ମୁମ୍ବାଇ,୮।୨: ପୂର୍ବତନ ଭାରତୀୟ କ୍ରିକେଟ ଅଧିନାୟକ ମହମ୍ମଦ ଆଝାରୁଦ୍ଦିନଙ୍କୁ ସୋମବାର ୫୮ ବର୍ଷ ପୂରଣ ହୋଇଛି। ୧୯୬୩ ଫେବୃୟାରୀ ୮ରେ ସେ ହାଇଦ୍ରାବାଦ୍ରେ ଜନ୍ମଗ୍ରହଣ କରିଥିଲେ। ସେ ୯୯ ଟେଷ୍ଟ ମ୍ୟାଚ ଖେଳି ୧୪୭ ଇନିଂସିରୁ ୬୨୧୫ ରନ ସଂଗ୍ରହ କରିଥିଲେ। ସେଥି ମଧ୍ୟରେ ୨୨ ଶତକ ଏବଂ ୨୧ ଅର୍ଦ୍ଧ ଶତକ ରହିଛି। ସେହିପରି ୩୩୪ ଏକଦିବସୀୟ ମ୍ୟାଚ ଖେଳି ୩୦୮ ଇନିଂସିରୁ ୯୩୭୮ ରନ ସଂଗ୍ରହ କରିଥିଲେ। ସେଥି ମଧ୍ୟରୁ ୫୮ ଶତକ ଏବଂ ୭ ଅର୍ଦ୍ଧ ଶତକ ରହିଛି। ୧୯୮୬ରେ ତାଙ୍କୁ ଅର୍ଜୁନ ଏବଂ ପଦ୍ମଶ୍ରୀ ସମ୍ମାନରେ ସମ୍ମାନୀତ କରାଯାଇଥିଲା। ଏହା ସହିତ ୧୯୯୧ରେ ତାଙ୍କୁ ଓ୍ବାଇଜ୍ଡେନ୍ସ୍ କ୍ରିକେଟର ଅଫ ଦି ଇୟର ସମ୍ମାନ ପ୍ରଦାନ କରାଯାଇଥିଲା। କ୍ରିକେଟ ଖେଳପଡ଼ିଆ ଭଳି ଆଝାରୁଦ୍ଦିନଙ୍କ ପାରିବାରିକ ଜୀବନ ମଧ୍ୟ ବେଶ ରୋମାଞ୍ଚଭରା ରହିଥିଲା। କ୍ରିକେଟ ଖେଳ ଭଳି ପାରିବାରିକ ଜୀବନ ବି ରହିଛି ଅନିଶ୍ଚିତ ରହିଛି। ୧୯୮୭ରେ ସେ ନୌରିନ୍ଙ୍କୁ ବିବାହ କରିଥିଲେ। ୧୯୯୬ରେ ଦୁହିଁଙ୍କର ବିବାହ ବିଚ୍ଛେଦ ହୋଇଥିଲା । ଏହାପରେ ୧୯୯୬ରେ ସେ ବଲିଉଡ ଅଭିନେତ୍ରୀ ସଙ୍ଗୀତା ବିଜଲାନୀଙ୍କୁ ବିବାହ କରିଥିଲେ। ସଙ୍ଗୀତାଙ୍କ ସହିତ ୨୦୧୦ରେ ତାଙ୍କର ବିବାହ ବିଚ୍ଛେଦ ଘଟିଥିଲା । ଦୁଇଥର ବିବାହ କରି ମଧ୍ୟ ତାଙ୍କର ପାରିବାରିକ ଜୀବନ ସଫଳ ହୋଇପାରି ନ ଥିଲା। ଏହାପରେ ମଡେଲ ଜ୍ୱାଲା ଗୁଟ୍ଟାଙ୍କ ସହିତ ତାଙ୍କର ପ୍ରେମ ସମ୍ପର୍କ ନେଇ ଚର୍ଚ୍ଚା ହୋଇଥିଲା । ଆଝାରୁଦ୍ଦିନ ୨୦୦୦ରେ ମ୍ୟାଚ ଫିକ୍ସିଂ ମାମଲାରେ ଜଡିତ ହୋଇଥିଲେ। ୨୦୧୨ରେ ଆନ୍ଧ୍ରପ୍ରଦେଶ ହାଇକୋର୍ଟ ତାଙ୍କ ସପକ୍ଷରେ ରାୟ ହେଇଥିଲେ। ୨୦୦୯ ଫେବୃୟାରୀ ୧୯ରେ ସେ କଂଗ୍ରେସରେ ଯୋଗଦେଇଥିଲେ।
