କୌଣସି ଶୁଭ କାମ କରିବା ପୂର୍ବରୁ ସାଧାରଣତଃ ଗଣପତି ବା ଗଣେଶଙ୍କର ଆରାଧନା କରାଯାଇଥାଏ । ଅନେକ ସ୍ଥାନରେ ଗଣେଶଙ୍କର ମନ୍ଦିର ଥିବା ଦେଖାଯାଏ । ଆଦ୍ୟେ ପୂଜା ପାଉଥିବା ଗଜାନନଙ୍କର ଏକ ସ୍ୱତନ୍ତ୍ର ମନ୍ଦିର ରହିଛି ରାଜସ୍ଥାନରେ । ଯେଉଁଠି ଜଣେ ଭକ୍ତ ନିଜର ମନୋସ୍କାମନା ଜଣାଇବା ପାଇଁ ଗରପତିଙ୍କ୍ୁ ଏକ ପତ୍ର ଲେଖିବାକୁ ପଡିଥାଏ । ପ୍ରତ୍ୟେକ ବ୍ୟକ୍ତି ଶୁଭ କାମର ଆରମ୍ଭରୁ ଏହି ମନ୍ଦିରକୁ ଏକ ପତ୍ର ଲେଖିଥାଆନ୍ତି । ସେଥିପାଇଁ ସେଠାରେ ଗଣପତିଙ୍କ ପାଦତଳେ ସର୍ବଦା ଲକ୍ଷ ଲକ୍ଷ ପତ୍ର ଥୁଆ ହୋଇଥିବା ଦେଖାଯାଏ । ଏଠାକୁ ପଠାଯାଉଥିବା ଚିଠିରେ ଠିକଣା ଥାଏ, ଶ୍ରୀ ଗଣେଶ ଜୀ, ରଣଥଂଭୋରା କିଲା, ଜିଲା-ବସାଇ ମାଧପୁର, ରାଜସ୍ଥାନ । ଡାକବାଲା ସମ୍ପୂର୍ଣ୍ଣ ଶ୍ରଦ୍ଧା ଓ ଭକ୍ତିରେ ଚିଠି ଗୁଡିକୁ ମନ୍ଦିରରେ ପହଞ୍ଚାଇଥାଆନ୍ତି । ଏହାପରେ ମନ୍ଦିର ମଧ୍ୟକୁ ଚିଠି ପ୍ରବେଶ କରିବା ପରେ ସେଠାକାର ପୂଜାରି ଚିଠିକୁ ପଢି ଗଣପତିଙ୍କ ପାଦତଳେ ରଖି ଦିଅନ୍ତି । ବିଶ୍ୱାସ କରାଯାଏ ଯେ କୌଣସି ଶୁଭ କାମ ପୂର୍ବରୁ ଏହି ମନ୍ଦିରକୁ ଚିଠି ଲେଖିଲେ ଗଣପତିଙ୍କ କରୁଣାରୁ ସବୁ କାମ ସୁରୁଖୁରରେ ହୋଇଯାଇଥାଏ । ଏହି ମନ୍ଦିରଟି ରାଜସ୍ଥାନ, ସବାଇମାଧପୁରଠାରୁ ୧୦ କିଲୋମିଟର ଦୂର ରଣଥଂଗୋର କିଲାରେ ନିର୍ମାଣ କରାଯାଇଛି । କୁହାଯାଏ ଏହି ମନ୍ଦିର ୧୦ମ ଶତାବ୍ଦିରେ ରଣଥଂଭୋରର ରାଜା ହମିର ନିର୍ମାଣ କରିଥିଲେ । ଯୁଦ୍ଧ ସମୟରେ ଗଣେଶ ରାଜାଙ୍କ ସ୍ୱପ୍ନରେ ଆସିଥିଲେ ଓ ତାଙ୍କୁ ଆଶୀର୍ବାଦ ପ୍ରଦାନ କରିଥିଲେ । ଏହାପରେ ରାଜା ଯୁଦ୍ଧରେ ବିଜୟ ଲାଭ କରିଥିଲେ । ଏହାପରେ ରାଜା ନିଜର କିଲାରେ ଏହି ମନ୍ଦିର ନିର୍ମାଣ କରିଥିଲେ । ତେବେ ଏଠାରେ ଯେଉଁ ମୂର୍ତ୍ତି ପୂଜା ପାଉଛନ୍ତି ତାଙ୍କର ୩ଟି ଆଖି ରହିଛି । ଆଉ ଏଠାରେ ଗଣେଶ ପତ୍ନୀ ରିଦ୍ଧି-ସିଦ୍ଧି ଓ ପୁତ୍ର ଶୁଭଲାଭଙ୍କ ସହ ବିରାଜମାନ କରିଛନ୍ତି ।
