ଭୁବନେଶ୍ବର,୮ା୭ (ଅନୁରାଧା ମହାରଣା): ୨୦୨୩-୨୪ ଶିକ୍ଷାବର୍ଷ ଲାଗି ଯୁକ୍ତ୨ ପ୍ରଥମବର୍ଷ ନାମଲେଖା ପ୍ରକ୍ରିୟା ଶୁକ୍ରବାରଠାରୁ ଆରମ୍ଭ ହୋଇଛି। ତେବେ ରାଜଧାନୀର ପ୍ରମୁଖ ୧୫ଟି କଲେଜ ମଧ୍ୟରୁ ୮ଟି କଲେଜରେ ପ୍ରଥମ ଦିନରେ ନାମଲେଖା ହୋଇଥିବା ଜଣାପଡିଛି। ସେଥିରୁ ଆର୍ଚାଯ୍ୟ ହରିହର କଲେଜରେ କଳାରେ ୨୭ଜଣ ନାମଲେଖାଇଥିବା ବେଳେ ବିଜ୍ଞାନରେ ୧୯ଜଣ ଏବଂ ବାଣିଜ୍ୟରେ ୮ଜଣ ଛାତ୍ରୀଛାତ୍ର ନାମ ଲେଖାଇଛନ୍ତି। ସେହିପରି ବିଜେବିରେ କଳାରେ ୩୯ଜଣ, ବିଜ୍ଞାନରେ ୩୮ଜଣ ଏବଂ ବାଣିଜ୍ୟରେ ୪୮ଜଣ, ସିଟି ମହିଳା କଲେଜରେ କଳାରେ ୪୬ଜଣ, ବିଜ୍ଞାନରେ ୩୭ଜଣ, କମଳା ନେହେରୁରେ କଳାରେ ୧୩ଜଣ, ମହର୍ଷି ମହିଳା କଲେଜରେ ବିଜ୍ଞାନରେ ୨ଜଣ, ରମାଦେବୀରେ କଳାରେ ୪୬ଜଣ, ବିଜ୍ଞାନରେ ୫୧ଜଣ ଏବଂ ବାଣିଜ୍ୟରେ ୫୧ଜଣ, ଶ୍ରୀଜୟଦେବ କଲେଜରେ କଳାରେ ୪୮ଜଣ, ବିଜ୍ଞାନରେ ୪୫ଜଣ, ବାଣିଜ୍ୟରେ ୧୫ଜଣ, ସତ୍ୟସାଇ କଲେଜରେ କଳାରେ ୩୮ଜଣ, ବିଜ୍ଞାନରେ ୩୯ଜଣ ପିଲା ନାମଲେଖାଇଥିବା ନେଇ ରାତି ୧୧ଟା ସୁଦ୍ଧା ସାମ୍ସ ପୋର୍ଟାଲରୁ ଜଣାପଡିଛି। ୧୩ତାରିଖ ପର୍ଯ୍ୟନ୍ତ ନାମଲେଖା ଚାଲିବାକୁ ଥିବାବେଳେ ରାଜଧାନୀରେ ପ୍ରମୁଖ ୪ଟି ସରକାରୀ କଲେଜ ମଧ୍ୟରେ ବିଜେବି, ରମାଦେବୀ, ରାଜଧାନୀ କଲେଜ ଏବଂ ବେସିକ ସାଇନ୍ସ କଲେଜ ରହିଛି। ସେହିପରି ଅନୁଦାନପ୍ରାପ୍ତ କଲେଜ ମଧ୍ୟରେ ବିଜୁ ପଟ୍ଟନାୟକ, ଦେବରାୟ, କମଳାନେହେରୁ, ପଟିଆ କଲେଜ, ଆଚାର୍ଯ୍ୟହରିହର, ଏକାମ୍ର, ମହର୍ଷି, ମହର୍ଷି ମହିଳା କଲେଜ, ସିଟି ମହିଳା କଲେଜ, ସତ୍ୟସାଇ, ଜୟଦେବ କଲେଜ ରହିଛି।
