ଅତାବିରା,୯।୧୦(ଯୁଧିଷ୍ଠିର ମହାପାତ୍ର): ଦୀର୍ଘ ୮ ବର୍ଷର ବ୍ୟବଧାନ ପରେ ରାଜ୍ୟରେ ଛାତ୍ର ସଂସଦ ନିର୍ବାଚନ ହେଉଥିବା ବେଳେ ଅତାବିରା କଲେଜରେ ନିର୍ବାଚନୀ ଉତ୍ସାହ ଦେଖିବାକୁ ମିଳିଛି। କଲେଜର ବିଭିନ୍ନ ପଦପଦବୀ ପାଇଁ ଛାତ୍ରଛାତ୍ରୀମାନେ ନିଜ ନିଜର ନାମାଙ୍କନ ପତ୍ର ଦାଖଲ କରିଛନ୍ତି।
ପ୍ରାପ୍ତ ତଥ୍ୟ ଅନୁଯାୟୀ, ସଭାପତି ପଦ ପାଇଁ ୫ଜଣ, ଉପସଭାପତି ପଦ ପାଇଁ ୩ଜଣ, ସାଧାରଣ ସମ୍ପାଦକ ପଦ ପାଇଁ ୪ଜଣ ଏବଂ ଯୁଗ୍ମ ସମ୍ପାଦକ ପଦ ପାଇଁ ୩ଜଣ ନାମାଙ୍କନ ଦାଖଲ କରିଛନ୍ତି।
ସେହିପରି ଆଥଲେଟିକ୍ସ ସମ୍ପାଦକ ପଦ ପାଇଁ ୩ଜଣ, ଯୁଗ୍ମ ଆଥଲେଟିକ୍ସ ସମ୍ପାଦକ ପଦ ପାଇଁ ୩ଜଣ, ଡ୍ରାମାଟିକ୍ସ ସମ୍ପାଦକ ପଦ ପାଇଁ ୨ଜଣ ଏବଂ ଯୁଗ୍ମ ଡ୍ରାମାଟିକ୍ସ ସମ୍ପାଦକ ପଦ ପାଇଁ ଜଣେ ପ୍ରାର୍ଥୀ ନାମାଙ୍କନ ଦାଖଲ କରିଛନ୍ତି।
ଏହିପରି ଉପରୋକ୍ତ ପଦବୀଗୁଡ଼ିକ ପାଇଁ ମୋଟ ୨୪ଟି ନାମାଙ୍କନ ଦାଖଲ ହୋଇଥିବା ତଥ୍ୟରୁ ଜଣାପଡ଼ିଛି। ଦୀର୍ଘ ବର୍ଷ ପରେ ଛାତ୍ର ସଂସଦ ର୍ନିବାଚନ ହେଉଥିବାରୁ ପ୍ରାର୍ଥୀ ଓ ସେମାନଙ୍କ ସମର୍ଥକଙ୍କ ମଧ୍ୟରେ ଉତ୍ସାହ ଦେଖାଦେଇଛି। ଏବେ ସମସ୍ତଙ୍କ ନଜର ନିର୍ବାଚନ ଉପରେ। କେଉଁ ପ୍ରାର୍ଥୀ କେଉଁ ପଦବୀରେ ବିଜୟୀ ହେବେ, ତାହା ନିର୍ବାଚନ ଫଳାଫଳ ପରେ ସ୍ପଷ୍ଟ ହେବ।