ଖରାଦିନେ ଫ୍ୟାଶନେବଲ୍ ଦେଖାଯିବା ପାଇଁ ସବୁଠାରୁ ଷ୍ଟାଇଲିଶ୍ ପ୍ରିଣ୍ଟ ହେଉଛି ଫ୍ଲୋରାଲ୍। ତା’ଛଡ଼ା ଏହି ପ୍ରିଣ୍ଟ୍ର ଆଉଟ୍ଫିଟ୍ ରିଫ୍ରେଶିଙ୍ଗ୍ ଲୁକ୍ ଦେବା ସହ ସବୁ ପ୍ରକାରର ବଡି ଟାଇପ୍ସକୁ ମଧ୍ୟ ଭଲ ମାନିଥାଏ। ଆଜିକାଲି ଅନେକ ପ୍ରକାରର ଫ୍ୟାଶନ ଆଇଟମ୍ସରେ ବି ଫ୍ଲୋରାଲ୍ ପ୍ରିଣ୍ଟ ରହୁଥିବାର ଦେଖିବାକୁ ମିଳୁଛି। ଯେମିତିକି ଶାଢ଼ି, କୁର୍ତ୍ତା, ଫ୍ରକ୍, ଜିନ୍ସ ଏପରିକି ଫ୍ଲୋରାଲ୍ ପ୍ରିଣ୍ଟବାଲା ଫୁଟ୍ଓ୍ବେର୍ ଇତ୍ୟାଦି, ଯାହା ଦେଖିବାକୁ ଖୁବ୍ ଆକର୍ଷଣୀୟ ମଧ୍ୟ ଲାଗୁଛି …
ଫ୍ଲୋରାଲ୍ ଶାଢ଼ି: ଫ୍ଲୋରାଲ୍ ପ୍ରିଣ୍ଟ ବାଲା ଶାଢ଼ି କେବେ ବି ଆଉଟ୍ ଅଫ୍ ଟ୍ରେଣ୍ଡ ହୋଇ ନଥାଏ। ଏପରିକି ସେଲିବ୍ରିଟିଙ୍କ ଗହଣରେ ମଧ୍ୟ ଏହି ଶାଢ଼ିର ଚାହିଦା ଖୁବ୍ ରହିଥାଏ। କାଜୁଆଲ୍ ଆଉଟିଂ ହେଉ କିମ୍ବା ଅଫିସ୍କୁ ଗଲାବେଳେ ଫ୍ଲୋରାଲ୍ ପ୍ରିଣ୍ଟର ଶାଢ଼ିକୁ ପିନ୍ଧିକି ଗଲେ ଫ୍ରେଶ୍ ଲୁକ୍ ମିଳିଥାଏ।
ଫ୍ଲୋରାଲ୍ କୁର୍ତ୍ତା: ଫ୍ଲୋରାଲ୍ ପ୍ରିଣ୍ଟ ଥିବା କୁର୍ତ୍ତା ବି ଖୁବ୍ ସୁନ୍ଦର ଲାଗିଥାଏ। ଏହି କୁର୍ତ୍ତା ସହିତ ମ୍ୟାଚିଂ କଲର୍ର ପ୍ଲେନ ଲେଗିଙ୍ଗ୍ସ ପରଫେକ୍ଟ ମ୍ୟାଚ୍ କରିଥାଏ; ଯାହାକୁ ଅଫିସ୍ ହେଉ କିମ୍ବା ସାଙ୍ଗମାନଙ୍କ ସହ ଆଉଟିଂରେ ଗଲାବେଳେ ପିନ୍ଧିଲେ କମ୍ଫଟେବଲ୍ ଲାଗିଥାଏ। ଅନ୍ୟପକ୍ଷେ ଅନାରକଲି ଷ୍ଟାଇଲ୍ର ଫ୍ଲୋରାଲ୍ କୁର୍ତ୍ତାକୁ ପାର୍ଟି, ଫଙ୍କଶନ୍କୁ ପିନ୍ଧିକି ଗଲେ ଆକର୍ଷଣୀୟ ଲୁକ୍ ମିଳିଥାଏ।
ଫ୍ଲୋରାଲ୍ ଫ୍ରକ୍: ଫ୍ଲୋରାଲ୍ ପ୍ରିଣ୍ଟର ନି ଲେଙ୍ଗ୍ଥ ଫ୍ରକ୍ ଆକର୍ଷଣୀୟ ଲୁକ୍ ଦେଇଥାଏ। ଖାସ୍ କରି ଧଳା ରଙ୍ଗର ଫ୍ରକ୍ ଉପରେ ମଲ୍ଟି କଲର୍ର ଫ୍ଲୋରାଲ୍ ପ୍ରିଣ୍ଟ ଥିଲେ, ବହୁତ ସୁନ୍ଦର ଦେଖାଯାଇଥାଏ। ବିଶେଷକରି କକ୍ଟେଲ୍ ପାର୍ଟି ହେଉ କିମ୍ବା ସାଙ୍ଗମାନଙ୍କ ସହ ଇଭିନିଙ୍ଗ୍ ପାର୍ଟିରେ ଗଲାବେଳେ ଏହି ଟାଇପ୍ର ଫ୍ରକ୍ ପିନ୍ଧିଲେ, ଡିଫରେଣ୍ଟ ଲୁକ୍ ମିଳିଥାଏ।
ଫ୍ଲୋରାଲ୍ ଜିନ୍ସ: ଜିନ୍ସର ଚାହିଦା ତ ଯୁବପିଢିଙ୍କ ଭିତରେ ସବୁବେଳେ ରହିଆସିଛି। ଖାସ୍କରି ଫ୍ଲୋରାଲ୍ ଜିନ୍ସର ଚାହିଦା ଏବେ ଖୁବ୍ ରହୁଥିବାର ଦେଖିବାକୁ ମିଳୁଛି। ବିଶେଷକରି ନୀଳ ରଙ୍ଗର ଜିନ୍ସ ହେଉ କିମ୍ବା କଳା ରଙ୍ଗର ଜିନ୍ସରେ ହୋଇଥିବା ଫ୍ଲୋରାଲ୍ ପ୍ରିଣ୍ଟ ବହୁତ ସୁନ୍ଦର ଲାଗିଥାଏ। କୁହାଯାଏ, ଫ୍ଲୋରାଲ୍ ଜିନ୍ସ ସହ ମ୍ୟାଚିଂ କରି ହାଇ ହିଲ୍ ପିନ୍ଧିଲେ କୁଆଡ଼େ ମଡର୍ନ ଲୁକ୍ ମିଳିଥାଏ।
ଫ୍ଲୋରାଲ୍ ପ୍ୟାଣ୍ଟ: କେବଳ ଜିନ୍ସ ନୁହେଁ, ଏବେ ମାର୍କେଟ୍ରେ ଅନ୍ୟ ଫ୍ୟାବ୍ରିକ୍ର ଫ୍ଲୋରାଲ୍ ପ୍ୟାଣ୍ଟ ବି ମିଳିଲାଣି; ଯାହା ଦେଖିବାକୁ ଆକର୍ଷଣୀୟ ଲାଗିବା ସହ ପିନ୍ଧିବାକୁ ମଧ୍ୟ କମ୍ଫର୍ଟେବଲ୍ ହୋଇଥାଏ। ସେହିପରି ଏହା ସହିତ ମ୍ୟାଚିଂ ଟି-ଶାର୍ଟ ପିନ୍ଧିଲେ ଲୁକ୍କୁ ଏହା ଖୁବ୍ ଭଲ ମାନିଥାଏ।
ଫ୍ଲୋରାଲ୍ ଫୁଟ୍ଓ୍ବେର୍: କେବଳ ଆଉଟ୍ଫିଟ୍ ନୁହେଁ ଏବେ ଫ୍ଲୋରାଲ୍ ପ୍ରିଣ୍ଟବାଲା ଫୁଟ୍ଓ୍ବେର୍ ବି ମାର୍କେଟରେ
ମିଳିଲାଣି; ଯାହା ଦେଖିବାକୁ ଆକର୍ଷଣୀୟ ଲାଗିବା ସହ ପିନ୍ଧିଲେ ଫ୍ରେଶ୍ ଲୁକ୍ ବି ମିଳିପାରୁଛି।
