ଲଣ୍ଡନ,୩୦।୫: ଇଂଲଣ୍ଡ ବିଶ୍ୱକପ୍ର ବିଜେତା ମହିଳା କ୍ରିକେଟର କ୍ୟାଥେରିନ ବ୍ରଣ୍ଟ ଓ ନାଟାଲି ସ୍କିଭର ବିବାହ କରିଛନ୍ତି। ଏ ନେଇ ଇଂଲଣ୍ଡ କ୍ରିକେଟ୍ ବୋର୍ଡ ପକ୍ଷରୁ ସୋମବାର ଟୁଇଟ୍ ଯୋଗେ ସୂଚନା ଦିଆଯାଇଛି। ବିବାହରେ ବହୁ ପୂର୍ବତନ ଓ ବର୍ତ୍ତମାନ ଇଂଲିଶ ଟିମ ପାଇଁ ଖେଳୁଥିବା ଅନେକ ମହିଳା କ୍ରିକେଟର ଯୋଗଦେଇଥିଲେ। ଏମାନଙ୍କ ମଧ୍ୟରେ ଇଂଲଣ୍ଡ ମହିଳା ଟିମ୍ର ଅଧିନାୟକ ହିଥର ନାଇଟ, ଡାନ୍ନି ୱାଟ୍ଟ, ଈଶା ଗୁହା, ଜେନ୍ନି ଗୁନ୍ନଙ୍କ ଭଳି ଖେଳାଳି ଉପସ୍ଥିତ ଥିଲେ। ଦୁହେଁ ବିବାହ କରି ବହୁତ ଖୁସି ଥିବା କହିଛନ୍ତି। ୨୦୧୭ରେ ଇଂଲଣ୍ଡ ମହିଳା ଟିମ୍ ଦିନିକିଆ ବିଶ୍ୱକପ ଜିତିଥିଲା। ଏହି ଟମ୍ରେ ସ୍କିଭର ଓ ବ୍ରଣ୍ଟ ରହିଥିଲେ। ୨୦୨୨ ଦିନିକିଆ ବିଶ୍ୱକପରେ ବି ଦୁହେଁ ଖେଳିଥିଲେ।
