ସୋରଡା,୨୭।୫( ରଜନି ମହାପାତ୍ର ): ଓଡ଼ିଶା ପବ୍ଲିକ ସର୍ଭିସ କମିଶନ ଦ୍ୱାରା ଆୟୋଜିତ ଓଡ଼ିଶା ସିଭିଲ ସର୍ଭିସ ପରୀକ୍ଷା ୨୦୨୪-୨୫ ପରୀକ୍ଷାର ଫଳାଫଳ ପ୍ରକାଶ ପାଇଛି। ସୋରଡା ଏନଏସିର କାହ୍ନୁ ଚରଣ ବେହେରା ସେଥିରେ ୫୬ ନମ୍ବର ର଼୍ୟାଙ୍କ ରଖି କୃତକାର୍ଯ୍ୟ ହୋଇଛନ୍ତି। ଏହି ସଫଳତା ସୋରଡା ଅଞ୍ଚଳ ପାଇ ଗର୍ବ ଆଣିଛି । ବାପା କାଳୀଚରଣ ବେହେରା ଜଣେ ଧୀବର। ପ୍ରତିଦିନ ସୋରଡା ଡ୍ୟାମରେ ମାଛ ମାରିବାକୁ ଯାଇଥାନ୍ତି , ସେଥିରୁ ଯାହା ରୋଜଗାର ହୁଏ ସେଥିରେ ପରିବାର ପ୍ରତିପୋଷଣ କରିଥାନ୍ତି । ମା’ ଅମୂଲ୍ୟ ବେହେରା ସ୍ବାମୀ ଯାହା ମାଛ ଧରି ଆଣିଥାନ୍ତି ତାହାକୁ ବଜାରରେ ବିକ୍ରି କରନ୍ତି , ସେଥିରେ ଦୁଇ ଶହରୁ ତିନିଶହ ଟଙ୍କା ରୋଜଗାର ହୁଏ। ତେବେ ଓଏଏସ୍ ପରୀକ୍ଷାରେ ପୁଅ ସଫଳତା ପାଇଁ ଗର୍ବ ଆଣିଛନ୍ତି । ବାପାଙ୍କ କମ୍ ରୋଜଗାର ଯୋଗୁ ବାହାରେ ଶିକ୍ଷାଦାନ କରିନାହାନ୍ତି । ଘରେ ବସି ପାଠ ପଢିବା ସହିତ ମୋବାଇଲରୁ ଶିକ୍ଷା ପାଇ ଆଜି କୃତକାର୍ଯ୍ୟ ହୋଇଛନ୍ତି । ଘରେ ରହି ଟ୍ୟୁସନ କରି ଯାହା ରୋଜଗାର କରନ୍ତି ସେଥିରେ କିଛି ବହି କିଣନ୍ତି । ଧୀବର ଜାତିର ଉନ୍ନତି କରିବା ସହିତ ଓଡ଼ିଶାର ଲୋକଙ୍କ ପାଇ ଭଲ କାମ କରିବେ ବୋଲି କାହ୍ନୁ କହିଛନ୍ତି।