ଦାରିଙ୍ଗବାଡି/ବ୍ରାହ୍ମଣୀଗାଁ ୨୩ |୨(ଅରୁଣ ସାହୁ/ମନୋରଞ୍ଜନ ରଣା ): ଶୀତ ଦିନ ପରେ ଧୀରେଧୀରେ ପାଗରେ ପରିବର୍ତ୍ତନ ସହ ଦିନରେ ପ୍ରଚଣ୍ଡ ଖରା ଅନୁଭୂତ ହେଉଥିଲା ମଙ୍ଗଳବାର ପ୍ରଥମ କାଳବୈଶାଖୀର ପ୍ରଭାବ ଦେଖିବାକୁ ମିଳିଛି | ମଧ୍ୟାହ୍ନରେ ହଟାତ ପାଣିପାଗରେ ପରିବର୍ତ୍ତନ ମେଘୁଆ ସହ ପବଳ ବୋହିଥିଲା ଓ ବହୁ ସମୟ ଧରି ଝିପିଝିପି ବର୍ଷା ହୋଇଥିଲା ଫଳରେ ଅଞ୍ଚଳରେ ଦିନରେ ହେଉଥିବା ଗରମରୁ ତ୍ରାହି ମିଳିଥିବା ବେଳେ ଚାଷୀଙ୍କୁ ମିଳିଛି ମିଶ୍ରିତ ଫାଇଦା ବିଶେଷ କରି ଏହି ବର୍ଷା ହଳଦୀ ଚାଷୀଙ୍କୁ ଅଧିକା ଫାଇଦା ଦେଇଥିବା ବେଳେ ପନିପରିବା ଚାଷ ଆରମ୍ଭ କରିଥିବା ଚାଷୀଙ୍କୁ ମଧ୍ୟ ଫାଇଦା ଯୋଗାଇଛି କିନ୍ତୁ କୋବି ଚାଷୀଙ୍କୁ କ୍ଷତି ପହଞ୍ଚାଇଥିବା କୁହାଯାଇଛି | ସେହିପରି ବ୍ରାହ୍ମଣୀଗାଁରେ ମୁକ୍ତେଶ୍ଵର ଓ ହନୁମାନଙ୍କ ମନ୍ଦିର ବିଗ୍ରହ ପ୍ରତିଷ୍ଠାର ଉଦଯାପନୀ ଦିବସରେ ବିଳମ୍ବିତ ରାତିରେ ସାଂସ୍କୃତିକ କାର୍ଯ୍ୟକ୍ରମରେ ରାମାୟଣ ତଥା “ଅଶୋକ ବନ ରେ କାନ୍ଦନ୍ତି ସୀତା”ନାଟକ ଚାଲିଥିଲା ତାହା ମଙ୍ଗଳବାର ସଂଧ୍ୟା ୭ ଟା ପର୍ଯ୍ୟନ୍ତ ଅନୁଷ୍ଠିତ ହେବାକୁ ରହିଥିବା ବେଳେ ବର୍ଷା କାରଣରୁ ସୀତା ଚୋରି ପରେ ବାଳି ବଦ୍ଧ ଦୃଶ୍ୟ ଅଧାରୁ ଅଟକିଛି ଫଳରେ ଦର୍ଶକଙ୍କ ମନରେ ଆଘାତ ଦେଇଥିଲା ଏହି କାଳ ବୈଶାଖୀ ବୋଲି କୁହାଯାଇଛି|
