ବଢ଼ି ବଢ଼ାଇଲା ବିପତ୍ତି

ଭୁବନ, ୩୦।୮(ଡି.ଏନ.ଏ.) କରୋନା ମହାମାରୀ ଦୋହଲାଇ ଦେଇଥିଲା ଆର୍ଥିକ ମେରୁଦଣ୍ଡ। କିଛି ନ ହେଲେ ବର୍ଷକର ଦାନା ଯୋଗାଡ଼ କରିବାକୁ ଜମି ମୁହାଁ ହୋଇଥିଲେ ଚାଷୀ। ବର୍ଷା ନ ଥିବାରୁ ବିଳମ୍ବ ହୋଇଥିଲା ରୁଆ। ତଥାପି ଅଧିକ ଖର୍ଚ୍ଚାନ୍ତ ହୋଇ ଧାନ ତଳି ରୋଇଥିଲେ। ହେଲେ ବେଉଷଣ ଆରମ୍ଭ ବେଳକୁ ବନ୍ୟା ସବୁକିଛି ଧୋଇନେଇଛି। ମହାମାରୀ ମଧ୍ୟରେ ବନ୍ୟା ବିପତ୍ତି ବୋଝ ଉପରେ ନଳିତାବିଡ଼ା ହୋଇଥିବାବେଳେ ସର୍ବସ୍ବ ହରାଇ ଚିନ୍ତାରେ ପଡ଼ିଛନ୍ତି ଢେଙ୍କାନାଳ ଜିଲା ଭୁବନ ବ୍ଲକର ଚାଷୀ।
ବ୍ରାହ୍ମଣୀ, ରାମିଆଳ ଏବଂ ଡମଶାଳ ନଦୀରେ ଆସିଥିବା ବନ୍ୟାରେ ଭୁବନ ବ୍ଲକରେ ବ୍ୟାପକ କ୍ଷୟକ୍ଷତି ହୋଇଛି। ଏକତାଳି, ବାଲିବୋ, ସୁରପ୍ରତାପପୁର, ମାର୍ଥାପୁର ଏବଂ ଭୂଷଳ ପଞ୍ଚାୟତ ସର୍ବାଧିକ ପ୍ରଭାବିତ ହୋଇଛି। ବ୍ଲକ ପ୍ରଶାସନ ପକ୍ଷରୁ ପ୍ରାଥମିକ ପର୍ଯ୍ୟାୟରେ କ୍ଷୟକ୍ଷତି ଆକଳନ କରାଯାଇଛି। ବନ୍ୟାପାଣିରେ ସମ୍ପୃକ୍ତ ୫ ପଞ୍ଚାୟତ ୧୯୪୩ ଜଣ ପ୍ରଭାବିତ ହୋଇଛନ୍ତି। ଏକତାଳି ପଞ୍ଚାୟତ ରୋଡଙ୍ଗ ଗ୍ରାମର ୧୭୧, ବାଲିବୋ ପଞ୍ଚାୟତ ଅରିଲୋ ଦଧିସିଙ୍ଗା ଗ୍ରାମର ୫୩, ସୁରପ୍ରତାପପୁର ପଞ୍ଚାୟତ କାଶୀପୁର ଗ୍ରାମର ୫୦, ମାର୍ଥାପୁର ପଞ୍ଚାୟତ ମାଳପୁରା ଗ୍ରାମର ୧୫୦, ଭୂଷଳ ପଞ୍ଚାୟତ ଜୟପୁର ଗ୍ରାମର ୧୫୧୯ ଜଣ ପାଣି ଘେରରେ ରହିଥିଲେ। ସମସ୍ତଙ୍କୁ ଉଦ୍ଧାର କରାଯାଇଛି। ବନ୍ୟା ବିପନ୍ନଙ୍କୁ ରିଲିଫ୍‌ ପ୍ରଦାନ କରାଯାଇଛି। ବ୍ଲକର ୧୪୦୦ ହେକ୍ଟର ଜମିରେ ଫସଲ କ୍ଷତି ହୋଇଛି। କେତେକ ସ୍ଥାନରେ ବାଲି ମାଡ଼ିଯାଇଛି। ଗ୍ରାମାଞ୍ଚଳର ରାସ୍ତା ଧୋଇଯାଇଛି। ତହସିଲଦାର ଦାୟିତ୍ୱରେ ଥିବା ଅତିରିକ୍ତ ତହସିଲଦାର ମନୋଜ କୁମାର ମାଝି ପ୍ରଭାବିତ ଅଞ୍ଚଳ ବୁଲି ସ୍ଥିତି ସମୀକ୍ଷା କରିଛନ୍ତି। ତେବେ ବନ୍ୟା ପାଣି ଛାଡ଼ି ନ ଥିବାରୁ ଆକଳନଠାରୁ କ୍ଷୟକ୍ଷତି ବେଶି ହେବ ବୋଲି ଅନୁମାନ କରାଯାଉଛି।
ଅନ୍ୟପଟେ ବନ୍ୟା ପରବର୍ତ୍ତୀ ସମୟରେ ଫସଲରେ ପୋକ ଉପଦ୍ରବ ବଢ଼ିବା ଆଶଙ୍କା ଦେଖାଦେଇଛି। ଏ ନେଇ ବ୍ଲକ କୃଷି ଅଧିକାରୀ ଦିଲୀପ କୁମାର ମିଶ୍ର କୁହନ୍ତି, ବନ୍ୟାରେ ବ୍ଲକ ଅଞ୍ଚଳର ଚାଷ ପ୍ରଭାବିତ ହୋଇଛି। ୮-୧୦ ଦିନ ହେଲା ବନ୍ୟା ପାଣିରେ ଚାଷଜମି ବୁଡ଼ି ରହିଛି। ବନ୍ୟା ପରେ ସାଧାରଣତଃ ଲେଡ଼ାପୋକ ଉପଦ୍ରବ ଦେଖାଦେଇଥାଏ। ପୋକ ଦମନ କରିବାକୁ ଚାଷୀ ଏବଂ ବୁଦ୍ଧିଜୀବୀଙ୍କୁ ପରାମର୍ଶ ଦିଆଯାଉଛି।

ଫସଲ ଭାସିଯାଇଛି
ବିଳମ୍ବରେ ବର୍ଷା ସତ୍ତ୍ୱେ ଅଧିକ ଖର୍ଚ୍ଚାନ୍ତ ହୋଇ ଚାଷ କରିଥିଲୁ। ଚାଷୀମାନେ ବିଭିନ୍ନ ସ୍ଥାନରୁ ହାତ ଉଧାରି କରଜ କରିଥିଲେ। ବନ୍ୟାରେ ସବୁକିଛି ଭାସିଯାଇଛି। ଶୀଘ୍ର କ୍ଷୟକ୍ଷତି ଆକଳନ କରି ସରକାରୀ ସହାୟତା ନ ମିଳିଲେ ଦୁଃଖ ବଳିଯିବ।
-ସୁରେନ୍ଦ୍ର ପୃଷ୍ଟି, ଚାଷୀ

ସବୁ ଆଶା ଛାରଖାର
ବନ୍ୟା ସବୁ ଆଶା ଛାରଖାର କରିଦେଇଛି। କରୋନା ସମୟରେ ଆର୍ଥିକ ଅନଟନର ଶିକାର ହୋଇଥିବା ଋଣୀ ଚାଷୀଙ୍କ ଉପରେ ଏହା କୋରଡ଼ା ମାଡ଼ ଭଳି ହୋଇଛି। ଏଥିପ୍ରତି ସରକାର ଗୁରୁତ୍ୱ ଦେବା ଜରୁରୀ।
-ମହେଶ୍ୱର ଦାସ, ଚାଷୀ

ପାଣି ଛାଡ଼ିଲେ କ୍ଷୟକ୍ଷତି ଆକଳନ
ସରକାରୀ ନିର୍ଦ୍ଦେଶ ଅନୁଯାୟୀ ବ୍ଲକ ପ୍ରଶାସନର ଅଧିକାରୀମାନେ ଦୈନିକ ବନ୍ୟା ପ୍ରଭାବିତ ଅଞ୍ଚଳ ପରିଦର୍ଶନ କରୁଛନ୍ତି। ଲୋକଙ୍କ ସମସ୍ୟା ସମାଧାନ କରିବାକୁ ଗୁରୁତ୍ୱ ଦିଆଯାଉଛି। ବନ୍ୟାପାଣି ଛାଡ଼ିଲେ କ୍ଷୟକ୍ଷତି ଆକଳନ କରାଯାଇ ପୂର୍ଣ୍ଣାଙ୍ଗ ରିପୋର୍ଟ ଦିଆଯିବ।
-ଆଶୀର୍ବାଦ ପରିଡ଼ା, ବିଡିଓ

କ୍ଷତିଗ୍ରସ୍ତ ପରିବାରକୁ ମିଳିବ ସହାୟତା
ପାଣି କମିଯିବା ପରେ ପ୍ରକୃତ ଚିତ୍ର ଜଣାପଡ଼ିବ। କ୍ଷତିଗ୍ରସ୍ତ ରାସ୍ତା ମରାମତି କରାଯିବ। ଘର କ୍ଷତିଗ୍ରସ୍ତ ହୋଇଥିବା ପରିବାରକୁ ଆବାସ ଯୋଜନାରେ ସାମିଲ କରାଯିବା ସହ ସରକାରୀ ନିୟମ ଅନୁଯାୟୀ ସହାୟତା ଯୋଗାଇ ଦିଆଯିବ।
-ଇଂ. ବିଷ୍ଣୁ ପ୍ରସାଦ ଆଚାର୍ଯ୍ୟ, ଉପଜିଲାପାଳ


Enter your email to get our daily news in your inbox.

All Right Reserved By Dharitri.Com

କଳାହାଣ୍ଡିରେ ସ୍ଥାୟୀ ହାଇକୋର୍ଟ ବେଞ୍ଚ ପ୍ରତିଷ୍ଠା ଦାବି: କୋର୍ଟ, କଚେରୀ, ସରକାରଙ୍କ ସମସ୍ତ ଅଫିସ ବନ୍ଦ

ଭବାନୀପାଟଣା,୨୬।୮(ଡି.ଏନ.ଏ.): କଳାହାଣ୍ଡି ଜିଲାରେ ସ୍ଥାୟୀ ହାଇକୋର୍ଟ ପ୍ରତିଷ୍ଠା ଦାବି ନେଇ ଜିଲା ଓକିଲ ସଂଘ ଆହ୍ବାନକ୍ରମେ ସୋମବାର ଭବାନୀପାଟଣାରେ ସମସ୍ତ କୋର୍ଟ, କଚେରୀ, ତହସିଲ ସମେତ...

ଅମିତ ଶାହଙ୍କ ସହ କଥା ହେଲେ ଗଜପତି ମହାରାଜା

ପୁରୀ ଅଫିସ୍‌,୨୨।୧: ପୁରୀ ରଥଯାତ୍ରା ହେବ କି ନାହିଁ ସେନେଇ ସୁପ୍ରିମକୋଟ୍‌ଙ୍କ ରାୟ ଆଜି ଆସିବ। ରାୟ ଆସିବା ପୂର୍ବରୁ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ...

କଫିବଗିଚା, ଜଳପ୍ରପାତ ବୁଲିଲେ ପର୍ଯ୍ୟଟକ

ଦାରିଙ୍ଗବାଡ଼ି,୧୬।୩(ଡି.ଏନ୍‌.ଏ.) ସାରା ପୃଥିବୀରେ ଏବେ କରୋନା ଭୟ। ରାଜ୍ୟ ବିପର୍ଯ୍ୟୟ ଘୋଷଣା ପରେ କନ୍ଧମାଳ ଜିଲାପାଳ ଡ. ବୃନ୍ଦା ଡି ସମସ୍ତ ନିର୍ଦ୍ଦେଶକୁ କଡାକଡି ପାଳନ...

ଭତାରୁ ବଁଚିତ୍‌ ୧୫ ହକ୍‌ଦାର ହିତାଧିକାରୀ

କୋମନା,୨୬ା୭ (ଡି.ଏନ୍‌.ଏ.): ନୂଆପଡ଼ା ଜିଲା କୋମନା ବ୍ଲକ ଅଧୀନ କାଲିମାଟି ଗଁାର ୧୫ରୁ ଅଧ୍‌କା ହକ୍‌ଦାର ବୁଢ଼ାବୁଢ଼ି, ଭିନ୍ନକ୍ଷମ ଭତା ପାଏବାରୁ ବଁଚିତ୍‌ ହେଇଥିବାର ଅଭିଯୋଗ...

କୋକସରାରେ କାଳବୈଶାଖୀ: ଗଛ ଭାଙ୍ଗିଲା, ପରିବା ଚାଷ ନଷ୍ଟ

ଭବାନୀପାଟଣା/କୋକସରା,(ସ୍ବ.ପ୍ର/ଡିଏନ୍‌.ଏ): କଳାହାଣ୍ଡି ଜିଲା କୋକସରା ଓ ଜୁନାଗଡ ବ୍ଲକର ବିଭିନ୍ନ ଅଞ୍ଚଳରେ ରବିବାର ଅପରାହ୍ନରେ ପ୍ରବଳ ବର୍ଷା ପବନ ସହ କୁଆପଥର ମାଡ ହୋଇଛି। ପ୍ରାୟ...

ସ୍ବାଧୀନତା ଦିବସରେ ଗାନ୍ଧିଜୀଙ୍କୁ ଅସମ୍ମାନ

ଚନ୍ଦାହାଣ୍ଡି, ୧୫।୮(ଡି.ଏନ୍‌.ଏ.)-ଅଗଷ୍ଟ ୧୫ ସ୍ବାଧୀନତା ଦିବସରେ ସମସ୍ତେ ସ୍ବାଧୀନତା ସଂଗ୍ରାମୀମାନଙ୍କୁ ମନେ ପକାଇଥାନ୍ତି। ଜାତୀୟ ପତାକା ଉତ୍ତୋଳନ ପରେ ସେମାନଙ୍କ ବଳିଦାନର କଥା ଚର୍ଚ୍ଚା ହୋଇଥାଏ।...

ଝାରସୁଗୁଡ଼ାରେ ଶଟଡାଉନ କଡ଼ାକଡ଼ି: ଛକ, ବଜାରରେ ଜଗି ରହିଛି ପୋଲିସ

ଝାରସୁଗୁଡ଼ା ଅଫିସ,୪।୭: କରୋନା ସଂକ୍ରମଣ ରୋକିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ଜୁଲାଇ ମାସର ପ୍ରତି ସପ୍ତାହ ଶନିବାର ଓ ରବିବାର ଝାରସୁଗୁଡ଼ା ଜିଲାରେ ଶଟ୍‌ଡାଉନ୍‌...

ସାପ କାମୁଡାରେ ମହିଳା ମୃତ

ଆନନ୍ଦପୁର, ୯। ୭(ସ୍ବ.ପ୍ର.): କେନ୍ଦୁଝର ଜିଲା ଘସିପୁରା ଥାନା ମାର୍ଶାପାଳ ଗ୍ରାମର ଜନୈକା ମହିଳାଙ୍କର ସାପ କାମୁଡ଼ାରେ ମଙ୍ଗଳବାର ମୃତ୍ୟୁ ଘଟିଛି। ସେ ହେଲେ ବାଙ୍ଗି...

Advertisement


Archives

Model This Week