ବାରିପଦା ଅଫିସ,୧।୨ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ମୟୂରଭଞ୍ଜ ଜିଲା ବାରିପଦା ସଦର ବ୍ଲକରେ ୩୨୨ପ୍ରାର୍ଥୀ ପ୍ରତିଦ୍ୱନ୍ଦିତା କରୁଛନ୍ତି। ଏହି ବ୍ଲକ ଅଧୀନ ଦୁଇଟି ଜିଲାପରିଷଦ ଜୋନରେ ଭାଜପା ଓ ବିଜେଡି ମଧ୍ୟରେ କଡ଼ା ଟକ୍କର ହେବାର ସମ୍ଭାବନା ରହିଛି। ଉଭୟ ଦଳ ସମ୍ମାନ ପାଇଁ ଲଢ଼େଇ କରୁଛନ୍ତି। ପ୍ରାର୍ଥୀମାନେ ଘରକୁ ଘର ଓ ଗଁାକୁ ଗଁା ବୁଲି ପ୍ରଚାର କରୁଥିବା ବେଳେ ସୋସିଆଲ ମିଡିଆକୁ ବେଶୀ ବ୍ୟବହାର କରୁଛନ୍ତି। ଆଞ୍ଚଳିକ ସମସ୍ୟା ସମାଧାନର ପ୍ରତିଶ୍ରୁତି ଦେବା ସହିତ ସମାଗ୍ରିକ ବିକାଶ ଦିଗରେ ପଦକ୍ଷେପ ନେବାକୁ ପ୍ରାର୍ଥୀମାନେ ଭୋଟରଙ୍କୁ ବୁଝାଉଛନ୍ତି।
ପଞ୍ଚାୟତକୁ ନେଇ ଗଠିତ ବାରିପଦା ସଦର ବ୍ଲକର ଦୁଇଟି ଜିଲାପରିଷଦ ଜୋନରେ ୱାର୍ଡସଭ୍ୟଠାରୁ ଆରମ୍ଭ କରି ଜିଲାପରିଷଦ ସଦସ୍ୟ ପର୍ଯ୍ୟନ୍ତ ଚଳିତ ଥର ପ୍ରତିଦ୍ୱନ୍ଦ୍ୱିତା ଜୋରଦାର ହେଉଥିବା ଦେଖିବାକୁ ମିଳିଛି ା ଏହି ବ୍ଲକର ମୋଟ ଭୋଟର ସଂଖ୍ୟା ୪୯ହଜାର ୮୬୮। ୨ଟି ଜିଲାପରିଷଦ ଜୋନ ମଧ୍ୟରୁ ୨୯ ଓ ୩୦ନଂ. ଆସନରେ ଯଥାକ୍ରମେ ୩ ଓ ୫ଜଣ ପ୍ରାର୍ଥୀ ନିର୍ବାଚନ ଲଢୁଛନ୍ତି। ସେହିପରି ୧୧ଟି ପଞ୍ଚାୟତରେ ସରପଞ୍ଚ ପାଇଁ ୫୯ଜଣ ପ୍ରାର୍ଥୀ ଥିବା ବେଳେ ସମିତିସଭ୍ୟ ପାଇଁ ୫୧ ଓ ୱାଡର୍ର୍ମ୍ବେମର ପାଇଁ ୨୦୪ଜଣ ପ୍ରାର୍ଥୀ ନିର୍ବାଚନ ମଇଦାନରେ ଅଛନ୍ତି। ୨୦୧୭ ନିର୍ବାଚନରେ ୨୯ନଂ. ଜୋନରେ ଭାଜପା ପ୍ରାର୍ଥୀ ବିଜୟୀ ହୋଇଥିଲେ। ୨୯ନଂ. ଜିଲା ପରିଷଦ ଜୋନଟି ଶଙ୍ଖାଭଙ୍ଗା, ଭାଗବତଚନ୍ଦ୍ରପୁର, ହାତୀକୋଠ, ବୁଢ଼ିଖମାରୀ, ବଡ଼ଯୋଡ଼ ଓ ଖଡ଼ିଶୋଳର ୬ଟି ପଞ୍ଚାୟତକୁ ନେଇ ଗଠିତ। ଏହି ଆସନଟି ମହିଳାଙ୍କ ପାଇଁ ସଂରକ୍ଷିତ ଥିବା ବେଳେ ୩ ପ୍ରାର୍ଥିନୀ ନିର୍ବାଚନ ମଇଦାନରେ ଅବତୀର୍ଣ୍ଣ ହୋଇ ଦଳୀୟ ଚିହ୍ନ ସହ ପ୍ରଚାର ଆରମ୍ଭ କରିଛନ୍ତି। ବିଜେଡିି ପକ୍ଷରୁ ଗତଥରର ବ୍ଲକ ଉପାଧ୍ୟକ୍ଷା ରବୀନ୍ଦ୍ର ମହାନ୍ତଙ୍କ ସ୍ତ୍ରୀ ସତ୍ୟଭାମା ପ୍ରାର୍ଥୀ ହୋଇଥିବା ବେଳେ ଭାଜପା ପକ୍ଷରୁ ପ୍ରଭାବତୀ ମହାନ୍ତ ଓ କଂଗ୍ରେସର ସସ୍ମିତା ମହାନ୍ତ ପ୍ରତିଦ୍ୱନ୍ଦ୍ୱିତା କରୁଛନ୍ତି।
ବାଙ୍କିଶୋଳ, ରଜାବସା, ବେତନା, ଲକ୍ଷ୍ମୀପୋଷି ଓ ଚନ୍ଦନପୁରକୁ ମିଶାଇ ୫ଟି ପଞ୍ଚାୟତକୁ ନେଇ ୩୦ନଂ. ଜିଲା ପରିଷଦ ଜୋନ ଗଠିତ। ଗତ ୨୦୧୭ ନିର୍ବାଚନରେ ଏହି ଆସନରୁ ବିଜେଡି ପ୍ରାର୍ଥୀ ବିଜୟୀ ହୋଇଥିଲେ। ଚଳିତ ଥର ଆସନଟି ଅଣସଂରକ୍ଷିତ ଥିବା ବେଳେ ୫ ପ୍ରାର୍ଥୀ ପ୍ରତିଦ୍ୱନ୍ଦିତା କରୁଛନ୍ତି ା ବିଜେଡିର ଜିଲା ଯୁବ ସମ୍ପାଦକ ନରେନ୍ଦ୍ର ହାଁସଦାଙ୍କୁ ଏଥର ଟିକେଟ ମିଳିଥିବା ବେଳେ ଭାଜପା ପକ୍ଷରୁ ଧନଞ୍ଜୟ ମହାନ୍ତ, କଂଗ୍ରେସରୁ ପ୍ରଦୀପ କୁମାର ବେହେରା, ଜେଏମ୍ଏମ୍ରୁ କିଶୋର ହାଁସଦା ଓ ଆଜସୁ ପକ୍ଷରୁ ରୂପଚାନ୍ଦ ସୋରେନ ପ୍ରାର୍ଥୀ ହୋଇଛନ୍ତି ା ଗତ ନିର୍ବାଚନରେ ଏହି ୨ଟି ଆସନରୁ ବିଜେଡିି ଓ ଭାଜପା ଗୋଟିଏ ଲେଖାଏ ଆସନ ଅକ୍ତିଆର କରିଥିବା ବେଳେ ପ୍ରମୁଖ ପ୍ରତିଦ୍ୱନ୍ଦ୍ୱୀ ଭାବେ ମଧ୍ୟ ଉଭୟ ଦଳର ପ୍ରାର୍ଥୀ ରହିଥିଲେ। ତେବେ ଚଳିତ ଥର ବାରିପଦା ବିଧାନସଭା କ୍ଷେତ୍ରରେ ଭାଜପାର ବିଧାୟକ ପ୍ରକାଶ ସୋରେନ ରହିଥିବା ବେଳେ ଦୁଇଟି ଆସନ ଅକ୍ତିଆର କରିବା ପାଇଁ ଭାଜପା ପକ୍ଷରୁ ପ୍ରାଣମୂର୍ଚ୍ଛା ଉଦ୍ୟମ ଜାରି ରହିଛି। ଅନ୍ୟପକ୍ଷରେ ବିଜେଡି ଜିଲା ପର୍ଯ୍ୟବେକ୍ଷକ ଦାୟିତ୍ୱରେ ଥିବା ପ୍ରଣବ ପ୍ରକାଶ ଦାସ ଅସଜଡ଼ା ସଙ୍ଗଠନକୁ ସଜାଡ଼ି ଦଳକୁ ମଜବୁତ ସ୍ଥିତିରେ ରଖିଛନ୍ତି। ତେବେ ଭାଜପା ଓ ବିଜେଡି ପାଇଁ ଏହି ନିର୍ବାଚନ ସମ୍ମାନର ପ୍ରଶ୍ନ ବୋଲି ମତ ପ୍ରକାଶ ପାଇଛି।
