Posted inଫୁରସତ

ପ୍ରଥମ ଦରମା ବୋଉକୁ ଦେଇଥିଲି

ଖୋର୍ଦ୍ଧା ଜିଲା ଟାଙ୍ଗୀ ବ୍ଲକ ମଙ୍ଗଳାଯୋଡ଼ି ଗ୍ରାମପଞ୍ଚାୟତର ନୂଆପଡ଼ା ଗାଁର ଏକ ପାଇକ ପରିବାରରେ ମୋ ଜନ୍ମ। ମୁଁ  ଘରର ପ୍ରଥମ ସନ୍ତାନ। ଗାଁଟି ନିପଟ ମଫସଲ। ବାବା ଆମ ଅଞ୍ଚଳର ଜଣେ ଛାତ୍ରବତ୍ସଳ ଶିକ୍ଷକ ଆଉ ବୋଉ ମୋର ଜଣେ ସ୍ନେହୀ ଓ ଧର୍ମପରାୟଣା ମହିଳା। ବାବାବୋଉଙ୍କ ବିବାହର ଅନେକ ବର୍ଷ ପରେ ମୋର ଜନ୍ମ। ହେଲେ କନ୍ୟା ସନ୍ତାନଟିଏ ହୋଇଥିବାରୁ ଘରର କିଛି ନିକଟ ତଥା ଦୂର ସମ୍ପର୍କୀୟଙ୍କ ମଧ୍ୟରେ ନୈରାଶ୍ୟ ତଥା ଦୁଃଖର ମାହୋଲଟିଏ ଥିଲା। କିନ୍ତୁ ବାବାବୋଉଙ୍କର ଦମ୍ଭୋକ୍ତି ଥିଲା ଆମ ଝିଅ ପୁଅମାନଙ୍କଠାରୁ ବି ବହୁତ ଆଗକୁ ଯିବ; ଯାହାକି ମୋ ପାଇଁ ସର୍ବଦା ପ୍ରେରଣାର ଉତ୍ସ ସଦୃଶ ଥିଲା। ଗାଁରେ ବାଲ୍ୟଶିକ୍ଷା ସମାପ୍ତ ପରେ ପୁରୀ ସାମନ୍ତ ଚନ୍ଦ୍ର ଶେଖର ମହାବିଦ୍ୟାଳୟରେ ଯୁକ୍ତ ୨, କ୍ଷେତ୍ରବାସୀ ଡିଏଭି ମହାବିଦ୍ୟାଳୟରୁ ପ୍ରାଣୀ ବିଜ୍ଞାନରେ ସ୍ନାତକ ଏବଂ ଭଞ୍ଜବିହାରରୁ ସଫଳତାର ସହ ସ୍ନାତକୋତ୍ତର ଉତ୍ତୀର୍ଣ୍ଣ ହେବା ପରେ ୨୦୧୬ ମସିହାରେ ମୁଁ ସଚିବାଳୟରେ ସହକାରୀ ଉପବିଭାଗ ଅଧିକାରୀ(ଏଏସ୍‌ଓ) ଭାବେ ଗୃହ ଓ ନଗର ଉନ୍ନୟନ ବିଭାଗରେ ଯୋଗଦେଲି। ପ୍ରଥମ ମାସର ଦରମା ଯେଉଁଦିନ ମିଳିଲା ସିଧା ଯାଇ ବୋଉ ହାତରେ ଧରେଇଦେଲି। କାରଣ କ୍ୟାରିୟରରେ ମୁଁ କେମିତି ଆଗକୁ ଯାଏ, ସେ ନେଇ ବାବାବୋଉ ଉଭୟ ମୋତେ ପ୍ରେରଣା ଦେଉଥିଲେ ବି, ଛାଇ ଭଳି ମୋ ପଛେ ପଛେ ବୋଉ ଲାଗି ରହୁଥିଲା। ତେଣୁ ହାତରେ ତା’ର ଦରମା ଟଙ୍କା ଧରେଇ ଦେଇ ତା’ ମୁହଁରୁ ଟିକେ ଆତ୍ମସନ୍ତୋଷର ହସ ଦେଖିବାକୁ ମୁଁ ଏମିତି କରିଥିଲି। ସତକୁ ସତ ସେଦିନ ବୋଉ ବହୁତ ଖୁସି ହୋଇଥିଲା। ଆଉ ମୋରି ଟଙ୍କାରେ ଭୋଗ କିଣି ଆଣି ଠାକୁର ପୂଜା କରିବା ସହ ଗାଁରେ ଛୋଟ ଭୋଜିର ବି ଆୟୋଜନ କରିଥିଲା। ଏମିତି ଭାବେ ପ୍ରଥମ ରୋଜଗାର ଟଙ୍କା ଖର୍ଚ୍ଚ ହୋଇଥିଲା।
ପରେ ୨୦୨୦ରେ ଓଡ଼ିଶା ସିଭିଲ ସର୍ଭିସେସ୍‌ ପରୀକ୍ଷାରେ ସଫଳତାର ସହ ଉତ୍ତୀର୍ଣ୍ଣ ହୋଇ ଓଡ଼ିଶା ଅର୍ଥ ସେବାରେ ମୁଁ ଯୋଗ ଦେଲି। ଆଉ ବର୍ତ୍ତମାନ ସହକାରୀ ଆୟୁକ୍ତ, ବାଣିଜ୍ୟ କର, ଦ୍ରବ୍ୟ ଓ ସେବା କର ଭାବରେ ପୁରୀଠାରେ ଅବସ୍ଥାପିତ।  ଗୋଟିଏ ନିପଟ ମଫସଲ ଗାଁ; ଯେଉଁଠି ଆଧୁନିକ ସୁବିଧା ସୁଯୋଗ ସାତ ସପନ, ସେଠାରୁ ଆସି ପ୍ରଥମେ ଏଏସ୍‌ଓ ଏବଂ ପରେ ଜଣେ ଓଏଫ୍‌ଏସ୍‌ ଅଫିସର୍‌ ହେବା ପର୍ଯ୍ୟନ୍ତ ମୋର ଜୀବନ ଯାତ୍ରା କିଛି କମ୍‌ ସଂଘର୍ଷପୂର୍ଣ୍ଣ ନ ଥିଲା। ଏଠି ପହଞ୍ଚତ୍ବା ପାଇଁ ମୋର ବାବାବୋଉ, ଗୁରୁଜନ, ଶିକ୍ଷକ ଓ ଶିକ୍ଷୟିତ୍ରୀ ତଥା ଶୁଭେଚ୍ଛୁମାନଙ୍କ ଅନେକ ଅବଦାନ ରହିଛି। କେବଳ ମୁଁ କାହିଁକି, ନିଜର ସୁଖ ସ୍ବାଚ୍ଛନ୍ଦ୍ୟକୁ ଅଗ୍ରାଧିକାର ନ ଦେଇ ସର୍ବଦା ଆମମାନଙ୍କ ଶିକ୍ଷାଦୀକ୍ଷା ଉପରେ ଗୁରୁତ୍ୱ ଦେଉଥିବା ଆମ ବାବାବୋଉଙ୍କ ଆର୍ଶୀବାଦରୁ ମୋ ସାନଭାଇ ବି ଏବେ ଜଣେ ଅଧିକ୍ଷଣ ଯନ୍ତ୍ରୀ ଭାବେ ବୌଦ୍ଧଠାରେ ଅବସ୍ଥାପିତ ହୋଇଥିବାବେଳେ ଭଉଣୀ ମଧ୍ୟ ଜଣେ ଶିକ୍ଷୟିତ୍ରୀ ହୋଇପାରିଛି। ତେଣୁ ମନ ମଧ୍ୟରେ ଏକ ଅଭିଳାଷ ରହିଛି ଯେ, ସମାଜଠାରୁ ପାଇଥିବା ଏହି ଅକୁଣ୍ଠ ସହଯୋଗର ପ୍ରତିବଦଳରେ ଗୁଣ୍ଡୁଚି ମୂଷାଟେ ହୋଇ ସମାଜ ପାଇଁ କିଛି କରିବି। ଆଉ ଏହି କାର୍ଯ୍ୟକୁ ସଫଳତାର ରୂପ ଦେବା ପାଇଁ ପ୍ରଭୁ ଜଗନ୍ନାଥ ମୋତେ ସହାୟ ହୁଅନ୍ତୁ ବୋଲି କାମନା କରୁଛି।

Enter your email to get our daily news in your inbox.

All Right Reserved By Dharitri.Com

ରାତି ପାହିଲେ ବଡ଼ ଦିନ: ଧରାବତରଣ କରିବେ ପ୍ରଭୁ ଯୀଶୁ

ଭୁବନେଶ୍ୱର,୨୪।୧୨: ରାତି ପାହିଲେ ବଡ଼ ଦିନ। ଆଜି ମଧ୍ୟରାତ୍ରୀରେ ଧରାବତରଣ କରିବେ ପ୍ରଭୁ ଯୀଶୁ। ପ୍ରଭୁ ଯୀଶୁଙ୍କୁ ଉପାସନା ପାଇଁ ଖ୍ରୀଷ୍ଟ ଧର୍ମାବଲମୱୀଙ୍କ ମନରେ ଉତ୍କଣ୍ଠା...

ଶୀତ ମହୋତ୍ସବକୁ ଆସିବେ ୨ କୃଷ୍ଣ: ବଢୁଛି ଚର୍ଚ୍ଚା

ଦାରିଙ୍ଗବାଡି,୨୪।୧୨(ଅରୁଣ ସାହୁ):ଦାରିଙ୍ଗବାଡିରେ ଆସନ୍ତା ୮ଠାରୁ ୧୧ ପର୍ଯ୍ୟନ୍ତ ଶୀତ ମହୋତ୍ସବ ହେବାକୁ ଯାଉଛି। ଏହି ମହୋତ୍ସବରେ ରାଜ୍ୟର ବିଭିନ୍ନ ବିଭାଗ ମନ୍ତ୍ରୀମାନେ ଯୋଗଦେବାକୁ ରହିଥିବାବେଳେ କିଏ...

ଆଜିଠୁ ବରଗଡ଼ ଧନୁଯାତ୍ରା: ବରଗଡ଼ ହେବ ମଥୁରା ନଗରୀ, ଅମ୍ବାପାଲି ପାଲଟିବ ଗୋପପୁର

ବରଗଡ଼,୨୪।୧୨(ପ୍ରେମାନନ୍ଦ ଖମାରୀ): ବୃହତ୍‌ ମୁକ୍ତାକାଶ ରଙ୍ଗମଞ୍ଚ ବରଗଡ଼ ଧନୁଯାତ୍ରା ମହୋତ୍ସବ ବୁଧବାରରୁ ଆରମ୍ଭ ହେବ। ପରମ୍ପରା ଅନୁଯାୟୀ, ବରଗଡ଼ ଏମ୍‌ପି ପ୍ରଦୀପ କୁମାର ପୁରୋହିତ ଏବଂ...

ଆସାମର ହାତୀ-ଟ୍ରେନ୍‌ ଧକ୍କା

ଶନିବାର(୨୦-୧୨-୨୫) ବିଳମ୍ବିତ ରାତିରେ ଆସାମରେ ଘଟିଥିବା ହାତୀ-ଟ୍ରେନ୍‌ ଧକ୍କା ଏକ ବଡ଼ ଘଟଣା। ଗୋଟିଏ ଧକ୍କାରେ ୮ଟି ହାତୀଙ୍କ ମୃତ୍ୟୁ ହୋଇଛି। ଆସାମରେ ଏହା ଏପର୍ଯ୍ୟନ୍ତ...

ସମସ୍ୟା ଘେରରେ ପ୍ରାଥମିକ ବିଦ୍ୟାଳୟ ଶିକ୍ଷକ, ଶ୍ରେଣୀଗୃହ ଅଭାବ

ନୂଆପଡ଼ା/କୋମନା,୨୪ା୧୨ (ମକାରୁ ବେମାଲ/ମହେଶ ବାଗ): ନୂଆପଡ଼ା ଜିଲା କୋମନା ବ୍ଲକ ଅନ୍ତର୍ଗତ ସିଆଲଲଟି ପଞ୍ଚାୟତ ହଲୁଆପାଲି ପ୍ରାଥମିକ ବିଦ୍ୟାଳୟ ସମ୍ପ୍ରତି ବିଭିନ୍ନ ସମସ୍ୟା ମଧ୍ୟରେ ଗତିକରୁଛି।...

ବଡ଼ଦିନରୁ ଥରିବ ଓଡ଼ିଶା

ଭୁବନେଶ୍ୱର,୨୪।୧୨: ରାଜ୍ୟକୁ ଫେରିବ ହାଡ଼ଭଙ୍ଗା ଶୀତ। ବଡ଼ଦିନରୁ ଥରିବ ଓଡ଼ିଶା। ଶୀତ ପ୍ରକୋପରେ କଲବଲ ହେବେ ରାଜ୍ୟବାସୀ। କାଲିଠୁ ହାଡ଼ଭଙ୍ଗା ଶୀତ ସହିତ ଆଗାମୀ ୫ଦିନ...

ମାସେ ପରେ ବି ତୁଟିନି ଧାନ କିଣାବିକା ସମସ୍ୟା: ପୋଲିସ-ଚାଷୀ ଧସ୍ତାଧସ୍ତି

ବରଗଡ଼,୨୪।୧୨(ପ୍ରେମାନନ୍ଦ ଖମାରୀ):ବରଗଡ଼ ଜିଲାରେ ଖରିଫ ଧାନ ସଂଗ୍ରହ ପ୍ରକ୍ରିୟାକୁ ଏକମାସରୁ ଊଦ୍ଧର୍‌ବ ବିତିଗଲାଣି। ଏହାସତ୍ତ୍ୱେ ଧାନ କିଣାବିକା ନେଇ ନାନା ସମସ୍ୟା ଅସମାହିତ ରହିଛି। ଧାନ...

୬ ବଲ୍‌ରେ ୫ ଉଇକେଟ…ଇତିହାସ ରଚିଲେ ୨୮ ବର୍ଷୀୟ ଏହି ବୋଲର୍‌; ପ୍ରଥମ ଥର…

ନୂଆଦିଲ୍ଲୀ,୨୩।୧୨: ଟି୨୦ଆଇ କ୍ରିକେଟ୍‌ରେ ଏକ ଓଭରରେ ୫ ଉଇକେଟ୍ ନେବା ପ୍ରତ୍ୟେକ ବୋଲରଙ୍କ ସ୍ୱପ୍ନ ଅଟେ। ୪ ଓଭରର ସ୍ପେଲ୍‌ରେ ଏହି କାରନାମା କରିବା ବହୁତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri