ଇସଲାମାବାଦ,୮।୩ : ତୋସଖାନା ମାମଲାରେ ଅଡୂଆରେ ପଡିଥିବା ପାକିସ୍ତାନ ତେହେରିକ-ଇ-ଇନସାଫ (ପିଟିଆଇ) ଦଳର ମୁଖ୍ୟ ଇମ୍ରାନ ଖାନଙ୍କ ଅସୁବିଧା କମିବାର ନା ନେଉନାହଁି। ଏପରିସ୍ଥଳେ ନିର୍ବାଚନ ଆୟୋଗ (ଇସିପି) ବୁଧବାର ଇମ୍ରାନ ତଥା ତାଙ୍କ ଦଳର ନେତା ଫୱାଦ ଚୌଧୁରୀଙ୍କ ବିରୋଧରେ ଓ୍ବାରେଣ୍ଟ ଜାରି କରିଛନ୍ତି। ଇସିପି ମୁଖ୍ୟ ନିର୍ବାଚନ କମିଶନର ସିକନ୍ଦର ସୁଲତାନ ରାଜାଙ୍କ ବିରୋଧରେ ଅବମାନନା ମନ୍ତବ୍ୟ ସମ୍ପର୍କରେ ଏକ ମାମଲା ଜାରି କରାଯାଇଛି।
ଖବର ଅନୁଯାୟୀ, ଇସିପି ସଦସ୍ୟ ନିସର ଅହମ୍ମଦ ଦୁରାନୀ, ଶାହା ମହମ୍ମଦ ଜାଟୋଇ, ବାବର ହାସନ ଭରୱାନା ଏବଂ ଜଷ୍ଟିସ (ଅବସରପ୍ରାପ୍ତ) ଇକ୍ରାମ ଉଲ୍ଲା ଖାନଙ୍କୁ ନେଇ ଏକ ଚାରିଜଣିଆ ଖଣ୍ଡପୀଠ ଏହି ନିର୍ଦ୍ଦେଶ ଦେଇଛନ୍ତି। ନେତା ଏହି ମାମଲାର ଶୁଣାଣିରେ ହାଜର ହୋଇନାହାଁନ୍ତି ବୋଲି କହିଛନ୍ତି ଇସିପି। ଫଳସୱରୂପ, ସେମାନଙ୍କ ବିରୋଧରେ ୫୦ ହଜାର ଟଙ୍କା ଟଙ୍କା ଜାମିନ ଓ୍ବାରେଣ୍ଟ ଜାରି କରିବା ବ୍ୟତୀତ ଅନ୍ୟ କୌଣସି ବିକଳ୍ପ ବାକି ନାହିଁ।
ଏହି ରାୟରେ ଇସିପି କହିଛନ୍ତି ଯେ ଇସଲାମାବାଦ ପୋଲିସର ଇନ୍ସପେକ୍ଟର ଜେନେରାଲଙ୍କ ଦ୍ୱାରା ଓ୍ବାରେଣ୍ଟ ଜାରି କରାଯିବ। ଇନ୍ସପେକ୍ଟର ଜେନେରାଲ ପୋଲିସ କାର୍ଯ୍ୟାଳୟ ଇସଲାମାବାଦ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଏବଂ ମାର୍ଚ୍ଚ ୧୪ରେ ତାଲିକାଭୁକ୍ତ କରିବାକୁ ନିର୍ଦ୍ଦେଶ ଦିଆଯାଇଛି। ଜିଓ ନ୍ୟୁଜ ରିପୋର୍ଟ କରିଛି ଯେ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ଏବଂ ବରିଷ୍ଠ ପିଟିଆଇ ନେତା ଫୱାଦ ଚୌଧୁରୀଙ୍କ ପାଇଁ ଦିଆଯାଇଥିବା ପୃଥକ ନିର୍ଦ୍ଦେଶରେ ଇସିପି କହିଛନ୍ତି ଯେ ଉତ୍ତରଦାତାଙ୍କୁ ଅନେକ ଥର ବ୍ୟକ୍ତିଗତ ଭାବେ ହାଜର ହେବାକୁ ନିର୍ଦ୍ଦେଶ ଦିଆଯାଇଛି। କିନ୍ତୁ ଅଭିଯୁକ୍ତମାନେ କୋର୍ଟରେ ହାଜର ହେବାରେ ବିଫଳ ହୋଇଥିଲେ।
