ନୟାଗଡ ଅଫିସ,୨୯।୭-ଚଳିତ ବର୍ଷ ମାଟ୍ରିକ ପରୀକ୍ଷାରେ ନୟାଗଡ ଜିଲା ଓଡଗାଁ ରାଧାକାନ୍ତ ଗାଲର୍ସ ହାଇସ୍କୁଲର ଛାତ୍ରୀ ପ୍ରଜ୍ଞାରାଣୀ ମହାପାତ୍ର ସର୍ବାଧିକ ୯୫ ପ୍ରତିଶତ ନମ୍ବର ରଖି ଜିଲାରେ ଟପ୍ପର ହୋଇଛନ୍ତି। ଏଥିସହ ସେ ଜିଲା ପାଇଁ ଗୌରବ ଆଣିଛନ୍ତି। । ପ୍ରଜ୍ଞାରାଣୀ ୬୦୦ରୁ ୫୭୧ ନମ୍ବର ରଖିଛନ୍ତି । ଭବିଷ୍ୟତରେ ପ୍ରଜ୍ଞାରାଣୀ ଆଇଏଏସ ହେବାକୁ ଇଚ୍ଛା ରଖିଥିବା ପ୍ରକାଶ କରିଛନ୍ତି। ତେବେ ଜିଲାରେ ଚଳିତ ବର୍ଷ ୮୬.୬୩ ପ୍ରତିଶତ ରେଜଲ୍ଟ ହୋଇଛି।
ଜିଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରୁ ମିଳିଥିବା ସୂଚନା ଅନୁସାରେ, ଜିଲାର ୨୩୩ ସ୍କୁଲର ୧୨ ହଜାର ୬୮୫ ଛାତ୍ରୀଛାତ୍ର ଦଶମ ଶ୍ରେଣୀ ପରୀକ୍ଷା ଦେବା ପାଇଁ ଫର୍ମଫିଲପ କରିଥିଲେ। ସେଥିମଧ୍ୟରୁ ୧୭୮ ଛାତ୍ରୀଛାତ୍ର ପରୀକ୍ଷା ଦେଇ ନ ଥିଲେ। ତେବେ ୭୫ ସେଣ୍ଟରରେ ୧୨ ହଜାର ୫୦୭ ଛାତ୍ରୀଛାତ୍ର ପରୀକ୍ଷା ଦେଇଥିଲେ। ୧୬ଜଣ ମାଲପ୍ରାଟିସ ହୋଇଥିଲେ। ୧୨ ହଜାର ୪୯୧ ଛାତ୍ରୀଛାତ୍ରଙ୍କର ରେଜଲ୍ଟ ପ୍ରକାଶ ପାଇଛି । ଏଥିରୁ ୧୦ ହଜାର ୮୩୫ ଉତ୍ତୀର୍ଣ୍ଣ ହୋଇଥିବାବେଳେ ୧୬୫୬ ଅବତୀର୍ଣ୍ଣ ହୋଇଛନ୍ତି । ଉତ୍ତୀର୍ଣ୍ଣ ଛାତ୍ରୀଛାତ୍ରଙ୍କ ମଧ୍ୟରୁ ଏ୧-୫୯ଜଣ , ଏ୨-୩୭୬, ବି୧-୭୫୪, ବି୨-୧୧୯୬, ସି-୧୬୧୭, ଡି-୨୫୪୮, ଇ- ୪୨୮୫ ଜଣ ରହିଛନ୍ତି।
