ଆଜି ଷ୍ଟାର୍‌ କିରଣରେ‘ବିଦ୍ୟାରାଣ’
8:52 amSeptember 11, 2022September 11, 2022 / 41

ଭୁବନେଶ୍ୱର,୧୧ା୯: ରାଜ୍ୟର ପ୍ରମୁଖ ମନୋରଞ୍ଜନଭିତ୍ତିକ ଓଡ଼ିଆ ଚାନେଲ ଷ୍ଟାର୍‌ କିରଣରେ ରବିବାର ଭିନ୍ନ ସ୍ବାଦର ଓଡ଼ିଆ ଚଳଚ୍ଚିତ୍ର ‘ବିଦ୍ୟାରାଣ’ର ୱାଲର୍ଡ ଟେଲିଭିଜନ ପ୍ରିମିୟର(ଡବ୍ଲ୍ୟୁଟିପି) ହେଉଛି। ବିଶେଷକରି ଷ୍ଟାର୍‌ କିରଣର ଅନ୍ୟାନ୍ୟ କାର୍ଯ୍ୟକ୍ରମ ଦର୍ଶକମାନଙ୍କୁ ବାନ୍ଧି ରଖିବା ସହ ପ୍ରତି ସପ୍ତାହ ଶେଷରେ ଚାନେଲ ଏକ ବ୍ଲକ୍‌ ବଷ୍ଟର ସିନେମା ପ୍ରସାରଣ କରି ସାରା ପରିବାରକୁ ସାରେ ଏକତ୍ରିତ କରିପାରୁଛି। ଏପରିକି ଉକ୍ତ ଚଳଚ୍ଚିତ୍ରରେ ନାୟକ ଓ ନାୟିକା ଭୂମିକାରେ ସୁପରଷ୍ଟାର ବାବୁସାନ୍‌ ମହାନ୍ତି ଏବଂ ଶିବାନୀ ସଙ୍ଗୀତା ଅଭିନୟ କରିଛନ୍ତି। ଏହା ଏକ ପାରିବାରିକ ମନୋରଞ୍ଜନ ଚଳଚ୍ଚିତ୍ର । ବିଦ୍ୟାରାଣ ଏକ ଛୋଟ ବାଳକ ସିଦ୍ଧ ମହାବୀରର କାହାଣୀକୁ ନେଇ ଆଗକୁ ବଢ଼ିଛି। ସିଦ୍‌ ତାଙ୍କ ପିତାଙ୍କ ଦ୍ୱାରା ଅସ୍ବୀକାର(ପ୍ରତ୍ୟାଖ୍ୟାତ) ହୋଇ ପଳାତକ ହିସାବରେ ବଢ଼ିଥିଲା। ପରିଶେଷରେ ସେ (ସିଦ୍‌) ଜଣେ ଝିଅ(ମିଠି)ଙ୍କୁ ପ୍ରେମକରେ। ମିଠି ତାଙ୍କର ପ୍ରକୃତ ପରିଚୟ ବିଷୟରେ ମଧ୍ୟ ଅବଗତ ନୁହନ୍ତି। ବିଦ୍ୟାରାଣର ଶକ୍ତିଶାଳୀ କାହାଣୀ ଚଳଚ୍ଚିତ୍ରକୁ ଏକାଧିକ ମୋଡ଼ ଦେଇଛି। ଉକ୍ତ ଚଳଚ୍ଚିତ୍ରଟି ଏକ ଆକ୍ସନ ଥ୍ରୀଲର ମଧ୍ୟ । ଏହା ଦର୍ଶକଙ୍କୁ ଟିଭି ପରଦାରେ ବାନ୍ଧି ରଖିବ। ସିଦ୍‌ ଭୂମିକାରେ ସୁପରଷ୍ଟାର୍‌ ବାବୁସାନ୍‌ ଏବଂ ମିଠି ଭୂମିକାରେ ଶିବାନୀ ସୁନ୍ଦର ଅଭିନୟ କରିଛନ୍ତି। ଅନ୍ୟ କଳାକାର ଓ ଷ୍ଟାର କିରଣର ପରିଶ୍ରମ ଯୋଗୁ ସିନେମାଟି ସମ୍ପୂର୍ଣ୍ଣ ହେବା ସହ ରିଲିଜ ପୂର୍ବରୁ ଏହାକୁ ମଧ୍ୟ ଦର୍ଶକଙ୍କ ଭଲ ପାଇବା ମିଳିଛି। ଉଲ୍ଲେଖଯୋଗ୍ୟ, ସେପ୍ଟେମ୍ବର ୧୧ ସା ୬ ଘଟିକାରେ ବିଦ୍ୟାରାଣ ଚଳଚ୍ଚିତ୍ରର ଡବ୍ଲ୍ୟୁଟିପି ଷ୍ଟାର୍‌ କିରଣରେ ପ୍ରସାରଣ ହେବ।