ଲଣ୍ଡନ,୭।୭: ଇଂଲଣ୍ଡରେ କରୋନା ସଂକ୍ରମଣ କ୍ରମାଗତ ଭାବରେ ବୃଦ୍ଧି ପାଉଛି। ଏବେ ଇଂଲଣ୍ଡ ଦଳର ୭ ଜଣ ସଦସ୍ୟ କରୋନା ଆକ୍ରାନ୍ତ ହୋଇଛନ୍ତି। ଏହା ସତ୍ତ୍ୱେ ବିସିସିଆଇ ଏଥିରୁ କିଛି ଶିକ୍ଷା ଲାଭ କରି ନାହିଁ। ଇଂଲଣ୍ଡ ଗସ୍ତରେ ଭାରତୀୟ ଖେଳାଳିଙ୍କ ଛୁଟିରେ ବ୍ରେsକ୍ ଲାଗିବ ନାହିଁ ବୋଲି ବିସିସିଆଇ ପକ୍ଷରୁ ସୂଚନା ଦିଆଯାଇଛି। ଡବ୍ଲୁଟିସି ଫାଇନାଲ୍ ପରେ ଭାରତୀୟ ଦଳ ଏବେ ନିଜ ପରିବାର ସହ ସମୟ ବିତାଉଛନ୍ତି। କିଛି ଖେଳାଳି ମଧ୍ୟ ଜନଗହଳି ପୂର୍ଣ୍ଣ ସ୍ଥାନକୁ ଯାଉଛନ୍ତି, ଯେଉଁଥିପାଇଁ ସେମାନଙ୍କ ମଧ୍ୟରେ କରୋନା ଆକ୍ରାନ୍ତ ହେବାର ଆଶଙ୍କା ଅଛ।ଯଦି ଏହା ଘଟେ ତେବେ ସେହି ଖେଳାଳି ମଧ୍ୟ ଇଂଲଣ୍ଡ ସିରିଜରୁ ବାହାରେ ରହିପାରନ୍ତି।
ଭାରତୀୟ ଖେଳାଳିମାନେ ଜୁଲାଇ ୧୪ରେ ଲଣ୍ଡନରେ ଏକତ୍ରିତ ହେବେ ଯେଉଁଠାରୁ ସେମାନେ ଦୁଇ ସପ୍ତାହ ପ୍ରଶିକ୍ଷଣ ଶିବିର ଏବଂ ‘ସିଲେକ୍ଟ କାଉଣ୍ଟି ଏକାଦଶ’ ବିପକ୍ଷରେ ପ୍ରଥମ ଶ୍ରେଣୀ ମ୍ୟାଚ ପାଇଁ ଡୁରୁମ ଯାତ୍ରା କରିବେ।
