ନୂଆଦିଲ୍ଲୀ, ୧୪।୧୧: ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରୀ ପିୟୁଷ ଗୋୟେଲ ଆମେରିକାର କାଲିଫର୍ଣ୍ଣିଆରେ ଥିବା ଇଲେକ୍ଟ୍ରି କାର ନିର୍ମାତା ଟେସଲା କାରଖାନାକୁ ଗସ୍ତ କରିଥିଲେ। ଏଠାରେ ବିଭିନ୍ନ ବିଭାଗର ପ୍ରମୁଖ ଦାୟିତ୍ୱରେ ଥିବା ଭାରତୀୟ ମାନଙ୍କ ସହିତ ସେ ସାକ୍ଷାତ କରିଥିଲେ। ତାଙ୍କ ଗସ୍ତ ସମୟରେ ପୀୟୁଷ ଗୋୟଲ ଭାରତୀୟ ଇଞ୍ଜିନିୟର୍ ଏବଂ ଫାଇନାନ୍ସ ବିଭାଗରେ ଥିବା କର୍ମଚାରୀ ମାନଙ୍କୁ ଭେଟିଥିଲେ, କିନ୍ତୁ ସେ ଏଲନ୍ ମସ୍କଙ୍କର ‘ଯାଦୁକରୀ ଉପସ୍ଥିତି’କୁ ଅଭାବ ବିଷୟରେ ସେ କହିଥିଲେ।
ଟେସଲା କାରଖାନାକୁ ଗସ୍ତ କରିବା ପରେ ପିୟୁଷ ଗୋୟେଲ ଏକ୍ସ(ଟୁଇଟର)ରେ ଲେଖିଥିଲେ ଅସୁସ୍ଥତା ହେତୁ ଏଲନ ମସ୍କଙ୍କ ସହିତ ତାଙ୍କର ସାକ୍ଷାତ ହୋଇପାରି ନଥିଲା। ଏହାପରେ ପୀୟୁଷ ଗୋୟଲଙ୍କ ପୋଷ୍ଟରେ ପ୍ରତିକ୍ରିୟା ଦେଇ ଏଲନ୍ ମସ୍କ କହିଛନ୍ତି ଯେ ଭାରତୀୟ ମନ୍ତ୍ରୀଙ୍କ ଗସ୍ତ ତାଙ୍କୁ ସମ୍ମାନିତ କରିଛି ଏବଂ ଭବିଷ୍ୟତରେ ତାଙ୍କୁ ଭେଟିବାକୁ ଅପେକ୍ଷା କରିଛନ୍ତି, ତେବେ ସେ ସାକ୍ଷାତ କରିପାରି ନଥିବାରୁ କ୍ଷମା ଚାହିଁଥିଲେ।
ରିଉଟର୍ସ ଅନୁଯାୟୀ ଟେସଲା ଭାରତରେ କାରଖାନା ନିର୍ମାଣ କରିବା ପାଇଁ ନିରନ୍ତର ଚେଷ୍ଟା କରୁଛି। ଯାହାର ଉଦେଶ୍ୟ ହେଉଛି ଭାରତରେ ୨୪ ହଜାର କାର ନିର୍ମାଣ କରିବା ଯାହାର ଆନୁମାନିକ ମୂଲ୍ୟ ୧୯,୯୬୧୮୯ କୋଟି ହେବ।
ପୀୟୁଷ ଗୋୟଲଙ୍କ ଏହି ଗସ୍ତ ଅତ୍ୟନ୍ତ ଗୁରୁତ୍ୱପୂର୍ଣ୍ଣ, କାରଣ ଭାରତରେ ଏକ କାରଖାନା ପ୍ରତିଷ୍ଠା ପାଇଁ ଟେସଲାକୁ ଭାରତ ସରକାର କଷ୍ଟମ ଡ୍ୟୁଟି ରିହାତି ଦେବାକୁ ଚିନ୍ତା କରୁଥିବା ଖବର ଆସିଛି। ପୀୟୁଷ ଗୋୟଲ ସେପ୍ଟେମ୍ବରରେ କହିଥିଲେ ଯେ ଟେସଲା ଚଳିତ ବର୍ଷ ଭାରତରୁ ପ୍ରାୟ ୧.୯ ବିଲିୟନ ଡ଼ଲାର (ପ୍ରାୟ ୮ ୧୫୮.୦୩ ବିଲିୟନ) ଉପାଦାନ କିଣିବାକୁ ଯାଉଛି, ଯାହା ୨୦୨୨ ମସିହାରେ ୧ ବିଲିୟନ ଡ଼ଲାର (ପ୍ରାୟ .୩ ୮୩.୧୭ ବିଲିୟନ) ଥିଲା। ଏହା ପୂର୍ବରୁ ଏଲନ ମସ୍କ ୨୦୨୧ରେ କହିଥିଲେ ଯେ, ଭାରତରେ ଯଦି ଆମଦାନୀ ହୋଇଥିବା ଟେସଲା କାର ସଫଳତା ଦେବ ତେବେ ସେ ଭାରତରେ କାରଖାନା କାରବେ।
