ଖ୍ୟାତି ବଢ଼ାଇଛି କ୍ଷେତ ପୋଖରୀ

ଢେଙ୍କାନାଳ ଅଫିସ, ୧ା୭: ପୋଖରୀ ହୁଡ଼ାରେ ଲାଗିଥିବା ଅମୃତଭଣ୍ଡା ଗଛରେ ଭର୍ତ୍ତି ହୋଇଛି ଫଳ। ଛନଛନିଆ ହୋଇ ବଢ଼ିଛି ଉନ୍ନତ କିସମର ଆମ୍ବ, ପିଜୁଳି ଗଛ। ମାଛ ଚାଷରୁ ମିଳୁଛି ଅତିରିକ୍ତ ଲାଭ। ଏକଦା ଯେଉଁ ଜମିରେ ବର୍ଷକୁ ଦୁଇଥର ଫସଲ ହେଉଥିଲା, ସେଠାରେ ଏବେ ବାରମାସ ଚାଷ ହେଉଛି। ମୃତ୍ତିକା ସଂରକ୍ଷଣ ଓ ଜଳ ବିଭାଜିକା ଉନ୍ନୟନ ବିଭାଗ ପକ୍ଷରୁ କାର୍ଯ୍ୟକାରୀ ‘କ୍ଷେତ ପୋଖରୀ’ ଯୋଜନା ଢେଙ୍କାନାଳ ଜିଲାର ଅନେକ ଚାଷୀଙ୍କୁ ଖ୍ୟାତି ଆଣି ଦେଇଛି। ସେମାନେ ନୂତନ ପ୍ରଣାଳୀରେ ଚାଷ କରି ସ୍ବାବଲମ୍ବୀ ହେବା ସହ ପାଲଟିଛନ୍ତି ପ୍ରେରଣା।


ଜିଲାରେ ୨୦୧୯-୨୦ ଏବଂ ୨୦୨୦-୨୧ ଆର୍ଥିକ ବର୍ଷରେ ୨,୨୫୫ ‘କ୍ଷେତ ପୋଖରୀ’ ଖନନ ଆରମ୍ଭ ହୋଇଥିଲା। ଅଦ୍ୟାବଧି ସେଥିରୁ ୧,୧୨୬ଟିର କାର୍ଯ୍ୟ ଶେଷ ହୋଇଛି। କାମାକ୍ଷାନଗର ବ୍ଲକ ସୋଗର ପଞ୍ଚାୟତରେ ଜଳ ବିଭାଜିକା ସହାୟତାରେ ପ୍ରଧାନମନ୍ତ୍ରୀ କୃଷି ସିଞ୍ଚାଇ ଯୋଜନାରେ ପ୍ରମୋଦ ସାହୁଙ୍କ ଜମିରେ ଏକ ପୋଖରୀ ଖନନ କରାଯାଇଥିଲା। ଏଥିରେ ଖର୍ଚ୍ଚ ହୋଇଥିଲା ୪ ଲକ୍ଷ ୫୦ ହଜାର ଟଙ୍କା। ପ୍ରମୋଦ ଉଦ୍ୟାନ କୃଷି ବିଭାଗ ସହାୟତାରେ ପୋଖରୀ ହୁଡ଼ାରେ ୧୫ ନଡ଼ିଆ ଚାରା, ୬୦ ଆମ୍ବଚାରା, ରେଡ୍‌ ଲେଡି କିସମର ଅମୃତଭଣ୍ଡା ଚାରାରୋପଣ କରିଛନ୍ତି। ପୋଖରୀ ସଂଲଗ୍ନ ୦.୨୦ ଏକର ଜମିରେ ଉନ୍ନତ କିସମର ପିଜୁଳି ଚାରା ଲଗାଇଛନ୍ତି। ଏଥିରୁ ବର୍ଷକୁ ଅନୂ୍ୟନ ୪ ଲକ୍ଷ ଟଙ୍କା ଯାଏ ଆୟ କରିବାକୁ ସେ ଲକ୍ଷ୍ୟ ରଖିଛନ୍ତି। ଏହାକୁ ବାଦ୍‌ଦେଲେ ମାଛ ଚାଷରୁ ଏଯାଏ ୧ ଲକ୍ଷ ଟଙ୍କା ମିଳିଥିବା ସେ କହିଛନ୍ତି। ଏଥିରୁ ଅନୁପ୍ରାଣିତ ହୋଇ ପ୍ରମୋଦ ଏବଂ ଚିତ୍ତରଞ୍ଜନ ସାହୁ ମିଳିତ ଭାବେ ଏମ୍‌ଜିଏନ୍‌ଆର୍‌ଇଜିଏସ୍‌ରେ ଅନ୍ୟ ଏକ ପୋଖରୀ ଖନନ କରିଛନ୍ତି। ପୋଖରୀ ହୁଡ଼ାରେ ସମନ୍ବିତ ଚାଷ ସହ କୃଷିଭିତ୍ତିକ ଜଙ୍ଗଲ ସୃଷ୍ଟି କରିବା ଲାଗି ମୃତ୍ତିକା ସଂରକ୍ଷଣ ବିଭାଗ ପକ୍ଷରୁ ଉଦ୍ୟମ ଜାରି ରହିଛି।
ଗତ ଜୁନ୍‌ ୨୮ରେ ଢେଙ୍କାନାଳ ଜିଲା ଗସ୍ତରେ ଆସିଥିବା ମୃତ୍ତିକା ସଂରକ୍ଷଣ ଓ ଜଳ ବିଭାଜିକା ଉନ୍ନୟନ ବିଭାଗର ନିର୍ଦ୍ଦେଶକ ହେମନ୍ତ କୁମାର ପଣ୍ଡା, ଜଳ ବିଭାଜିକା ପ୍ରକଳ୍ପ ନିର୍ଦ୍ଦେଶକ ପ୍ରଫୁଲ ପଢ଼ିଆରୀ, ସହକାରୀ ମୃତ୍ତିକା ସଂରକ୍ଷଣ ବିଭାଗର ନିର୍ଦ୍ଦେଶକ ସନ୍ତୋଷ ରଥ, ମୃତ୍ତିକା ସଂରକ୍ଷଣ ବିଭାଗର ସହକାରୀ ଅଧିକାରୀ ସମ୍ପଦ ସ୍ବରୂପ ସାମଲ ପ୍ରମୁଖ ପ୍ରମୋଦଙ୍କ କ୍ଷେତପୋଖରୀ ପରିଦର୍ଶନ କରିଥିଲେ। ଅଧିକାରୀମାନେ ପ୍ରମୋଦଙ୍କ ଉଦ୍ୟମକୁ ପ୍ରଶଂସା କରିବା ସହିତ ସମନ୍ବିତ ଚାଷ ସମ୍ପର୍କିତ ବିଭିନ୍ନ ବିଷୟରେ ଆଲୋଚନା କରିଥିଲେ।


Enter your email to get our daily news in your inbox.

All Right Reserved By Dharitri.Com

ଡିହଡୋଳ ବଜାରରେ ଦନ୍ତା ହାତୀ ଆତଙ୍କ: ଭୟଭୀତ ବ୍ୟବସାୟୀ ଓ ସ୍ଥାନୀୟ ବାସିନ୍ଦା

ପରଜଙ୍ଗ, ୧୫।୧୧ (ନିଗମାନନ୍ଦ ଦଳବେହେରା): ଢେଙ୍କାନାଳ ବନଖଣ୍ଡ ଅନ୍ତର୍ଗତ ମହାବିରୋଡ଼ ବନାଞ୍ଚଳର ଡିହଡୋଳ ବନ ବିଭାଗ ସେକ୍ସନ ଅଧୀନ ଡିହଡୋଳ ବଜାର ଅଞ୍ଚଳରେ ରବିବାର ସକାଳେ ଏକ…

ମେଡିକାଲର ୪ ମହିଲାରୁ ଖସି ରୋଗୀଙ୍କ ଜୀବନ ଗଲା, ଆତ୍ମହତ୍ୟା ନା ଆଉ କିଛି ଚାଲିଛି ତନାଘନା

ଢେଙ୍କାନାଳ,୧୪ା୧୧(ରତନ ନାୟାର): ଢେଙ୍କାନାଳ ଜିଲା ମୁଖ୍ୟ ଚିକିତ୍ସାଳୟର ୪ ମହଲାରୁ ଖସିପଡ଼ି ଶୁକ୍ରବାର ବିଳମ୍ବିତ ରାତିରେ ମନୋଜ ଦେହୁରୀ (୩୫) ନାମକ ଜଣେ ରୋଗୀଙ୍କ ମୃତ୍ୟୁ ଘଟିଛି।…

ଧର୍ମେନ୍ଦ୍ରଙ୍କ କାର୍ଯ୍ୟକ୍ରମରେ କୃଷ୍ଣଙ୍କ ଅନୁପସ୍ଥିତିକୁ ନେଇ ଚର୍ଚ୍ଚା: ବଢୁଛି ମନାନ୍ତର

ଢେଙ୍କାନାଳ, ୧୩ା୧୧ (ରତନ ନାୟାର):ଢେଙ୍କାନାଳରେ ଗୁରୁବାର ଭାଜପା ପକ୍ଷରୁ ଅନୁଷ୍ଠିତ ‘ଲୋକତନ୍ତ୍ର ବଞ୍ଚାଅ-ଅରାଜକତା ହଟାଅ’ କାର୍ଯ୍ୟକ୍ରମରେ ପୂର୍ବତନ କେନ୍ଦ୍ରମନ୍ତ୍ରୀ ତଥା ସମ୍ବଲପୁର ଏମ୍‌ପି ଧର୍ମେନ୍ଦ୍ର ପ୍ରଧାନ ଯୋଗଦେଇଥିଲେ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?