ଚିତ୍ରଡ଼ା,୨୯ା୧୧(ଡି.ଏନ୍.ଏ.): ମୟୂରଭଞ୍ଜ ଜିଲା ରାସଗୋବିନ୍ଦପୁର ରେଞ୍ଜ ଅଧୀନ ମୋରଡ଼ା-ବାଘଡ଼ା ରାସ୍ତାରୁ ରବିବାର ବନବିଭାଗ ଦୁଇଟି ଭଙ୍ଗା ହାତୀ ଦାନ୍ତ ଉଦ୍ଧାର କରିଛି। ଶୁକ୍ରବାର ରାତିରେ ୪୩ ଝାଡ଼ଖଣ୍ଡୀ ହାତୀ ବେତନଟୀ ରେଞ୍ଜ ଓ ଡାଙ୍ଗରବିଲା ଦେଇ ଚିତ୍ରଡ଼ା, ଅସ୍ତିଆ, ଘୋଳମୁହାଁ ହୋଇ ପଶ୍ଚିମବଙ୍ଗକୁ ଯାଇଥିଲେ। ବାଘଡ଼ା ଜଙ୍ଗଲ ମଝିରେ ଯାଇଥିବା ପିଡବ୍ଲ୍ୟୁଡି ରାସ୍ତାରେ ଏକ ଦନ୍ତା ହାତୀ ରାଗିଯାଇ ଦାନ୍ତ ଦ୍ୱାରା ରାସ୍ତାକୁ ଭୁଷା ମାରିଥିଲା। ଫଳରେ ତାର ଦୁଇଟି ଦାନ୍ତ ଭାଙ୍ଗିଯାଇ ରାସ୍ତା ଉପରେ ପଡ଼ିିଥିଲା। ଖବରପାଇ ରାସଗୋବିନ୍ଦପୁର ରେଞ୍ଜର ପ୍ରଶାନ୍ତ କୁମାର ବେହେରା ଏହି ଦାନ୍ତକୁ ଜବତ କରିଥିଲେ। ଜବତ ଦାନ୍ତ ମଧ୍ୟରୁ ଗୋଟିଏର ଓଜନ ୧୮୫ ଗ୍ରାମ ହୋଇଥିବା ବେଳେ ଅନ୍ୟଟି ୧୮ ଗ୍ରାମର ବୋଲି ବନ ବିଭାଗ ସୂଚନା ଦେଇଛି।
