ନୂଆଦିଲ୍ଲୀ,୨୯।୧୧: ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ସୀମା ପାର ଆତଙ୍କବାଦ ଏବଂ ଆଇଏସଆଇଏସ ଦ୍ୱାରା ପ୍ରେରିତ ଆତଙ୍କବାଦକୁ ମାନବିକତା ବିରୋଧରେ ସବୁଠାରୁ ବଡ଼ ଚ୍ୟାଲେଞ୍ଜ୍ ବୋଲି କହିଛନ୍ତି। ମଙ୍ଗଳବାର ନୂଆଦିଲ୍ଲୀରେ ଭାରତ ଏବଂ ଇଣ୍ଡୋନେସିଆ ମଧ୍ୟରେ ଶାନ୍ତି ଏବଂ ସାମାଜିକ ସୌହାର୍ଦ୍ଦ୍ୟ ରକ୍ଷା କରିବା ଦିଗରେ ଉଲେମାର ଭୂମିକା ଉପରେ ଆଲୋଚନା ବେଳେ ଅଜିତ ଡୋଭାଲ କହିଛନ୍ତି, ଉଗ୍ରବାଦ ଏବଂ ଆତଙ୍କବାଦ ଇସଲାମ ବିରୋଧୀ, କାରଣ ଇସଲାମର ଅର୍ଥ ହେଉଛି ଶାନ୍ତି ଏବଂ ସମୃଦ୍ଧତା ହୋଇଥାଏ। କୌଣସି ଧର୍ମ ବିରୋଧରେ ମୁହାଁମୁହିଁ ହେବା ଉଚିତ ନୁହେଁ। ଧର୍ମକୁ ସଂକୀର୍ଣ୍ଣ ଭାବରେ ବ୍ୟବହାର କରାଯିବା ଉଚିତ୍ ନୁହେଁ। ଗଣତନ୍ତ୍ରରେ ଘୃଣ୍ୟ ଭାଷଣ, ପକ୍ଷପାତିତା, ପ୍ରଚାର, ହିଂସା ଏବଂ ଧର୍ମର ଅପବ୍ୟବହାର ପାଇଁ ସ୍ଥାନ ନାହିଁ। ଆମର ଲକ୍ଷ୍ୟ ହେଉଛି ଏସିଆରେ ସମନ୍ବୟ ଏବଂ ଶାନ୍ତି।
ସେହିପରି ଇଣ୍ଡୋନେସିଆର ଏନଏସଏ ମହମୁଦ ମହମ୍ମଦ କହିଛନ୍ତି, ଭାରତ ଏବଂ ଇଣ୍ଡୋନେସିଆ ମଧ୍ୟରେ ଗଭୀର ସମ୍ପର୍କ ରହିଛି। ଇଣ୍ଡୋନେସିଆରେ ୧୦୦୦ ସ୍ଥାନୀୟ ଭାଷା ଏବଂ ୭୦୦ରୁ ଅଧିକ ଜନଜାତି ଅଛନ୍ତି। ଆମେ ବିବିଧତା ମଧ୍ୟରେ ଏକତା ଶିଖିବାକୁ ବେହ ଏବଂ ଅସହିଷ୍ଣୁତାକୁ ହଟାଇବାକୁ ପଡିବ।
