ଧର୍ମଶାଳା,୧୫।୭(ଶିବପ୍ରାସାଦ ମହାନ୍ତି): ଝୁଲନ୍ତା ଅବସ୍ଥାରେ ଫାଇନାନ୍ସ କର୍ମଚାରୀଙ୍କ ମୃତଦେହ ଉଦ୍ଧାର ହୋଇଛି। ମିଳିଥିବା ସୂଚନା ଅନୁସାରେ, କଟକ ଜିଲା ଗୋବିନ୍ଦପୁର ଥାନା କନ୍ଦଳ ଗ୍ରାମର ମହେଶ୍ୱର ମହାରଣାଙ୍କ ୩୧ ବର୍ଷୀୟ ପୁଅ ରାକେଶ ମହାରଣା ଚଣ୍ଡିଖୋଲରେ ମୁଥୁଟ ମାଇକ୍ରୋ ଫାଇନାସ କମ୍ପାନୀରେ କ୍ରେଡିଟ ଫାଇନାସ ମ୍ୟାନେଜର ଭାବେ ଦେଢ଼ ବର୍ଷ ହେବ କାମ କରୁଥିଲେ I ଚଣ୍ଡିଖୋଲ ନିକଟ ଏକ ଭଡ଼ା ଘର ନେଇ ଦୁଇ କର୍ମଚାରୀ ସହ ରହୁଥିଲେ। ଗତକାଲି ଦୁଇ କର୍ମଚାରୀ ରାତି ୯ଟାରେ ବସା ଘରକୁ ଫେରି ଦେଖନ୍ତି ତ ଘରର କବାଟ ଭିତର ପଟୁ ବନ୍ଦ ଅଛି I ଡାକିଲା ପରେ କବାଟ ନ ଖୋଲିଲାରୁ ସନ୍ଦେହ ହେଲା I ତୁରନ୍ତ ଧର୍ମଶାଳା ପୋଲିସ ରେ ଅଭିଯୋଗ କରିଥିଲେ I ପୋଲିସ ଆସି ଘରର କବାଟ ଭାଙ୍ଗି ଦେଖିବାରୁ ଘରର ଫ୍ୟାନରେ ରଶି ଲଗାଇ ଝୁଲିପଡିଛନ୍ତି I ଧର୍ମଶାଳା ପୋଲିସ ଶବ ଜବତ କରି ତଦନ୍ତ ଜାରି ରଖିଛି I
