ନୂଆଦିଲ୍ଲୀ,୧୧।୧୨: ଦେଶର ବୈଦେଶିକ ମୁଦ୍ରା ଭଣ୍ଡାର ୧.୭୮୩ ବିଲିୟନ ଡ଼ଲାର କମି ୬୩୫.୯୦୫ ବିଲିୟନ ଡ଼ଲାରରେ ପହଞ୍ଚିଛି। ଭାରତୀୟ ରିଜର୍ଭ ବ୍ୟାଙ୍କ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ ପୂର୍ବ ସପ୍ତାହରେ ବୈଦେଶିକ ମୁଦ୍ରା ଭଣ୍ଡାର ୨୭୧.୩ କୋଟି ଡ଼ଲାର କମି ୬୩୭.୬୮୭ ବିଲିୟନ ଡ଼ଲାରରେ ପହଞ୍ଚିଥିଲା। ଆରବିଆଇର ସାପ୍ତାହିକ ତଥ୍ୟ ଅନୁଯାୟୀ, ଡିସେମ୍ବର ୩ରେ ଶେଷ ହୋଇଥିବା ରିପୋର୍ଟ ସପ୍ତାହରେ ଫରେକ୍ସ ରିଜର୍ଭ ହ୍ରାସର କାରଣ ଏଫସିଏ ହ୍ରାସ ଯୋଗୁ ହୋଇଛି।
ଆରବିଆଇ ତଥ୍ୟ ଅନୁଯାୟୀ, ଏଫ୍ ସିଏ ସପ୍ତାହକ ମଧ୍ୟରେ ୧.୪୮୫ ବିଲିୟନ ଡ଼ଲାର ହ୍ରାସ ପାଇ ୫୭୩.୧୮୧ ବିଲିୟନ ଡ଼ଲାରରେ ପହଞ୍ଚିଛି। ଡଲାରରେ ପ୍ରକାଶିତ ବିଦେଶୀ ମୁଦ୍ରା ଭଣ୍ଡାରର ସ୍ଥିତି ୟୁରୋ, ପାଉଣ୍ଡ ଏବଂ ୟେନ ଭଳି ଅଣ-ଆମେରିକୀୟ ମୁଦ୍ରା ଉପରେ ମଧ୍ୟ ନିର୍ଭରଶୀଳ ବୋଲି ରିପୋର୍ଟରେ ଉଲ୍ଲେଖ କରାଯାଇଛି। ସେହିପରି ସୁନା ଭଣ୍ଡାରର ମୂଲ୍ୟ ୪୦.୭ କୋଟି ଡ଼ଲାରରୁ ୩୮.୪୧୮ ବିଲିୟନ ଡ଼ଲାରକୁ ହ୍ରାସ ପାଇଛି।
ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମଏଫ) ସହିତ ସ୍ବତନ୍ତ୍ର ଆହରଣ ଅଧିକାର ସପ୍ତାହରେ ୯ କୋଟି ଡଲାର ବୃଦ୍ଧି ପାଇ ୧୯.୧୨୬ ବିଲିୟନ ଡ଼ଲାରରେ ପହଞ୍ଚିଛି। ଆନ୍ତର୍ଜାତୀୟ ମୁଦ୍ରା ପାଣ୍ଠିରେ ଦେଶର ମୁଦ୍ରା ଭଣ୍ଡାର ୧.୭ କୋଟି ଡ଼ଲାର ବୃଦ୍ଧି ୫.୧୮ ବିଲିୟନ ଡ଼ଲାର ଛୁଇଁଛି।
