ପଦ୍ମପୁର,୨୧।୫(ଡି.ଏନ୍.ଏ): ରାଜ୍ୟ ସରକାରଙ୍କ ନିଷ୍ପତ୍ତିକ୍ରମେ ଜୁନ ୧୯ ଓ ୨୬ ତାରିଖରେ ରାଜ୍ୟରେ ସମବାୟ ସମିତି ନିର୍ବାଚନ ହେବ। ଏହି କ୍ରମରେ ଜୁନ୍ ୨୬ରେ ପଦ୍ମପୁର ସେବା ସମବାୟ ସମିତିର ନିର୍ବାଚନ ଅନୁଷ୍ଠିତ ହେବ। ଏଥିପାଇଁ ଭୋଟର ତାଲିକା ପ୍ରକାଶ ପାଇଛି। ପଦ୍ମପୁର ସେବା ସମବାୟ ସମିତିରେ ମୋଟ ୧୧୪୧ଜଣ ସଭ୍ୟ ଥିବା ବେଳେ କେବଳ ୧୬୯ ଜଣ ଭୋଟ ଦେଇପାରିବେ ବୋଲି ଜଣାପଡିଛି। ଏହି ସମିତି ଅଧୀନ ମୋଟ ୧୫ଟି ଜୋନ୍ ପାଇଁ ହେବାକୁ ଥିବା ନିର୍ବାଚନରେ ପଛୁଆବର୍ଗ ପାଇଁ ୭, ପଛୁଆବର୍ଗ ମହିଳା ୧, ଅନୁସୂଚିତ ଜନଜାତି ୨, ଅନୁସୂଚିତ ଜାତି ୧, ଅଣସଂରକ୍ଷିତ ୩ ଏବଂ ଅଣସଂରକ୍ଷିତ ମହିଳାଙ୍କ ପାଇଁ ଗୋଟିଏ ଆସନ ରହିଛି । ଜୁନ୍ ୬ରେ ମନୋନୟନପତ୍ର ଦାଖଲ ଓ ୧୨ରେ ମନୋନୟନପତ୍ର ପ୍ରତ୍ୟାହାର ସହିତ ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ ପାଇବ ଏବଂ ୨୬ରେ ଭୋଟ ଗ୍ରହଣ କରାଯିବ ବୋଲି ବିଭାଗ ପକ୍ଷରୁ କୁହାଯାଇଛି।
