ଦିଗଛ ଜଙ୍ଗଲ ଓ ଗ୍ରାମ୍ୟ ଜଙ୍ଗଲ ଛଞ୍ଚାଣ ପଦା ହେବାରେ ଲାଗିଥିଲା। କେତେଜଣ ବ୍ୟକ୍ତି ଜଙ୍ଗଲରୁ ମୂଲ୍ୟବାନ ଶାଳ, ପିଆଶାଳ, ଅସନ, ବାନ୍ଧଣ ପରି ଗଛକୁ କାଟି ନେଇ ଚୋରା ଚାଲାଣ କରୁଥିଲେ। ବାଉଁଶ ଦିନ ରାତି ଚୋରି ହେଉଥିଲା। ଏପରି ଜଙ୍ଗଲ କ୍ଷୟକୁ ବାଙ୍କ ତଇଲା  ଗାଁ ଲୋକେ ବିରୋଧ କରୁଥିଲେ ମଧ୍ୟ ସୁଫଳ ମିଳି ନ ଥିଲା। କାରଣ ଆଦିବାସୀମାନେ ଏକାଠି ହୋଇ ପ୍ରତିବାଦ କରୁ ନ ଥିଲେ। ଗୋଷ୍ଠୀ ଜଙ୍ଗଲ ସୁରକ୍ଷା ସମ୍ପର୍କରେ ଏକ ଅନୁଷ୍ଠାନଠାରୁ ସୂଚନା ମିଳିବା ପରେ ଗତ ୩ ବର୍ଷ ତଳେ ଗ୍ରାମବାସୀ ଏକ ବୈଠକ ଡାକିଥିଲେ। ଉକ୍ତ ବୈଠକର ନିଷ୍ପତ୍ତି ଅନୁଯାୟୀ  ଗାଁ ଲୋକେ ଜଙ୍ଗଲ ଜଗିବାକୁ ସ୍ଥିର କଲେ। ପ୍ରାୟ ୪ମାସ ପର୍ଯ୍ୟନ୍ତ ୨୦ରୁ ଊର୍ଦ୍ଧ୍ୱ ଲୋକ ଜଙ୍ଗଲକୁ ଜଗିଲେ। ପରେ ପ୍ରତିଦିନ ୨ଜଣ ଲୋକ ଜଙ୍ଗଲ ଜଗିଲେ। ହେଲେ ଗ୍ରାମବାସୀଙ୍କ ଏପରି ପଦକ୍ଷେପକୁ କାଠ ମାଫିଆ ଓ ଶିକାରୀମାନେ ସହଜରେ ଗ୍ରହଣ କରି ପାରି ନ ଥିଲେ। ଏହାକୁ ନେଇ ସେମାନେ ଗାଁରେ ଗଣ୍ଡଗୋଳ କରିବା ସହ କେତେଜଣଙ୍କୁ ମାର୍‌ପିଟ୍‌ କରିବାକୁ ପଛାଇ ନ ଥିଲେ। ଆଦିବାସୀ ଲୋକେ ସେମାନଙ୍କୁ ବୁଝାଶୁଝା କରି ଜଙ୍ଗଲକୁ ସୁରକ୍ଷା ଦେଲେ। ଇତିମଧ୍ୟରେ ୩ବର୍ଷ ବିତିଛି। ଦିନେ ଯେଉଁ ଜଙ୍ଗଲ ବୃକ୍ଷ ଓ ଜୀବଜନ୍ତୁଶୂନ୍ୟ ହୋଇ ଆସୁଥିଲା, ସେଠାରେ ଏବେ ସବୁଜିମା ଭରିଛି। ଜଙ୍ଗଲରେ ବାର୍‌ହା, କୁଟୁରା, ଝିଙ୍କ, ଭାଲୁ ଦେଖାଗଲେଣି। କଲରାପତରିଆ ବାଘକୁ ମଧ୍ୟ ସେହି ଜଙ୍ଗଲରେ ଦେଖିବାକୁ ମିଳୁଥିବା ଗ୍ରାମବାସୀ କହିଛନ୍ତି। ଧାନ ଫସଲ ନଷ୍ଟ କଲେ ମଧ୍ୟ ଆଉ ବାର୍‌ହା ଶିକାର କରାଯାଉନାହିଁ। କ୍ଷତି ପାଇଁ ଚାଷୀ ବନ ବିଭାଗକୁ ଫେରାଦ୍‌ ହେଉଛି। ପୁଣି କଟା ହୋଇଥିବା ଶାଳ, ପିଆଶାଳ, ଅସନ, ବାନ୍ଧଣଗଛରୁ ପୁଣି କେନା ବାହାରି ନୂଆ ଗଛ ଉଠିଲାଣି।
ଏନେଇ ଜଙ୍ଗଲ କମିଟି ସମ୍ପାଦିକା ସୁକାନ୍ତି ନାୟକ କୁହନ୍ତି, ଦାନ୍ଦିଗଛ ଜଙ୍ଗଲ ଓ ଗ୍ରାମ୍ୟ ଜଙ୍ଗଲ ଛଞ୍ଚଣର ସୁରକ୍ଷା ପାଇଁ  ଗାଁ ଲୋକେ ଗ୍ରାମ୍ୟ ଗୋଷ୍ଠୀ ସମ୍ବଳ ଅଧିକାର କମିଟି ଗଠନ କରିଛନ୍ତି। ଗାଁ ର ୪୨ପରିବାରର ୨୧୨ ବାସିନ୍ଦାଙ୍କ ଏଥିପ୍ରତି ସହମତି ରହିଛି। ଆଦିବାସୀମାନେ ମାସକୁ ୨୦ ଟଙ୍କା ଲେଖାଏଁ ଚୁଲି ଚାନ୍ଦା ଦେଇ ଠେଙ୍ଗା ପାଳି ମାଧ୍ୟମରେ ଜଙ୍ଗଲ ଜଗୁଛନ୍ତି। ସଭାପତି ଲକ୍ଷ୍ମୀଧର ମୁଦୁଲି କୁହନ୍ତି, ପାଖରେ ଅଭୟାରଣ୍ୟ ଥିବାରୁ ବନ୍ୟ ଜୀବଜନ୍ତୁ ଅଳ୍ପଦିନ ମଧ୍ୟରେ ଜଙ୍ଗଲରେ ଦେଖାଦେଲେ। ଶିକାରୀମାନେ ଆଉ ଆଗ ପରି ଶିକାର କରୁନାହାନ୍ତି। ଯଦି କେତେବେଳେ ଶିକାର ହେଉଛି, ତାହାକୁ ଆଦିବାସୀମାନେ ପ୍ରତିବାଦ କରୁଛନ୍ତି। ଆବଶ୍ୟକ ପଡ଼ିଲେ ଶିକାରୀମାନଙ୍କୁ ଦଣ୍ଡିତ କରାଯାଉଥିବାରୁ ଶିକାର କମିବାରେ ଲାଗିଛି। ଅପରପକ୍ଷେ ଆଦିବାସୀଙ୍କ ରୋଜଗାର ବଢ଼ିବା ଆରମ୍ଭ ହୋଇଛି। ଜଙ୍ଗଲରୁ ହରିଡା, ବାହାଡା, ତେନ୍ତୁଳି, କଇଁଥ ସଂଗ୍ରହ କରାଯାଇ ବାହାରେ ବିକ୍ରି କରାଯାଉଛି। ପୁଣି ଜଙ୍ଗଲରୁ ଶାଳ ଓ ଶିଆଳି ପତ୍ର ସଂଗ୍ରହ କରି ଖଲି ପ୍ରସ୍ତୁତ କରି ଆଦିବାସୀ ମହିଳାମାନେ ରୋଜଗାର କରୁଛନ୍ତି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ସ୍ନାନ ପୂର୍ଣ୍ଣିମା, ରଥଯାତ୍ରା ପରିଚାଳନା ନେଇ ମୁଖ୍ୟମନ୍ତ୍ରୀଙ୍କ ଗୁରୁତ୍ୱପୂର୍ଣ୍ଣ ବୈଠକ

ଭୁବନେଶ୍ୱର,୧୬ା୬: ସ୍ନାନ ପୂର୍ଣ୍ଣିମା ଓ ରଥଯାତ୍ରା ପରିଚାଳନା ନେଇ ରବିବାର ମୁଖ୍ୟମନ୍ତ୍ରୀ ମୋହନ ଚରଣ ମାଝି ଏକ ଗୁରୁତ୍ୱପୂର୍ଣ୍ଣ ବୈଠକ କରିଛନ୍ତି। ରାଜ୍ୟ ଅତିଥି ଭବନରେ...

ଜାଗାବାଡ଼ିକୁ କେନ୍ଦ୍ର କରି ସାନ ଭାଇଙ୍କୁ ହାଣିଲେ ବଡ଼

ମୋରଡ଼ା,୧୬ା୬(ସ୍ମାରକ ମାଜୀ): ଜାଗାବାଡ଼ିକୁ ନେଇ ସାନ ଭାଇଙ୍କୁ ନିର୍ମମ ଭାବେ ହତ୍ୟା କରିଛନ୍ତି ବଡ଼ ଭାଇ। ଏଭଳି ହୃଦୟ ବିଦାରକ ଘଟଣା ଘଟିଛି ମୟୂରଭଞ୍ଜ ଜିଲା...

ଯେବେ ଏନଡିଏର ଲୋକ ସଭା ବାଚସ୍ପତି ଓଡ଼ିଶା ମୁଖ୍ୟମନ୍ତ୍ରୀଙ୍କୁ ଭୋଟ ଦେବାକୁ ଦେଇଥିଲେ ଅନୁମତି, ଭାଙ୍ଗି ଯାଇଥିଲା ବାଜପେୟୀ ସରକାର

ନୂଆଦିଲ୍ଲୀ,୧୬।୬: ଲୋକ ସଭା ନିର୍ବାଚନ ଫଳାଫଳ ପରେ ପିଏମ ମୋଦିଙ୍କ ନେତୃତ୍ୱ ଏନଡିଏ ସରକାର ପୁଣି କ୍ଷମତାକୁ ଫେରିଛି। ଏବେ ଏନଡିଏର ସହଯୋଗୀ ଦଳ ଲୋକ...

ଆହୁରି ତିନିଦିନ କଲକବଲ କରିବ ଗୁଳୁଗୁଳି

ଭୁବନେଶ୍ୱର, ୧୬।୬(ଅସମାପିକା ସାହୁ): ରାଜ୍ୟରେ ଏବେ ତାତି ସାଙ୍ଗକୁ ଅସହ୍ୟ ହେଲାଣି ଗୁଳୁଗୁଳି। ପଶ୍ଚିମ ଓଡ଼ିଶାରେ ହିଟ୍‌ଓ୍ବେଭ୍‌ ଜାରି ରହିଥିବା ବେଳେ ଉପକୂଳରେ କଲବଲ କରୁଛି...

ଅବସର ପରେ ବି ଶିକ୍ଷକଙ୍କୁ ମିଳୁନି ସମ୍ପୂର୍ଣ୍ଣ ପେନ୍‌ସନ

ଭବାନୀପାଟଣା,୧୬ା୬ (ଉତ୍ତମ କୁମାର ଦାଶ)ସରକାରୀ କର୍ମଚାରୀ ଅବସର ପାଇବା ପରେ ପେନ୍‌ସନ୍‌ ପାଇବା ପାଇଁ ସରକାରୀ ବ୍ୟବସ୍ଥା ରହିଛି। ହେଲେ କଳାହାଣ୍ଡି ଜିଲା ଶିକ୍ଷା ବିଭାଗରେ...

ସଚେତନତାରେ ସୀମିତ ବିଇଏମ୍‌ସିର ଡେଙ୍ଗୁ ନିୟନ୍ତ୍ରଣ

ବ୍ରହ୍ମପୁର,୧୬ା୬(ଅଶୋକ କୁମାର ସାହୁ)ମୌସୁମୀ ବର୍ଷା ଆରମ୍ଭ ହୋଇ ନ ଥିଲେ ବି ବ୍ରହ୍ମପୁର ସହରରେ ଡେଙ୍ଗୁ ଡରାଇବାକୁ ଲାଗିଲାଣି। କିଛି ଦିନ ତଳେ ସହରରେ ଦୁଇ...

ସ୍ତ୍ରୀ ଓ ପ୍ରସୂତି ୱାର୍ଡରେ ନାହିଁ ଏସି

ନୟାଗଡ଼,୧୬।୬(ଲୋକନାଥ ମିଶ୍ର)ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟ ପରିସରରେ ଥିବା ମାତୃ ଶିଶୁ ଚିକିତ୍ସାଳୟର ସ୍ତ୍ରୀ ଓ ପ୍ରସୂତି ୱାର୍ଡରେ ଏସି ନ ଥିବାରୁ ଗ୍ରୀଷ୍ମର ପ୍ରକୋପରେ...

ଗାଡ଼ିରୁ ତେଲ ସରିଯିବାରୁ ସାଙ୍ଗଙ୍କୁ ମାରିଦେଲେ

ଭୁବନେଶ୍ୱର,୧୬।୬(ସୂର୍ଯ୍ୟକାନ୍ତ ବେହେରା)ଚନ୍ଦକା ଥାନା ଅନ୍ତର୍ଗତ ପାଞ୍ଚମାଣିଆ ଜଙ୍ଗଲରେ ଡିପ୍ଲୋମା ଛାତ୍ର ସୁଶାନ୍ତ କୁମାର ଟୁଡୁଙ୍କୁ ହତ୍ୟା କରି ଫିଙ୍ଗିଦେବା ଘଟଣାର ପର୍ଦ୍ଦାଫାଶ ହୋଇଛି। ଗାଡିରୁ ତେଲ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri