ନୂଆଦିଲ୍ଲୀ,୨୩ା୧: ଦେଶର ପ୍ରମୁଖ ଫିନ୍ଟେକ ପ୍ଲାଟଫର୍ମ ଫୋନ୍ ପେ’ ଡିଜିଟାଇଜେଶନ କ୍ଷେତ୍ରର ସମ୍ପ୍ରସାରଣ ଓ ଗୁରୁତ୍ୱାରୋପକୁ ଦୃଷ୍ଟିରେ ରଖି ପାଣ୍ଠି ସଂଗ୍ରହ ସମ୍ପର୍କରେ ଘୋଷଣା କରିଥିଲା। ଫଳରେ କମ୍ପାନୀ ୧୨ ବିଲିୟନ ଡଲାରର ପ୍ରି-ମନି ଭାଲ୍ୟୁଏଶନରେ ଜେନେରାଲ ଆଟଲାଣ୍ଟିକଠାରୁ ଫଣ୍ଡିଂରେ ୩୫୦ମିଲିୟନ ଡଲାର ସଂଗ୍ରହ କରିଛି।
ଏ ସମ୍ପର୍କରେ ଫୋନ୍ ପେ’ର ପ୍ରତିଷ୍ଠାତା ତଥା ସିଇଓ ସମୀର ନିଗମ କହିଛନ୍ତି, ଆମ ଉପରେ ବିଶ୍ୱାସ ରଖିଥିବାରୁ ମୁଁ ଜେନେରାଲ ଆଟଲାଣ୍ଟିକ ଏବଂ ନୂତନ ବିନିଯୋଗକାରୀମାନଙ୍କୁ ଧନ୍ୟବାଦ ଜଣାଉଛି। ଫୋନ୍ ପେ’ର ଦେଶବ୍ୟାପୀ ଡିଜିଟାଇଜେଶନକୁ ଆଗେଇ ନେବାରେ ସାହାଯ୍ୟ କରିଥିବାରୁ ଗର୍ବିତ ଏବଂ ଏହା ବିଶ୍ୱାସ କରୁଛି ଯେ ଏହି ଶକ୍ତିଶାଳୀ ସରକାରୀ-ବେସରକାରୀ ସହଯୋଗ ଭାରତୀୟ ଡିଜିଟାଲ ଇକୋସିଷ୍ଟମକୁ ଏକ ବିଶ୍ୱସ୍ତରୀୟ ଉଦାହରଣ ରୂପେ ପ୍ରସ୍ତୁତ କରିପାରିଛି ବୋଲି ନିଗମ ମତପ୍ରକାଶ କରିଛନ୍ତି।
