କେନ୍ଦୁଝର,୧୬।୬(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ସଦର ଥାନା ଅନ୍ତର୍ଗତ ମହୁଲଡ଼ିହା ଜଙ୍ଗଲ ନିକଟରେ ଏନକାଉଣ୍ଟର ହୋଇଛି । ଆଜି(ମଙ୍ଗବାର) ସଦର ଥାନା ପୋଲିସ ଏକ ଦୁର୍ଦ୍ଦାନ୍ତ ଅପରାଧୀଙ୍କୁ ଏନ୍କାଉଣ୍ଟର କରିଛି । ତାଙ୍କ ନାମ ପ୍ରଭାତ ମଲିକ ଏବଂ ଘର ଗମ୍ଭାରିଆ ଗ୍ରାମରେ ବୋଲି ଜଣା ପଡ଼ିଛି ।
ସେ ସଦର ବ୍ଲକର ଜଣେ ପିଇଓଙ୍କ ଠାରୁ ଟଙ୍କା ଲୁଟ୍ ଘଟଣା ସମେତ ପ୍ରାୟ ୪୦ ଅପରାଧିକ ଘଟଣାରେ ସମ୍ପୃକ୍ତ ଥିବା ଜଣାପଡ଼ିଛି। ଆଜି ଉକ୍ତ ଲୁଟ୍ ଘଟଣାର ଟଙ୍କା ରିକଭରି ପାଇଁ ପୋଲିସକୁ ମହୁଲ ଡିହା ଗ୍ରାମକୁ ଡାକି ନେଇ ଏକ ଘରୁ ବନ୍ଧୁକ ଆଣି ଆକ୍ରମଣ କରିବାରୁ ପୋଲିସ ପ୍ରତି ଆକ୍ରମଣ କରିଥିଲା ବୋଲି ଥାନା ଅଧିକାରୀ ଅମିତ୍ କୁମାର ଭୂୟାଁ ସୂଚନା ଦେଇଛନ୍ତି।
ଗୁଳି ବିନିମୟ ବେଳେ ପୋଲିସ୍ ଗୁଳିରେ ପ୍ରଭାତ ମଲିକ ଗୁରୁତର ଆହତ ହୋଇ ଧରଣୀ ଧର ମେଡିକାଲ କଲେଜ ରେ ଭର୍ତ୍ତି ହୋଇଛନ୍ତି। ତାଙ୍କର ଡାହାଣ ଗୋଡରେ ଗୁଳି ବାଜିଛି । ପ୍ରଭାତ ନିକଟରୁ ଗୋଟିଏ ବନ୍ଧୁକ ଓ ୧୨ ହଜାର ଟଙ୍କା ଜବତ ହୋଇଛି ।