କାବୁଲ,୨ ।୧୧: ଆଫଗାନିସ୍ତାନର ରାଜଧାନୀ କାବୁଲରେ ପୁଣିଥରେ ବିସ୍ଫୋରଣର ଶବ୍ଦ ଶୁଭିଛି । ମିଳିଥିବା ସୂଚନା ଅନୁଯାୟୀ, ବିସ୍ଫୋରଣରେ ୧୯ଜଣଙ୍କ ମୃତ୍ୟୁ ହେବା ସହ ୫୦ ଆହତ ହୋଇଛନ୍ତି । ନ୍ୟୁଜ ଏଜେନ୍ସି ଏଏଫ୍ପିର ସୂଚନା ଅନୁଯାୟୀ, କାବୁଲ ସହରର ସରଦାର ମହମ୍ମଦ ଦାଉଦ ଖାନ ମିଲିଟ୍ରି ହସ୍ପିଟାଲ ନିକଟରେ ମଙ୍ଗଳବାର ଦୁଇଟି ବିସ୍ଫୋରଣ ହୋଇଛି । ଏହାପରେ ଗୁଳି ଫୁଟିବାର ଶବ୍ଦ ମଧ୍ୟ ଶୁଭିଛି । ଘଟଣାସ୍ଥଳ ନିକଟରେ ରହୁଥିବା ଲୋକଙ୍କ ଦ୍ୱାରା ଶେୟାର କରାଯାଇଥିବା ଫଟୋରୁ ବିସ୍ଫୋରଣ ପରେ ଧୂଆଁ ଉଠୁଥିବା ନଜର ଆସିଛି ।
ଏହି ଘଟଣାକୁ ନେଇ ତାଲିବାନ ପ୍ରବକ୍ତା ବିଲାଲ କରିମି ଏସୋସିଏଟେଡ ପ୍ରେସ(ଏପି)କୁ କହିଛନ୍ତି କାବୁଲର ସରଦାର ମହମ୍ମଦ ଦାଉଦ ଖାନ ସେନା ହସ୍ପିଟାଲ ବାହାରେ ସାଧାରଣ ନାଗରିକଙ୍କୁ ଟାର୍ଗେଟ କରି ବିସ୍ଫୋରଣ କରାଯାଇଛି । ତେବେ ଘଟଣାସ୍ଥଳରେ ଆଉ ଏକ ବିସ୍ଫୋରଣ ହୋଇଥିବା କଥା ସେ କହି ନାହାନ୍ତି । ଏଥିପାଇଁ କୌଣସି ସଙ୍ଗଠନ ନିଜକୁ ଦାୟୀ କରି ନାହାନ୍ତି ।
