ଭୁବନେଶ୍ୱର,୧୭ା୨(ବ୍ୟୁରୋ): ରସିକିଆ ନକଲି ଡାକ୍ତର ରମେଶ ସ୍ବାଇଁଙ୍କ ଗୁମର ଦିନକୁ ଦିନ ଫିଟିବାରେ ଲାଗିଛି। ଏମବିବିଏସ୍ ନୁହଁ ବରଂ ଏହି ରସିକିଆ ଡାକ୍ତର ମାଟ୍ରିକ ଫେଲ୍ ହୋଇଥିବା ତଦନ୍ତ ବେଳେ ଜାଣିବାକୁ ପାଇଛି ପୋଲିସ। ରମେଶଙ୍କ ସମ୍ପର୍କୀୟଙ୍କୁ ପଚରାଉଚରା ପରେ ଏ କଥା ଜାଣିବାକୁ ପାଇଛି ପୋଲିସ । ଏପଟେ ନକଲି ଡାକ୍ତରଙ୍କ ସ୍ତ୍ରୀଙ୍କ ତାଲିକା ବି ବଢ଼ିବାରେ ଲାଗିଛି ।
ବର୍ତ୍ତମାନ ଯାଏ ସେ ୧୮ ଜଣଙ୍କୁ ବିବାହ କରିଥିବା ଜଣାପଡ଼ିଛି । କେବଳ ବିବାହ ନୁହଁ, କ୍ଲିନିକ ଖୋଲି ଠକେଇ କରିଥିବା ଜଣାପଡ଼ିଛି। କଟକ ଓ ଢେଙ୍କାନାଳରେ ଲାଇଫ୍ ସ୍ପାନ ନାମରେ ଦୁଇଟି କ୍ଲିନିକ୍ ଖୋଲିଥିଲେ । କର୍ମଚାରୀ ଓ ଡାକ୍ତରଙ୍କୁ ଦରମା ନ ଦେଇ ଠକିଛନ୍ତି ।
