ଭଦ୍ରକ ଅଫିସ,୪।୭: ଭଦ୍ରକ ଜିଲା ପୋଲିସ ବିଭାଗର ନିର୍ଦ୍ଦେଶ ନଂ.୧୦୦୧/୨୦୨୨ ଅନୁଯାୟୀ ଜିଲାରେ ୬ ଥାନାଧିକାରୀଙ୍କୁ ଅଦଳବଦଳ କରାଯାଇଛି। ଧାମନଗର ଥାନାଧିକାରୀ ଶ୍ରୀବଲ୍ଲଭ ସାହୁଙ୍କୁ ଚୁଡ଼ାମଣି ମେରାଇନ ଥାନାଧିକାରୀ ଭାବେ ନିଯୁକ୍ତି ଦିଆଯାଇଛି। ତିହିଡ଼ି ଥାନାର ସବ୍ ଇନ୍ସପେକ୍ଟର ବନମାଳୀ ବାରିକଙ୍କୁ ପଦୋନ୍ନତି ଦିଆଯାଇ ଧାମନଗର ଥାନାଧିକାରୀ ଭାବେ ନିଯୁକ୍ତ କରାଯାଇଛି। ସେହିପରି ଆଗରପଡ଼ା ଥାନାଧିକାରୀ ସୁକାନ୍ତି କେରେଇଙ୍କୁ ଧୂଷୁରୀ ଥାନା, ଇନ୍ସପେକ୍ଟର ମୋନାଲିସା କରଙ୍କୁ ଜିଲା ହେଡ୍କ୍ୱାର୍ଟରରୁ ଆଗରପଡ଼ା ଥାନାଧିକାରୀ ଭାବେ ବଦଳି କରାଯାଇଛି। ଚୁଡ଼ାମଣି ମେରାଇନ ଥାନାର ଇନ୍ସପେକ୍ଟର ସାବିତ୍ରୀ ପଣ୍ଡାଙ୍କର ବାସୁଦେବପୁର ଥାନା ଓ ବାସୁଦେବପୁର ଥାନାଧିକାରୀ ଅମିତ ଭୂୟଁାଙ୍କର ଭଦ୍ରକ ହେଡ୍କ୍ୱାର୍ଟରକୁ ବଦଳି ହୋଇଛି। ସେହିପରି ୧୩ ସବ୍ଇନ୍ସପେକ୍ଟର ଓ ୯ ଏଏସ୍ଆଇଙ୍କୁ ଜିଲା ମଧ୍ୟରେ ବିଭିନ୍ନ ଥାନାକୁ ବଦଳି କରାଯାଇଛି।
