ଦେଶର ସଂଖ୍ୟାଲଘୁ ସମ୍ପ୍ରଦାୟଗୁଡ଼ିକ ଅନ୍ୟାନ୍ୟ ଜନସଂଖ୍ୟା ସହିତ ସମାନ ଅଧିକାରରୁ ଉପକୃତ ହେବା ନିଶ୍ଚିତ କରିବା ଲାଗି ସ୍ବତନ୍ତ୍ର ପଦକ୍ଷେପ ଆବଶ୍ୟକ କରିଥା’ନ୍ତି। ତେଣୁ ପ୍ରତିବର୍ଷ ସଂଖ୍ୟାଲଘୁ ଅଧିକାର ଦିବସ ଡିସେମ୍ବର ୧୮ରେ ପାଳନ କରାଯାଇ ସମାଜର ସମସ୍ତ ବର୍ଗଙ୍କୁ ସେମାନଙ୍କର ମାନବିକ ଅଧିକାର ପ୍ରଦାନ କରିବା ନେଇ ପଦକ୍ଷେପ ଗ୍ରହଣ କରାଯାଇଥାଏ। ଅନ୍ୟ ଅର୍ଥରେ, ଏହି ଦିନର ଲକ୍ଷ୍ୟ ହେଉଛି ଯେ ଏକ ସଂଖ୍ୟାଲଘୁ ସମ୍ପ୍ରଦାୟର ବ୍ୟକ୍ତିମାନେ ସଂଖ୍ୟାଗରିଷ୍ଠତା ଥିବା ବ୍ୟକ୍ତିଙ୍କ ସହିତ ପ୍ରଭାବଶାଳୀ ସମାନ ସୁବିଧା ସୁଯୋଗ ଯୋଗାଇଦେବା ନେଇ ସଚେତନତା ସୃଷ୍ଟି କରାଯାଇଥାଏ।
ସଂଖ୍ୟାଲଘୁ ଅଧିକାର ଦିବସ ସଂଖ୍ୟାଲଘୁ ସମ୍ପ୍ରଦାୟକୁ ସଶକ୍ତ କରେ ଏବଂ ବ୍ୟକ୍ତିଗତ ସ୍ବାଧୀନତାକୁ ପ୍ରୋତ୍ସାହିତ କରିଥାଏ। ୨୦୧୧ ଜନଗଣନା ତଥ୍ୟ ଅନୁଯାୟୀ, ଭାରତ ଜନସଂଖ୍ୟାର ୧୯.୩୦ ପ୍ରତିଶତ ଅର୍ଥାତ୍ ୨୩.୩୭ କୋଟି ହେଉଛନ୍ତି ସଂଖ୍ୟାଲଘୁ ଜନସଂଖ୍ୟା। ସେଥିମଧ୍ୟରେ ମୁସଲମାନ ୧୪.୨ ପ୍ରତିଶତ, ଖ୍ରୀଷ୍ଟିଆନ୍ ୨.୩ ପ୍ରତିଶତ, ଶିଖ୍ ୧.୩ ପ୍ରତିଶତ, ବୌଦ୍ଧ ୦.୭ ପ୍ରତିଶତ, ଜୈନ ୦.୪ ପ୍ରତିଶତ ଏବଂ ପାର୍ସୀ। ଜମ୍ମୁ-କଶ୍ମୀର, ପଞ୍ଜାବ, ମେଘାଳୟ, ମିଜୋରାମ, ନାଗାଲାଣ୍ଡ ଏବଂ ଲାକ୍ଷାଦ୍ୱୀପ ଆଦିଠାରେ କୌଣସି ଏକ ନିର୍ଦ୍ଦିଷ୍ଟ ସଂଖ୍ୟାଲଘୁ ସଂଖ୍ୟାଗରିଷ୍ଠତା ହାସଲ କରିଛନ୍ତି। ଦେଶରେ ସଂଖ୍ୟାଲଘୁମାନେ ମଧ୍ୟ ପ୍ରଗତି ପାଇଁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥା’ନ୍ତି। ଭାରତରେ ସଂଖ୍ୟାଲଘୁ ଅଧିକାର ଦିବସ ପ୍ରଥମେ ୧୮ ଡିସେମ୍ବର ୨୦୧୩ରେ ପାଳନ କରାଯାଇଥିଲା।
