ଲକ୍ଷ୍ନୌ,୧୭।୮:ସମାଜବାଦୀ ପାର୍ଟି (ଏସପି) ମିଶନ ୨୦୨୪ର ପ୍ରସ୍ତୁତି ଆରମ୍ଭ କରିଛି। ଦଳ ଲୋକସଭା ନିର୍ବାଚନ ୬ ମାସ ପୂର୍ବରୁ ପାଇଁ ପ୍ରସ୍ତୁତ ଅଛି। ବିରୋଧୀ ଦଳର ମିଳିତ ମେଣ୍ଟ ‘ଇଣ୍ଡିଆ’ ଭାରତୀୟ ଜନତା ପାର୍ଟି ସରକାରକୁ କ୍ଷମତାରୁ ହଟାଇବ ବୋଲି ଏସପିର ବରିଷ୍ଠ ନେତା ଶିବପାଲ ସିଂ ଯାଦବ ଦାବି କରିଛନ୍ତି।
ଫତେହପୁରରେ କାର୍ଯ୍ୟକର୍ତ୍ତା ପ୍ରଶିକ୍ଷଣ ଶିବିର କାର୍ଯ୍ୟକ୍ରମ ଅବସରରେ ଶିବପାଲ କହିଛନ୍ତି,ଭାଜପା ସରକାରଙ୍କ ଦୁର୍ନୀତି ଯୋଗୁ ଦେଶ ତଥା ରାଜ୍ୟବାସୀ ସମ୍ପୂର୍ଣ୍ଣ ଅସୁବିଧାରେ ପଡ଼ିଛନ୍ତି। ଲୋକ ସଭା ନିର୍ବାଚନରେ ଭୋଟ ଦେବାବେଳେ ଭୋଟରମାନେ ଭାଜପାର କଳଙ୍କକୁ ମନେ ରଖିବେ।
ଏହାସହ ଶିବପାଲ ପୁତୁରା ତଥା ଏସ୍ପି ମୁଖ୍ୟ ଅଖିଳେଶଙ୍କ ସମ୍ପର୍କକୁ ନେଇ ଏକ ବଡ଼ ମନ୍ତବ୍ୟ ଦେଇଛନ୍ତି। ଶିବପାଲ କହିଛନ୍ତି, ଦାଦା ଏବଂ ପୁତୁରାଙ୍କୁ ଜୀବନସାରା ଏକାଠି ଦେଖିବେ। ବର୍ତ୍ତମାନ ଦାଦା ଆଗେ ଆଗେ ଏବଂ ପୁତୁରା ପଛେ ପଛେ ଯିବେ। ଶିବପାଲଙ୍କ ଏହି ମନ୍ତବ୍ୟ ସୁହେଲଦେବ ଭାରତୀୟ ସମାଜ ପାର୍ଟିକୁ ମୁଖ୍ୟ ଓମ ପ୍ରକାଶ ରାଜଭରଙ୍କୁ ଏକ ଝଟ୍କା ଦେଇଛି। ନିକଟେରେ ଏସ୍ପି ହାତ ଛାଡି ଏନ୍ଡିଏରେ ଯୋଗଦେଇଥିବା ରାଜଭର ଶିବପାଲ ଯାଦବଙ୍କୁ ଏନଡିଏ କ୍ୟାମ୍ପକୁ ଆଣିବା ବିଷୟରେ କହିଥିଲେ।
