ବର୍ତ୍ତମାନର ବ୍ୟସ୍ତବହୁଳ ଜୀବନରୁ ପାର୍ଟନରଙ୍କ ପାଇଁ ସମୟ ବାହାର କରିବା କଷ୍ଟକର ହୋଇପଡିଲାଣି । କାରଣ ଏବେ ଅଧିକାଂଶ ଘରେ ମହିଳାମାନେ ଅଫିସକୁ ଯାଉଛନ୍ତି। ଏହା ଭଲ କଥା, କିନ୍ତୁ ଉଭୟ ସ୍ତ୍ରୀ-ସ୍ବାମୀଙ୍କ କାର୍ଯ୍ୟବ୍ୟସ୍ତତା ହେତୁ ସେମାନେ ଏକାଠି ରହିବା ଲାଗି ସେଭଳି ସମୟ ପାଆନ୍ତି ନାହିଁ। ଏହି ଭଳି ସମସ୍ୟା ବିରାଟ କୋହଲି ଏବଂ ଅନୁଷ୍କା ଶର୍ମା ମଧ୍ୟ ସାମ୍ନା କରୁଛନ୍ତି । ଯେଉଁମାନେ କିଛି ମୁହୂର୍ତ୍ତ ଏକାଠି ବିତାଇବା ପାଇଁ ସମସ୍ତ ପ୍ରୟାସ କରନ୍ତି।
ଅନୁଷ୍କା ଶର୍ମା ଏକ ସାକ୍ଷାତକାରରେ କହିଛନ୍ତି ଯେ, ଏକାଠି ସମୟ ବିତାଇବାକୁ ବହୁତ କମ୍ ସମୟ ମିଳିଥାଏ। ଆମେ ଏହି ସୁଯୋଗ ଅପେକ୍ଷାରେ ଥାଉ। ବିବାହର ପ୍ରଥମ ମାସରେ ଦୁହେଁ କେବଳ ୨୧ ଦିନ ଏକାଠି ସମୟ ବିତାଇବାକୁ ସକ୍ଷମ ହୋଇଥିଲୁ । ଆମେ ଏକାଠି ଖାଦ୍ୟ ଖାଇବାକୁ ଚେଷ୍ଟା କରୁ।
ଏହି ଜିନିଷଗୁଡିକ ସ୍ପଷ୍ଟ ଭାବରେ ଦର୍ଶାଏ ଯେ, ଉଭୟଙ୍କ ମଧ୍ୟରେ କେତେ ବୁଝା ମଣା ଅଛି। ଆସନ୍ତୁ ଜାଣିବା ଏହି ଦମ୍ପତି ଏକାଠି ସମୟ ବିତାଇବା ପାଇଁ କଣ କରନ୍ତି …
ବିରାଟ-ଅନୁଷ୍କା ସର୍ବଦା ପରସ୍ପରକୁ ପ୍ରଶଂସା କରନ୍ତି ।ଏହା ହିଁ ସେମାନଙ୍କର ସମ୍ପର୍କକୁ ସ୍ବତନ୍ତ୍ର କରିଥାଏ। ସାକ୍ଷାତକାରରେ ବିରାଟ ଅନେକ ଥର ଏହା କହିଛନ୍ତି ଯେ ଅନୁଷ୍କା ବହୁତ କଥା ବୁଝିପାରନ୍ତି। ଏକ ବଡ ଏବଂ ମହଙ୍ଗା ଉପହାର ବଦଳରେ ଅନୁଷ୍କା ମୋ’ ସହିତ ଏକ ସଟ୍ ଡ୍ରାଇଭରେ ଯିବାକୁ ପସନ୍ଦ କରନ୍ତି ।ଏହା ସହିତ ଆମେ ଏକାଠି କିଛି ସମୟ ବିତାଇଥାଉ।
ପରସ୍ପରକୁ ସମର୍ଥନ
ଶୁଟିଂ ସେଟରେ ଅନୁଷ୍କାଙ୍କୁ ଭେଟିବାକୁ ଯାଆନ୍ତି ବିରାଟ, ଅନ୍ୟପଟେ କ୍ରିକେଟ ଷ୍ଟାଡିୟମରେ ନିଜର ଖୁସି ବ୍ୟକ୍ତ କରୁଥିବା ଦେଖିବାକୁ ମିଳିଛି। ପୂର୍ବରୁ ଅନୁଷ୍କା କହିଥିଲେ, ‘ବିବାହ ପରେ ସମସ୍ତଙ୍କ ଦାୟିତ୍ୱ ପୂର୍ବ ଅପେକ୍ଷା ଅଧିକ ହୋଇଯାଏ। ଆଜିର ସମୟରେ ଝିଅମାନେ ବିବାହ ପରେ ଚାକିରି କିମ୍ବା ବୃତ୍ତି ଛାଡନ୍ତି ନାହିଁ। ଯାହା ବହୁତ ଭଲ କଥା। କିନ୍ତୁ ଏଭଳି ପରିସ୍ଥିତିରେ, ଆପଣଙ୍କର ପେସାଗତ ଜୀବନ ଏବଂ ବ୍ୟକ୍ତିଗତ ଜୀବନ ମଧ୍ୟରେ ସନ୍ତୁଳନ ସୃଷ୍ଟି କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
