ଟ୍ରାଫିକ୍ ଜାମ୍ ପାଇଁ ବେଳେବେଳେ ଏତେ ବିରକ୍ତ ଲାଗେ ଯେ, ଇଛା ହୁଏ ଏମିତି ଗାଡି ଥାଆନ୍ତା କି ଉଡି ଉଡି ଯାଇ ହୁଅନ୍ତା। ତେବେ ଏଇ ଭାବନା ଏବେ ସତ ହେବାକୁ ଯାଉଛି। କାରଣ ଜାପାନର ଏକ ଷ୍ଟାର୍ଟଅପ୍ କମ୍ପାନୀ ‘ଏୟରଓ୍ବିନସ୍ ଟେକ୍ନଲୋଜ’ଭି’ ତିଆରି କରିଛି ଏକ ଉଡନ୍ତା ବାଇକ୍। ନିକଟରେ ସେ ଏହାକୁ ଡିଟ୍ରୟଟ୍ ଅଟୋ ଶୋ’ରେ ଲଞ୍ଚ କରିଛି। ଏହାକୁ ଏକ୍ସପର୍ଟମାନେ ବହୁତ ପ୍ରଶଂସା ବି କରିଛନ୍ତି । ଉକ୍ତ ବାଇକ୍ର ନାମ ‘ତୁରିଜ୍ମୋ’। ଡେଟ୍ରୟଟ୍ ଅଟୋ ଶୋ’ର ଅଧ୍ୟକ୍ଷ ନିଜେ ଏହାକୁ ଟେଷ୍ଟ କରିଛନ୍ତି। ଆଉ ନିଜର ଅନୁଭବକୁ ନେଇ ସେ କହିଛନ୍ତି ଯେ, ଏହା ବେଶ୍ ଉତ୍ସାହଜନକ ଓ ମଜାଦାର ଅଟେ। ହେଲେ ସ୍ବପ୍ନକୁ ସତ କରୁଥିବା ଏହି ବାଇକ୍କୁ ପାଇବା ପାଇଁ ମୋଟା ଅଙ୍କର ଖର୍ଚ୍ଚ କରିବାକୁ ହେବ। କାରଣ ଏହାର ମୂଲ୍ୟ ୭ଲକ୍ଷ ୭୭ ହଜାର ଡଲାର। ଯାହାର ଭାରତୀୟ ମୂଲ୍ୟ ୬ କୋଟି ୧୮ ଲକ୍ଷ ଅଟେ। ଉକ୍ତ ବାଇକ୍ର ଓଜନ ୩୦୦କି.ଗ୍ରା.। ଉକ୍ତ ବାଇକ୍ ୧୦୦ କି.ମି. ପ୍ରତି ଘଣ୍ଟା ବେଗରେ ଉଡିପାରେ। ଉଡିବା ପାଇଁ ଏଥିରେ ଥିବା ବ୍ୟାଟେରୀରୁ ଶକ୍ତି ମିଳିଥାଏ। ଜାପାନରେ ବ୍ଲାକ, ବ୍ଲୁ ଓ ରେଡ୍ କଲର୍ ବାଇକ ବିକ୍ରି ପାଇଁ ଉପଲବ୍ଧ ଅଛି। ୨୦୨୩ରେ ଏହାର ବିକ୍ରି ଆମେରିକାରେ ହେବାର ଯୋଜନା ରହିଛି।
