ଚମ୍ପୁଆ, ୧୨ ।୩(ଡି.ଏନ୍.ଏ.)
କେନ୍ଦୁଝର ଜିଲା ଚମ୍ପୁଆ ବ୍ଲକ ଅନ୍ତର୍ଗତ ଜାମୁଦଲକ ପଞ୍ଚାୟତର ମଙ୍ଗଳପୁର ମୁଣ୍ଡା ସାହିରେ ସୋନୁ ମୁଣ୍ଡା ନାମକ ଜଣେ ବ୍ୟକ୍ତି ଅର୍ଥ ଅଭାବରୁ ଚିକିତ୍ସିତ ହୋଇପାରୁ ନାହାନ୍ତି। ଅସ୍ବାଭାବିକ ଭାବେ ତାଙ୍କର ଦୁଇ ଗୋଡ଼ ଫୁଲିଥିବାରୁ ଦୁଶ୍ଚିନ୍ତାରେ ଦିନ କାଟୁଛନ୍ତି। ଦୀର୍ଘ ୫ ବର୍ଷ ଧରି ଦୁଇ ଆଶାବାଡି ସାହାରାରେ ଚଳପ୍ରଚଳ କରୁଥିବା ସୋନୁ ଏବେ ଚମ୍ପୁଆ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି। ୨୦୧୨ ମସିହାରେ ସୋନୁଙ୍କୁ ଏକ ଷଣ୍ଢ ଆକ୍ରମଣ କରିବାରୁ ତାଙ୍କ ଡାହାଣ ଗୋଡଟି ଭାଙ୍ଗିଯାଇ ଥିଲା। ଅଭାବୀ ପରିବାର ଯୋଗୁ ସ୍ଥାନୀୟ ଲୋକଙ୍କ ସହାୟତାରେ ସେ ଚିକିତ୍ସିତ ହୋଇଥିଲେ। କିନ୍ତୁ ପ୍ରାୟ ୫ ବର୍ଷ ହେବ ଗୋଡ଼ଟି ଧିରେ ଧିରେ ଫୁଲି ଯାଇଛି। ଚଲାବୁଲାର ସମସ୍ୟା ପାଇଁ ସେ ଆଶାବାଡିକୁ ସାହାରା କରୁଥିଲେ ମଧ୍ୟ ଅସ୍ବାଭାବିକ ଭାବେ ବଢୁଥିବା ଦୁଇ ଗୋଡକୁ ଧରି ଚାଲିବାକୁ ଅକ୍ଷମ ହୋଇଛନ୍ତି। ବର୍ତ୍ତମାନ ଉକ୍ତ ଦୁଇ ଗୋଡରେ ଘା’ ହେବାକୁ ଆରମ୍ଭ ହେବାରୁ ଯନ୍ତ୍ରଣା ବଢିବାରେ ଲାଗିଛି। ସୋନୁଙ୍କୁ ଉନ୍ନତ ଚିକିସତ୍ାଦେବା ନିତାନ୍ତ ଜରୁରୀ ହୋଇ ପଡିଥିବା ବେଳେ ଉପଖଣ୍ଡ ଚିକିସତ୍ା ଅଧିକାରୀ କହିଛନ୍ତି, ସୋନୁର ଗୋଡରେ ହୋଇଥିବା ଘା’ ଚମ୍ପୁଆରେ ଭଲ ହୋଇ ପାରିବ ମାତ୍ର ଫୁଲୁଥିବା ଗୋଡ ପାଇଁ ଉନ୍ନତ ଚିକିସତ୍ାର ଆବଶ୍ୟକତା ଅଛି।
