ପ୍ୟାରିସ୍,୩।୮:ଅଲିମ୍ପିକ୍ସରେ ଜାରି ରହିଛି ଖେଳାଳିଙ୍କ ଜଲୱା । ଅଲିମ୍ପିକ୍ସରେ ଅଂଶଗ୍ରହଣ କରିବା ସହ ଦେଶ ପାଇଁ ସ୍ବର୍ଣ୍ଣ ପଦକ ଜିତିବା ପ୍ରତି ଖେଳାଳିଙ୍କ ସ୍ବପ୍ନ । କିନ୍ତୁ ସେଇ ପଦକ ଜିତିବା ପରେ ଯଦି ଜୀବନ ରାସ୍ତାରେ ଚାଲିବାକୁ ପୁରୁଷ ବନ୍ଧୁଟିଏ ଯଦି ଲାଇଭ୍ ଅର୍ଥାତ୍ ସାରା ବିଶ୍ୱ ଆଗରେ ପ୍ରପୋଜ କରିଦିଏ ତେବେ ଖୁସି କହିଲେ ନ ସରେ।
ଏଭଳି ଘଟଣା ଦେଖିବାକୁ ମିଳିଛି ଅଲିମ୍ପିକ୍ସରେ। ଜଣେ ମହିଳା କାରମ ଖେଳାଳି ସ୍ବର୍ଣ୍ଣ ପଦକ ଜିତିବା ପରେ ଅନସ୍ପଟ ବିବାହ ପାଇଁ ପ୍ରପୋଜାଲ ମିଳିଛି। ଏପରି ଘଟଣା ସାରାବିଶ୍ୱକୁ ତାଜୁବ କରିଦେଇଛି। ଚାଇନାର ମହିଳା ଖେଳାଳି ମିକ୍ସଡ ଡବଲ୍ସରେ ସ୍ବର୍ଣ୍ଣ ପଦକ ଜିତିଥିଲେ । ସୁନା ଜିତିବା ପରେ ହଠାତ୍ ତାଙ୍କ ପୁରୁଷ ସାଥୀ ଅର୍ଥାତ୍ ସାଥୀ ଖେଳାଳି ତାଙ୍କୁ ବିବାହ ପାଇଁ ପ୍ରପୋଜ୍ କରିଥିଲେ। ଯେଉଁଥିରେ ତାଙ୍କର ଖୁସିର ସୀମା ରହି ନ ଥିଲା।
ସୂଚନା ଥାଉ କି, ଶୁକ୍ରବାର ପ୍ୟାରିସ ଅଲିମ୍ପିକ୍ସରେ ଚାଇନାର ବ୍ୟାଡମିଣ୍ଟନ ଖେଳାଳି ହୁଆଙ୍ଗ ୟ କିଓନଗ ସ୍ବର୍ଣ୍ଣ ପଦକ ହାତେଇଥିଲେ । ଯାହା ପରେ ସେ ତାଙ୍କ ସାଥୀ ଖେଳାଳି ତାଙ୍କୁ ଅନସ୍ପଟ ପ୍ରପୋଜ କରିଥିଲେ । ମିକ୍ସଡ ଡବଲ୍ସ ଇଭେଣ୍ଟରେ ହୁଆଙ୍ଗ, ଜେଙ୍ଗ ସିୱାଇଙ୍କ ସହ ଦକ୍ଷିଣ କୋରିଆର କିମ ୱନ ହୋ ଏବଂ ଜୋଙ୍ଗ ନା ୟୁନଙ୍କୁ ୨୧-୮,୨୧-୧୧ରେ ପରାସ୍ତ କରିଥିଲେ ।
ଏହି ସମୟରେ ତାଙ୍କୁ ସୁନା ପଦକ ପିନ୍ଧାଯାଇଥିଲା । ତେବେ ପଦକ ମିଳିବାର କିଛି କ୍ଷଣ ମଧ୍ୟରେ ହୁଆଙ୍ଗଙ୍କୁ ଚାଇନାର ଅନ୍ୟ ଜଣେ ବ୍ୟାଡମିଣ୍ଟନ ସାଥୀ ଲି ୟୁଚେନଙ୍କ ବିବାହ ପ୍ରସ୍ତାବ ଦେଇଥିଲେ । ହୁଆଙ୍ଗ କହିଛନ୍ତି,ଏହି ପ୍ରସ୍ତାବ ମୋ ପାଇଁ ଥିଲା ଆଶ୍ଚର୍ଯ୍ୟଜନକ । କାରଣ ମୁଁ ଖେଳ ପରେ ସେଲିବ୍ରେସନ ମୁଡ୍ରେ ଥିଲି । ମୁଁ ଜଣେ ଅଲିମ୍ପିକ ଚାମ୍ପିଅନ ସେଥିପାଇଁ ବିବାହ ପ୍ରସ୍ତାବ ପୁଣି ସାରା ବିଶ୍ୱ ଆଗରେ ଅନସ୍ପଟ ପାଇବା ଯାହା ମୋ ଆଶ୍ଚର୍ଯ୍ୟ ବାହାରେ ଥିଲା ।
