ନକଲି ଜବ୍‌କାର୍ଡଧାରୀ ଚିନ୍ତାର କାରଣ

ନୟାଗଡ଼ ଅଫିସ,୫।୫: ନୟାଗଡ଼ ଜିଲାରେ ଜବ୍‌କାର୍ଡ ପାଇଥିବା ବ୍ୟକ୍ତି ଶ୍ରମିକ ନାଁ ଅଣଶ୍ରମିକ ଯାଞ୍ଚ ହେଉ ନ ଥିବାରୁ ଅସଲି ଶ୍ରମିକ ଉପେକ୍ଷିତ, ଅସୁରକ୍ଷିତ ଓ ଅଭିଶପ୍ତ ଜୀବନଯାପନ କରୁଛନ୍ତି। ଅନ୍ୟପକ୍ଷେ ଅଣଶ୍ରମିକମାନେ ଧରାଧରି କରି ଜବ୍‌କାର୍ଡକୁ ହାତେଇ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା (ଏମ୍‌ଜିଏନ୍‌ଆରଇଜିଏସ୍‌)ରେ କାମ ନ କରି ଲକ୍ଷ ଲକ୍ଷ ଟଙ୍କା ରୋଜଗାର କରୁଛନ୍ତି। ମଷ୍ଟର ରୋଲ ଦର୍ଶାଉଛି ଜବ୍‌କାର୍ଡଧାରୀଙ୍କୁ କାମର ଅଭାବ ନାହିଁ। ହେଲେ ମଷ୍ଟର ରୋଲରେ ଥିବା ଶ୍ରମିକ ଅସଲି ନାଁ ନକଲି ତା’ର ଚିହ୍ନଟ ହେଉନି। ଏଣୁ ବଣପାହାଡ଼ ଘେରା ନୟାଗଡ଼ ଜିଲାର ଅସଲି ଶ୍ରମିକମାନେ କାମ ପାଇଁ ରାଜ୍ୟ ବାହାରକୁ ଚାଲି ଯାଉଛନ୍ତି। ଜିଲାରେ ୧ଲକ୍ଷ ୬୩ ହଜାର ୬୨୬ ଜବ୍‌କାର୍ଡଧାରୀ ଅଛନ୍ତି। ଏଥିରୁ ଭାପୁର ବ୍ଲକରେ ୨୧,୭୯୫, ଦଶପଲ୍ଲାରେ ୧୭,୪୪୧, ଗଣିଆରେ ୭,୩୫୦, ଖଣ୍ଡପଡ଼ାରେ ୨୧,୦୪୬, ନୟାଗଡ଼ରେ ୨୨,୪୨୪, ନୂଆଗାଁରେ ୨୦,୧୭୧, ଓଡ଼ଗାଁରେ ୨୫,୨୪୪ ଓ ରଣପୁର ବ୍ଲକରେ ୨୮,୭୨୬ ଜବ୍‌କାର୍ଡଧାରୀ ଅଛନ୍ତି।
ଜଣେ ପଞ୍ଚାୟତ ସ୍ତରୀୟ ଲୋକ ପ୍ରତିନିଧିଙ୍କ ସୂଚନା ଅନୁସାରେ, ଏମ୍‌ଜିଏନ୍‌ଆରଇଜିଏସ୍‌ରେ ଆସୁଥିବା ଅର୍ଥକୁ ଲୁଟିଲେ କେହି ପ୍ରତିବାଦ କରନ୍ତି ନାହିଁ। କାରଣ ସମସ୍ତଙ୍କୁ ଉଣା ଅଧିକେ ଭାଗ ମିଳିଥାଏ। ପ୍ରଥମତଃ ସରକାରୀ ବାବୁ ଓ ଲୋକ ପ୍ରତିନିଧିମାନେ ମୋଟା ଅଙ୍କର ଭାଗ ନେଉଛନ୍ତି। ୨ୟରେ କିଛି ଟଙ୍କା ଗୁଣ୍ଡା ଶ୍ରେଣୀର ଲୋକଙ୍କୁ ଦିଆଯାଉଛି। ଯେଉଁମାନେ କାମ ଚାଲୁଥିବା ସମୟରେ ସୁରକ୍ଷା ଦିଅନ୍ତି। କିଛି ଅର୍ଥ ଗାଁକୁ ଯାଏ। କିଛି ବିରୋଧୀ ବି ପାଇଥାନ୍ତି। ଆଉ କିଛି ଅର୍ଥ ଜବ୍‌କାର୍ଡଧାରୀ ପାଆନ୍ତି। ଜବ୍‌କାର୍ଡଧାରୀ ପ୍ରକୃତ ଶ୍ରମିକ ହୋଇ ନ ଥିବାରୁ ଘରେ ବସି ରୋଜଗାର କରୁଥିବାରୁ ସେମାନଙ୍କର ଅଭିଯୋଗ ନ ଥାଏ। ଅନ୍ୟପକ୍ଷେ ଜବ୍‌କାର୍ଡଧାରୀଙ୍କ ଆକାଉଣ୍ଟକୁ ସବୁ ଟଙ୍କା ଯାଉଛି। ଏଥିଲାଗି ବିଶ୍ୱସନୀୟ ଜବ୍‌କାର୍ଡଧାରୀଙ୍କୁ ସବୁ ଗାଁରେ ଖୋଜା ପଡେ। ଟଙ୍କା ଆସିଲା ପରେ କିଛି ଅର୍ଥ ଜବ୍‌କାର୍ଡଧାରୀଙ୍କୁ ଧରାଇ ଦେଇ ବଳକା ଅର୍ଥ ଭାଗ ବାଣ୍ଟି ଦିଆଯାଏ। ଯଦି କେହି ଜବ୍‌କାର୍ଡଧାରୀ ପ୍ରତିବାଦ କରନ୍ତି ସେମାନଙ୍କୁ ଜେନତେନ ପ୍ରକାରେଣ ବୁଝାଇ ଦିଆଯାଏ। ନ ବୁଝିଲେ ଧମକଚମକ ଓ ମାରପିଟ୍‌ କରି ମୁହଁ ବି ବନ୍ଦ କରାଯାଏ। ପ୍ରତି ସ୍ତରରେ ଦୁର୍ନୀତିକୁ ପ୍ରୋତ୍ସାହନ ମିଳୁଥିବାରୁ ବିଲ୍‌ ମଞ୍ଜୁରରେ ଅସୁବିଧା ହୋଇ ନ ଥାଏ। ଅଭିଯୋଗ ହେଲେ ସମୟ ଗଡ଼ାଇ ସବୁ କିଛି ଠିକ୍‌ଠାକ ଚାଲିଛି କୁହାଯାଏ। ପ୍ରମାଣ ନ ମିଳିବାରୁ କାର୍ଯ୍ୟାନୁଷ୍ଠାନ ହେଲାନି ବୋଲି ସଫେଇ ଦିଆଯାଏ।
ଏ ନେଇ ଗଣିଆର ରାମଚନ୍ଦ୍ର ପ୍ରଧାନ, ଭାପୁରର ସୁଦାମ ନାୟକ, ନୟାଗଡ଼ର ରଣଜିତ୍‌ ପଟ୍ଟନାୟକ କୁହନ୍ତି, ଅନେକ ନକଲି ଶ୍ରମିକ ଜବ୍‌କାର୍ଡ ହାତେଇଛନ୍ତି। ଏହାର ତଦନ୍ତ ହେବା ଦରକାର। ଯେଉଁ ଶ୍ରମିକମାନେ ଜବ୍‌କାର୍ଡ ପାଇଛନ୍ତି ସେମାନଙ୍କୁ ଯେକୌଣସି କାମ କରିବାକୁ କୁହାଯାଉ। ଶ୍ରମିକ କାମ ନ କଲେ ସେମାନଙ୍କର ଜବ୍‌କାର୍ଡ ରଦ୍ଦ କରାଯାଉ। ଗାଁରେ ଅଣଶ୍ରମିକଙ୍କ ଦୌରାତ୍ମ୍ୟ ଅଧିକ। ଶ୍ରମିକ ନ ହୋଇ ବି ଜବ୍‌କାର୍ଡ ହାତେଇଥାନ୍ତି। ଗାଁରେ ରାଜନୀତି ଅଧିକ। ପଞ୍ଚାୟତରେ କାମ ମାଗିଲେ ମିଳେନା। କାରଣ ବିନା କାମରେ ପାରିଶ୍ରମିକ ମିଳେ। ଏଥିପାଇଁ ଶାସକ ଦଳର ସମର୍ଥକ ହେବା ଦରକାର। ସେମାନଙ୍କର କାମ କରିବା ଦରକାର। ସେମାନଙ୍କ ପଛରେ ଗୋଡ଼ାଇ କାମ କରୁ କରୁ ପରିବାର ଲୋକମାନେ ଭୋକରେ ରହିବାକୁ ପଡ଼ିଥାଏ। ଏଣୁ ଗାଁ ରାଜନୀତିରେ ସାମିଲ ନ ହୋଇ ପେଟ ପାଇଁ ଅସଲି ଶ୍ରମିକକୁ ବାହାରକୁ ଯିବାକୁ ପଡ଼େ। ଅଣଶ୍ରମିକମାନେ ଗାଁ ରାଜନୀତିରେ ନିଜକୁ ସାମିଲ କରି ପାରି ଥିବାରୁ ଶାସକ ଦଳର ବୋଲକରା ହୋଇ ରହିଥାନ୍ତି। ଏଣୁ ଟେନସେନ ନ ନେଇ ବାହାରକୁ ଚାଲିଯାଉ। ସେଠାରେ କାମ କରି ଘରକୁ ଟଙ୍କା ପଠାଉ। ସରକାରଙ୍କ ସୁଫଳ ଆମେ ପାଇପାରୁନି। ଶ୍ରମିକ ବଦଳରେ ଯନ୍ତ୍ର ଦ୍ୱାରା କାମ କରିବାକୁ ଆଇନ କରି ଦେଲେ ଭଲ ହୁଅନ୍ତା। ଯାହାଦ୍ୱାରା ସରକାର ସ୍ବଳ୍ପ ସମୟରେ ଅଧିକ କାମ ପାଇ ପାରନ୍ତେ। ପୁଣି କମ୍‌ ଟଙ୍କା ଖର୍ଚ୍ଚ ହୁଅନ୍ତା। ଏ ସମ୍ପକରେ ଜିଲା ପରିଷଦର ନିର୍ବାହୀ ଅଧିକାରୀ ସୁବାସ ଚନ୍ଦ୍ର ରାୟଙ୍କୁ ପଚାରିବାରେ କିଏ ଅସଲି ଓ କିଏ ନକଲି ଜାଣିବା କାଠିକର ପାଠ। ତେବେ ନକଲି ଶ୍ରମିକ ଅଭିଯୋଗ ମିଳିଲେ ଧରପଗଡ଼ କରାଯାଇ କଟା ଯାଇପାରିବ। କେତେଜଣ ଜବ୍‌କାର୍ଡଧାରୀଙ୍କୁ କଟାଯାଇଛି। ତେବେ ବର୍ଷେ ହେଲା ସେପରି କିଛି ଅଭିଯୋଗ ହୋଇନାହିଁ ବୋଲି ସେ କହିଛନ୍ତି। ଏ ନେଇ ଜିଲା ପରିଷଦ ଅଧ୍ୟକ୍ଷ ଦେବାଶିଷ ପଟ୍ଟନାୟକଙ୍କୁ ପଚାରିବାରେ ଜିଲାରେ ଅନେକ ଅଣଶ୍ରମିକ ଜାଲିଆତି କରି ଜବ୍‌କାର୍ଡଧାରୀ ହାତେଇ ନେଇଥିବା ଅଭିଯୋଗ ମିଳିଛି। ବିଭିନ୍ନସ୍ଥାନରେ ମଧ୍ୟ ନକଲି ଜବ୍‌କାର୍ଡଧାରୀ ଥିବାର ଅନୁଭବ କରାଯାଉଛି। ଖୁବ୍‌ଶୀଘ୍ର ନକଲି ଜବ୍‌କାର୍ଡଧାରୀଙ୍କୁ ଚିହ୍ନଟ କରି ବିଦା କରାଯିବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

କେରଳ ହାଇକୋର୍ଟଙ୍କ ବଡ଼ ପ୍ରସ୍ତାବ, କିଶୋର ବୟସର ସୀମା ୧୮ରୁ ୧୬ ବର୍ଷକୁ ହ୍ରାସ….

କୋଚି,୧୫ା୧୧: ନାବାଳକ ବୟସ ସୀମାକୁ ନେଇ ବଡ଼ କଥା କହିଛନ୍ତି କେରଳ ହାଇକୋର୍ଟ । ଅପରାଧର ବଦଳୁଥିବା ସ୍ବରୂପ ଏବଂ ପିଲାମାନଙ୍କଠାରେ ଦେଖାଯାଉଥିବା ପରିପକ୍ୱତାକୁ ଦୃଷ୍ଟିରେ ରଖି…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?