ନୂଆଦିଲ୍ଲୀ, ୩୧ା୫: ନେପାଳର କୁଶାଲ ଭୁର୍ତେଲ ରବିବାର ଚାଇନା ବିପକ୍ଷ ୨୦୨୬ ଏସିଆନ ଗେମ୍ସ ଟି୨୦ଆଇ କ୍ୱାଲିଫାୟର ମ୍ୟାଚ୍ରେ ୬ ବଲରେ ୬ ଛକା ମାରିଛନ୍ତି। ସେ ଏହି ମ୍ୟାଚ୍ରେ ୪୩ ବଲରେ ୫ ଚୌକା ଓ ୧୬ ଛକା ସହାୟତାରେ ୧୨୯ ରନର ବିସ୍ଫୋରକ ଇନିଂସ ଖେଳିଥିଲେ।
ଏହି ଇନିଂସ ଅବସରରେ ସେ ନବମ ଓଭରରେ ଚାଇନାର ଚେନ ଝୁଓ ୟୁଇଙ୍କୁ ଲଗାତର ୬ ଛକା ଲଗାଇଥିଲେ। ସେ ବିଶ୍ୱର ପଞ୍ଚମ ଓ ନେପାଳର ଦ୍ୱିତୀୟ ବ୍ୟାଟର ଭାବେ ଟି୨୦ରେ ଗୋଟିଏ ଓଭରରେ ୬ ଛକା ମାରିଛନ୍ତି।
ଭାରତର ପୂର୍ବତନ ଅଲରାଉଣ୍ଡର ଯୁବରାଜ ସିଂ ପ୍ରଥମ ବ୍ୟାଟର ଭାବେ ୨୦୦୭ ଟି୨୦ ବିଶ୍ୱକପ୍ରେ ଏହି ସଫଳତା ହାସଲ କରିଥିଲେ। ଭୁର୍ତେଲଙ୍କ ପୂର୍ବରୁ ନେପାଳର ଦିପେନ୍ଦ୍ର ସିଂ ଆଇରି ୨୦୨୪ରେ କାତାର ବିପକ୍ଷ ମ୍ୟାଚ୍ରେ ଏହି ସଫଳତା ପାଇଥିଲେ।