ବାସ୍ତୁଶାସ୍ତ୍ର ଅନୁଯାୟୀ, ଆମ ଜୀବନଶୈଳୀ ଉପରେ ରଙ୍ଗର ମଧ୍ୟ ଅନେକ ପ୍ରଭାବ ରହିଛି। ଯଦି ଏହାର ସଠିକ୍ ଚୟନ ନ କରାଯାଏ, ତା’ହେଲେ ଅନେକ ସମସ୍ୟା ସୃଷ୍ଟି ହୋଇଥାଏ ବୋଲି ବିଶ୍ୱାସ ରହିଛି। ତେବେ କେଉଁ ରଙ୍ଗର କି ପ୍ରଭାବ ରହିଛି ଜାଣନ୍ତୁ ସେ ସମ୍ପର୍କରେ…
ନାଲି ରଙ୍ଗ ଅନ୍ୟ ରଙ୍ଗ ତୁଳନାରେ ଅଧିକ ପ୍ରଭାବଶାଳୀ ହୋଇଥାଏ। ଯେଉଁ ରୁମ୍ରେ ଗହଳିଚହଳି ଲାଗି ରହିଥାଏ, ସେଠାରେ ଏହି ରଙ୍ଗ ଲଗାଇବା ଠିକ୍ ହେବ; ଯେମିତିକି ଡ୍ରଇଂ ରୁମ୍।
ଧଳା ରଙ୍ଗ ମାନସିକ ସ୍ତରରେ ଆମକୁ ଦୃଢ କରେ। ତେଣୁ ଯେଉଁ ଘରେ କୌଣସି ଗୁରୁତ୍ୱପୂର୍ଣ୍ଣ କଥାର ନିଷ୍ପତି ନିଆଯାଏ, ସେଠାରେ ଏହି ରଙ୍ଗ ଲଗାଇବା ଶୁଭ ହୋଇଥାଏ।
ଉତ୍ସାହର ପ୍ରତୀକ କୁହାଯାଉଥିବା ହଳଦିଆ ରଙ୍ଗକୁ ଡ୍ରଇଂ ରୁମ୍ ଅବା ହଲ୍ରେ ଲଗାଇବା ଶୁଭ।
ଶାନ୍ତିର ପ୍ରତୀକ ସବୁଜ ରଙ୍ଗକୁ ବେଡ୍ରୁମ୍ରେ ଲଗାଇବା ଭଲ।
ସତ୍ୟତାର ସମ୍ପର୍କ ନୀଳ ରଙ୍ଗ ସହିତ ରହିଛି। ଯେଉଁ ଘରେ କୌଣସି ଦୋଷାରୋପକୁ ନେଇ ଗୁରୁତ୍ୱପୂର୍ଣ୍ଣ ଆଲୋଚନା ହୁଏ, ସେହି ଘରେ ଏହି ରଙ୍ଗ ଲଗାଇବା ଶୁଭ।
ପୂଜା ଘରେ ବାଇଗଣୀ ରଙ୍ଗ ଲଗାଇବା ଶୁଭ; କାରଣ ଏହି ରଙ୍ଗ ମନକୁ ଆଧ୍ୟାତ୍ମିକତା ଆଡ଼କୁ ଅଗ୍ରସର କରାଇଥାଏ।
ସୁନେଲି ରଙ୍ଗ ଆତ୍ମସମ୍ମାନ ତଥା ଧନବୃଦ୍ଧିକୁ ସୂଚାଇଥାଏ। ଗୃହସ୍ଥ ଚାହିଁଲେ ଘରକୁ ଏହି ରଙ୍ଗରେ ପେଣ୍ଟିଂ କରି ହେଉ ଅବା ଡୋର୍ ସ୍କ୍ରିନ୍ ଲଗାଇ ସୌଭାଗ୍ୟକୁ ଆମନ୍ତ୍ରିତ କରିପାରିବେ।
କଳା ରଙ୍ଗ ଅବସାଦର ପ୍ରତୀକ ହୋଇଥିବାବେଳେ ଧଳା ରଙ୍ଗ ମନକୁ ଶାନ୍ତି ଦେଇଥାଏ। ତେଣୁ ଘରର ଯେ କୌଣସି ରୁମ୍ରେ ଧଳା ରଙ୍ଗ ଲଗାଇହେବ କିନ୍ତୁ କଳା ରଙ୍ଗ କେଉଁଠି ବି ଲଗାଇବେ ନାହିଁ। ପ୍ରବେଶ ଦ୍ୱାରରେ ତ ଆଦୌ ନୁହେଁ।
