ସୁରକ୍ଷା ଚିନ୍ତାରେ ସମ୍ମୁଖଯୋଦ୍ଧା

ଭୁବନ, ୨୧ା୫(ଡି.ଏନ.ଏ.) କରୋନାର ଦ୍ୱିତୀୟ ଲହର ଦିନକୁ ଦିନ ମାରାତ୍ମକ ହେବାରେ ଲାଗିଛି। ଦ୍ରୁତଗତିରେ ବଢୁଥିବା ସଂକ୍ରମଣ ସ୍ବାସ୍ଥ୍ୟ ବିଭାଗର ନିଦ ହଜାଇ ଦେଇଛି। ସଂକ୍ରମଣ ଚେନ୍‌ ଭାଙ୍ଗିବା ଏବଂ ମହାମାରୀକୁ ପ୍ରତିରୋଧ କରିବାକୁ ମେ ୨୪ରୁ ଘରକୁ ଘର ବୁଲି ସର୍ଭେ କରିବାକୁ ନିର୍ଦ୍ଦେଶନାମା ଜାରି କରିଛନ୍ତି ସରକାର। ଅମ୍ଳଜାନ ସ୍ତର, ତାପମାତ୍ରା ଏବଂ ଲକ୍ଷଣ ଯାଞ୍ଚ ଦ୍ୱାରା ସନ୍ଦିଗ୍ଧ ଆକ୍ରାନ୍ତଙ୍କୁ ଚିହ୍ନଟ କରିହେବ ବୋଲି କୁହାଯାଉଛି। ହେଲେ ସମନ୍ବିତ ଶିଶୁ ବିକାଶ ସେବା (ଆଇସିଡିଏସ୍‌) ଆନୁକୂଲ୍ୟରେ କାର୍ଯ୍ୟରତ ଅଙ୍ଗନଓ୍ବାଡି କର୍ମୀଙ୍କୁ ଏଯାଏ ସର୍ଭେ ସମ୍ପର୍କରେ ପ୍ରଶିକ୍ଷଣ ଦିଆଯାଇନାହିଁ। ବିନା ସୁରକ୍ଷା ସରଞ୍ଜାମରେ ଏଭଳି ଗୁରୁଦାୟିତ୍ୱ ଦିଆଯାଇଥିବା ବେଳେ ଏହାକୁ ନେଇ ଚିନ୍ତାରେ ପଡ଼ିଛନ୍ତି ଭୁବନ ବ୍ଲକର ଏହି ସମ୍ମୁଖଯୋଦ୍ଧା।
ଢେଙ୍କାନାଳ ଜିଲାର ଭୁବନ ବ୍ଲକ କରୋନାର ନୂଆ ହଟ୍‌ସ୍ପଟ ପାଲଟିଛି। ଏନ୍‌ଏସି ସମେତ ବ୍ଲକର ଗ୍ରାମାଞ୍ଚଳରେ ସଂକ୍ରମଣ ଦିନକୁ ଦିନ ବଢ଼ିବାରେ ଲାଗିଛି। ଏହାକୁ ରୋକିବାକୁ ନୂଆ ସରକାରୀ ଗାଇଡ୍‌ଲାଇନ୍‌ ଅନୁଯାୟୀ ପ୍ରଶାସନିକ ପ୍ରସ୍ତୁତି ଆରମ୍ଭ ହୋଇଛି। ତଦନୁଯାୟୀ ଆସନ୍ତା ୨୪ ତାରିଖଠାରୁ ଘରକୁ ଘର ବୁଲି ସର୍ଭେ ଆରମ୍ଭ ହେବ। ଏଥିରେ ଏଏନ୍‌ଏମ୍‌, ଆଶାକର୍ମୀ, ସ୍ବାସ୍ଥ୍ୟକର୍ମୀ, ଗଁା କଲ୍ୟାଣ ସମିତି ସଦସ୍ୟଙ୍କ ସମେତ ବ୍ଲକ ଅଧୀନ ୧୮ ପଞ୍ଚାୟତର ୨୬୯ ଅଙ୍ଗନୱାଡି କର୍ମୀ ସାମିଲ ହୋଇଛନ୍ତି। କେବଳ ଭୁବନ ଏନ୍‌ଏସିର ୧୫ଟି ୱାର୍ଡ ପାଇଁ ୫୧ ଜଣ ଅଙ୍ଗନଓ୍ବାଡି କର୍ମୀଙ୍କୁ ନିୟୋଜିତ କରାଯାଇଛି। ସର୍ଭେକୁ ମଝିରେ ମାତ୍ର ୩ଦିନ ବାକିଥିବାବେଳେ ଏଯାଏ ସମ୍ମୁଖ ଯୋଦ୍ଧାଙ୍କୁ ପ୍ରଶିକ୍ଷଣ ଦିଆଯାଇନି। କିଟ୍‌ ମଧ୍ୟ ପ୍ରଦାନ କରାଯାଇନାହିଁ। ସର୍ଭେ ସମ୍ପର୍କରେ ଠିକ୍‌ ଭାବେ ଅବଗତ ନ ଥିବାରୁ ସେମାନେ ଚିନ୍ତାରେ ପଡ଼ିଯାଇଛନ୍ତି। ସେମାନଙ୍କ କହିବା କଥା, ସର୍ଭେ ସମୟରେ କ’ଣ ପ୍ରଶ୍ନ ପଚରାଯିବ, କିଭଳି ପରୀକ୍ଷା କରାଯିବ ଏବଂ ଲୋକଙ୍କ ମନରୁ ଦ୍ୱନ୍ଦ୍ୱ ଦୂର କରାଯାଇପାରିବ ତାହା ଜଣେ ସମ୍ମୁଖଯୋଦ୍ଧା ଜାଣିବା ନିହାତି ଆବଶ୍ୟକ। ଏହା ନ ହେଲେ ସର୍ଭେ ସଫଳ ହେବନାହିଁ। ଅନ୍ୟପଟେ ଲକ୍ଷଣବିହୀନ ଆକ୍ରାନ୍ତଙ୍କ ସଂସ୍ପର୍ଶରେ ଆସିବା ଆଶଙ୍କାକୁ ଏଡ଼ାଇ ଦିଆଯାଇ ନ ପାରେ। ଅଜାଣତରେ ସଂକ୍ରମଣର ଶିକାର ହେଲେ ଓଲଟି ସେମାନଙ୍କ ପରିବାର ଲୋକଙ୍କ ଜୀବନ ବିପଦରେ ପଡ଼ିବ। ତେଣୁ ତୁରନ୍ତ ପରୀକ୍ଷା କିଟ୍‌, ପିପିଇ କିଟ୍‌, ଆବଶ୍ୟକ ସୁରକ୍ଷା ସରଞ୍ଜାମ ଯୋଗାଇ ଦେବା ସହିତ ଉପଯୁକ୍ତ ପ୍ରଶିକ୍ଷଣ ପ୍ରଦାନ କରିବାକୁ ଅଙ୍ଗନଓ୍ବାଡି କର୍ମୀମାନେ ଦାବି କରିଛନ୍ତି।
କିଟ୍‌ ମିଳିନି କି ତାଲିମ ଦିଆଯାଇନି
ମେ ୨୪ ତାରିଖରୁ ଆଶାକର୍ମୀ ଏବଂ ଅଙ୍ଗନଓ୍ବାଡି କର୍ମୀମାନେ ଘରକୁ ଘର ବୁଲି ସର୍ଭେ କରିବେ ବୋଲି ସରକାର ନିର୍ଦ୍ଦେଶ ଦେଇଛନ୍ତି। ହେଲେ ଏବେ ସୁଦ୍ଧା ସରକାରଙ୍କ ପକ୍ଷରୁ କିଟ୍‌ ମିଳିନାହିଁ। କ୍ଷେତ୍ରସ୍ତରୀୟ କର୍ମଚାରୀଙ୍କୁ ପ୍ରଶିକ୍ଷଣ ଦିଆଯାଇନାହିଁ। ଏହାକୁ ନେଇ ଚିନ୍ତାରେ ପଡିଛୁ।
-ପ୍ରମୋଦିନୀ ତ୍ରିପାଠୀ, ସିଡିପିଓ, ଭୁବନ

କୌଣସି ସ୍ପଷ୍ଟ ତଥ୍ୟ ନାହିଁ
ସର୍ଭେରେ ନିୟୋଜିତ ହେବାକୁ ଥିବା ଅଙ୍ଗନଓ୍ବାଡି କର୍ମୀମାନେ ଲୋକଙ୍କୁ କିପରି ପରୀକ୍ଷା କରାଯିବ, ସେ ନେଇ ବାରମ୍ବାର ପଚାରୁଛନ୍ତି। ହେଲେ ଆମ ପାଖରେ ଏ ସଂକ୍ରାନ୍ତରେ କୌଣସି ସ୍ପଷ୍ଟ ତଥ୍ୟ ନାହିଁ। ଶୁକ୍ରବାର ସ୍ବାସ୍ଥ୍ୟ ବିଭାଗ କିମ୍ବା ଜିଲା ପ୍ରଶାସନ ପକ୍ଷରୁ ତଥ୍ୟ ମିଳିବ ବୋଲି ଅନୁମାନ କରୁଛୁ।
-ନିର୍ମଳା ସେଠୀ, ଅଙ୍ଗନୱାଡି ସୁପରଭାଇଜର

ପରିବାରକୁ ବିପଦ ବଢ଼ିବ
କରୋନା ସହିତ ଲଢ଼େଇ କରିବାକୁ ସରକାର ଆମକୁ କରୋନା ଯୋଦ୍ଧା ଭାବେ ଘୋଷଣା କରିବା ସ୍ବାଗତଯୋଗ୍ୟ। ହେଲେ ଏବେ ଯାଏ ସର୍ଭେ ସମ୍ପର୍କରେ ତାଲିମ ଦିଆଯାଇନାହିଁ। ସଂକ୍ରମିତଙ୍କ ସଂସ୍ପର୍ଶରେ ଆସି ଘରକୁ ଫେରିଲେ ପରିବାର ସଦସ୍ୟଙ୍କ ଜୀବନ ପ୍ରତି ବିପଦ ଆଶଙ୍କା ରହିଛି। ଏଥିପ୍ରତି ସରକାର ଗୁରୁତ୍ୱ ଦେବା ଜରୁରୀ।
-ବିଜୁଳିବତୀ ବେହେରା, ଅଙ୍ଗନୱାଡି କର୍ମୀ

ବିନା ପ୍ରସ୍ତୁତିରେ କାମ କରିବା କଷ୍ଟକର
ଆସନ୍ତା ୨୪ ତାରିଖରୁ ଏନ୍‌ଏସି ଅଞ୍ଚଳରେ ଘର ଘର ବୁଲି ସର୍ଭେ କରିବାକୁ ଦାୟିତ୍ୱ ମିଳିଛି। ହେଲେ ଅଦ୍ୟାବଧି ସୁରକ୍ଷା କିଟ୍‌ ପହଞ୍ଚତ୍ନାହିଁ। ସର୍ଭେ ପୂର୍ବରୁ କିଟ୍‌ ନ ପହଞ୍ଚତ୍ଲେ ସମସ୍ୟା ବଢ଼ିବ। ବିନା ପ୍ରସ୍ତୁତି ଏବଂ ପ୍ରଶିକ୍ଷଣରେ କାମ କରିବା କଷ୍ଟକର ହୋଇପଡ଼ିବ।
-ରଞ୍ଜିତା ଚୌଧୁରୀ, ଅଙ୍ଗନୱାଡି କର୍ମୀ


Enter your email to get our daily news in your inbox.

All Right Reserved By Dharitri.Com

ପ୍ରାର୍ଥୀ ଘୋଷଣା ନେଇ ବିଜେଡିରେ ହୋଇପାରୁନି ନିଷ୍ପତ୍ତି

ଢେଙ୍କାନାଳ,୨୯ା୩(ରତନ ନାୟାର): ଢେଙ୍କାନାଳ ଲୋକ ସଭା କ୍ଷେତ୍ର ଅଧୀନରେ ଆସୁଥିବା ଢେଙ୍କାନାଳ ଓ ଅନୁଗୋଳ ଜିଲାର ୭ ବିଧାନସଭା ନିର୍ବାଚନମଣ୍ଡଳୀରୁ ଢେଙ୍କାନାଳ ଜିଲାରେ ରହିଛି ୪ଟି...

ପ୍ରାର୍ଥୀ ଚୟନ ନେଇ ଭାଜପାରେ ଛକାପଞ୍ଝା

ଢେଙ୍କାନାଳ,୨୯ା୩(ରତନ ନାୟାର):ଢେଙ୍କାନାଳ ବିଧାନସଭା ନିର୍ବାଚନମଣ୍ଡଳୀ ପାଇଁ ବିଜେଡି ପକ୍ଷରୁ ପ୍ରାର୍ଥୀ ଘୋଷଣା ହୋଇସାରିଛି। ବର୍ତ୍ତମାନର ବିଧାୟକ ସୁଧୀର କୁମାର ସାମଲଙ୍କୁ ବିଜେଡି ପୁନଃ ପ୍ରାର୍ଥୀ କରିବା...

ଢେଙ୍କାନାଳ ଲୋକ ସଭା ନିର୍ବାଚନମଣ୍ଡଳୀ: ବିଜେଡିରୁ ଅବିନାଶ ସାମଲ, ଭାଜପାରୁ ରୁଦ୍ର ପାଣି ପ୍ରାର୍ଥୀ

ଢେଙ୍କାନାଳ,୨୮ା୩(ରତନ ନାୟାର)ଚଳିତ ସାଧାରଣ ନିର୍ବାଚନ ପାଇଁ ଢେଙ୍କାନାଳ ଲୋକ ସଭା ଆସନ ନିମନ୍ତେ ବିଜେଡି ଓ ଭାଜପା ପକ୍ଷରୁ ପ୍ରାର୍ଥୀ ଘୋଷଣା ଶେଷ ହୋଇଛି। ବିଜେଡିରୁ...

ଢେଙ୍କାନାଳରୁ ସୁଧୀର, କାମାକ୍ଷାନଗରରୁ ପ୍ରଫୁଲ୍ଲ ଓ ପରଜଙ୍ଗରୁ ନୃସିଂହ

ଢେଙ୍କାନାଳ,୨୮ା୩(ରତନ ନାୟାର)ଢେଙ୍କାନାଳ ଜିଲାର ୪ଟି ବିଧାନସଭା ନିର୍ବାଚନ ମଣ୍ଡଳୀରୁ ୩ଟି ବିଧାନସଭା ନିର୍ବାଚନମଣ୍ଡଳୀ ପାଇଁ ବିଜେଡି ପକ୍ଷରୁ ବୁଧବାର ପ୍ରାର୍ଥୀ ଘୋଷଣା କରାଯାଇଛି। ଢେଙ୍କାନାଳ, କାମାକ୍ଷାନଗର...

ପ୍ରଫୁଲ୍ଲଙ୍କୁ ପଞ୍ଚମଥର ପାଇଁ ମିଳିଲା ବିଜେଡି ଟିକେଟ୍‌

କାମାକ୍ଷାନଗର,୨୭।୩(ସୁଧୀର କୁମାର ପରିଡା): ଢେଙ୍କାନାଳ ଜିଲା କାମାକ୍ଷାନଗର ୫୭ ବିଧାନସଭା ପାଇଁ ପ୍ରଫୁଲ୍ଲ କୁମାର ମଲ୍ଲିକକୁ ପୂନର୍ବାର ବିଜେଡି ଚଳିତ ନିର୍ବାଚନ ପାଇଁ ପ୍ରାର୍ଥୀ ଘୋଷଣା...

୨ ଭାଇଙ୍କ ମଧ୍ୟରେ ହାତାହାତି, ଚାଲିଗଲା ବଡ଼ ଭାଇଙ୍କ ଜୀବନ

ଓଡ଼ାପଡ଼ା,୨୪।୩(ରଞ୍ଜିତ ନାୟକ): ଢେଙ୍କାନାଳ ସଦର ଥାନା ଗୁଣଦେଇ ପଞ୍ଚାୟତ ଅଧୀନ କାଉଁରିଆପାଳ ଗ୍ରାମରେ ରବିବାର ଏକ ଅଭାବନୀୟ ଘଟଣା ଘଟିଛି। ଜମିବାଡ଼ି ସମସ୍ୟାକୁ କେନ୍ଦ୍ର କରି...

କପିଳାସ, ବଳରାମ ମନ୍ଦିର ପ୍ରସାଦ ପାଇଁ ଟେଣ୍ଡର ପଡ଼ିଲାନି

ଢେଙ୍କାନାଳ,୨୨ା୩(ରତନ ନାୟାର): ଢେଙ୍କାନାଳ ଜିଲା ତଥା ରାଜ୍ୟର ପ୍ରସିଦ୍ଧ ଶୈବପୀଠ କପିଳାସ ସମେତ ଢେଙ୍କାନାଳ ସହରସ୍ଥିତ ଶ୍ରୀ ସିଦ୍ଧ ବଳରାମଙ୍କ ମନ୍ଦିର ଅବଢ଼ା ତଥା ପ୍ରସାଦ...

ଆମ୍ବକୁ ବିପଦ ରେଡ୍‌ବ୍ୟାଣ୍ଡ୍‌ ପୋକ

ଢେଙ୍କାନାଳ,୧୯ା୩(ରତନ ନାୟାର):ଆମ୍ବ ଚାଷରେ ଢେଙ୍କାନାଳ ଜିଲା ଦେଶରେ ସ୍ବତନ୍ତ୍ର ପରିଚୟ ସୃଷ୍ଟି କରିଛି। ଜିଲାର ଜଳବାୟୁ ଫଳଚାଷ ପାଇଁ ଉପଯୁକ୍ତ ହୋଇଥିବାରୁ ପ୍ରତିବର୍ଷ ପ୍ରାୟ ୪୦ରୁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri