ଟିପଚିହ୍ନ ଦେଉଛନ୍ତି ପାଠୁଆ ଭୋଟର

ଭୁବନେଶ୍ୱର,୨୧ା୨(ବ୍ୟୁରୋ): ତ୍ରିସ୍ତରୀୟ ପଞ୍ଚାୟତ ନିର୍ବାଚନର ୩ଟି ପର୍ଯ୍ୟାୟ ମତଦାନ ଶେଷ ହୋଇଛି। ଏହି ନିର୍ବାଚନରେ ପ୍ରାୟ ୭୮ ପ୍ରତିଶତ ମତଦାନ ହେଉଥିବା ରାଜ୍ୟ ନିର୍ବାଚନ କମିଶନର ସୂଚନା ଦେଇଛନ୍ତି। କିନ୍ତୁ କୌତୂହଳର ବିଷୟ ଯେ ଭୋଟରମାନେ ନିଜକୁ ନିରକ୍ଷର ଭାବେ ପ୍ରମାଣ ଦେଉଛନ୍ତି। ସମୟର ଆଳ ଦେଖାଇ ଶିକ୍ଷତି ବ୍ୟକ୍ତିଙ୍କଠାରୁ ଭୋଟଗ୍ରହଣ କେନ୍ଦ୍ରରେ ବାଲଟ ପେପର ଉପରେ ଟିପଚିହ୍ନ ନିଆଯାଉଛି। ଏଭଳି ବିଚିତ୍ର ଘଟଣା ରାଜ୍ୟର ବିଭିନ୍ନ ଜିଲାରେ ଦେଖିବାକୁ ମିଳୁଛି। କଟକ ଜିଲାର କଟକ ସଦର, ବାଲେଶ୍ୱର, ଗଞ୍ଜାମ, ଢେଙ୍କାନାଳ, କେନ୍ଦ୍ରାପଡ଼ା, ଜଗତ୍‌ସିଂହପୁର ଜିଲାର କେତେକ ମତଦାନ କେନ୍ଦ୍ରରେ ଶିକ୍ଷିତ ବ୍ୟକ୍ତିଙ୍କଠାରୁ ଟିପଚିହ୍ନ ନିଆଯାଉଛି। ବାଲେଶ୍ୱର ଜିଲା ଜଳେଶ୍ୱର ଅଞ୍ଚଳର କେତେକ ଭୋଟର ଏନେଇ ନିର୍ବାଚନ କମିଶନ, ଜିଲାପାଳ ଓ ବ୍ଲକ ନିର୍ବାଚନ ଅଧିକାରୀଙ୍କ ଦୃଷ୍ଟିଆକର୍ଷଣ କରିଛନ୍ତି। କରୋନା ସମୟରେ ଗାଇଡ୍‌ଲାଇନକୁ ଉପେକ୍ଷା କରି ପୋଲିଂ ଅଧିକାରୀମାନେ ଭୋଟରଙ୍କ ଆଙ୍ଗୁଠିି ଧରି ୪ଟି ବାଲଟ ପେପରରେ ଟିପଚିହ୍ନ ନେଉଛନ୍ତି ା ଏ ନେଇ ବହୁ ସ୍ଥାନରେ ପ୍ରତିବାଦ କରାଯାଉଥିଲେ ମଧ୍ୟ ସେଥିପ୍ରତି ପୋଲିଂ କିମ୍ବା ପ୍ରିଜାଇଡିଂ ଅଫିସର ଗୁରୁତ୍ୱ ଦେଉ ନ ଥିବା ଅଭିଯୋଗରେ ଦର୍ଶାଯାଇଛି। ନାଚିନ୍ଦା ପଞ୍ଚାୟତର ଅବସରପ୍ରାପ୍ତ ଶିକ୍ଷକ ଅରୁଣ କୁମାର ଚନ୍ଦ ଟିପଚିହ୍ନ ଦେବାକୁ ରାଜି ନ ଥିଲେ ମଧ୍ୟ ଜୋରଜବରଦସ୍ତି ତାଙ୍କ ଟିପଚିହ୍ନ ନିଆଯାଇଥିବା ସେ ଅଭିଯୋଗ କରିଛନ୍ତି। ସେ ଟୁଇଟ କରି ବାଲେଶ୍ୱର ଜିଲାପାଳ ଓ ନିର୍ବାଚନ କମିଶନରଙ୍କୁ ଏ ସମ୍ପର୍କରେ ଜଣାଇଛନ୍ତି ା କେବଳ ସେ ନୁହନ୍ତି, ନଛିମପୁର ପଞ୍ଚାୟତ ୮ନଂ. ୱାର୍ଡର ଅବସରପ୍ରାପ୍ତ ପ୍ରଧାନଶିକ୍ଷକ ଗୌରାଙ୍ଗ ଚରଣ ପାତ୍ର, ଅର୍ଜୁନୀ ଗ୍ରାମ ୫ନଂ. ବୁଥ୍‌ରେ ନରୋତ୍ତମ ପ୍ରଧାନ, କାଶିଡିହା ବୁଥ୍‌ରେ ହରିଶଙ୍କର ରାଜ, ସୁଲତାନପୁର ବୁଥ୍‌ରେ ହିମାଂଶୁ ଶେଖର ଜେନା ପ୍ରମୁଖ ଦସ୍ତଖତ ବଦଳରେ ବାଧ୍ୟହୋଇ ଟିପଚିହ୍ନ ଦେଇଥିବା କହିଛନ୍ତି। ନିର୍ବାଚନ କମିଶନ ଏଥିପ୍ରତି ଦୃଷ୍ଟି ଦେବାକୁ ଦାବି ହେଉଛି।
ଭୋଟଗ୍ରହଣ ସକାଳ ୭ଟାରୁ ଅପରାହ୍ନ ୧ଟା ପର୍ଯ୍ୟନ୍ତ ହେଉଛି। ତେବେ ଭୋଟଗ୍ରହଣ କେନ୍ଦ୍ରକୁ ଆସୁଥିବା ମତଦାତମାନେ ବାଲଟ ପେପରରେ ଦସ୍ତଖତ କରିବା ବଦଳରେ ଟିପଚିହ୍ନ ଦେଉଛନ୍ତି। ପାଠୁଆ ଭୋଟରମାନେ ଯେ ସ୍ବଇଚ୍ଛାରେ ଟିପଚିହ୍ନ ଦେଉଛନ୍ତି ତାହା ନୁହେଁ, ୪ଟି ବାଲଟ ପେପରରେ ଦସ୍ତଖତ କଲେ ଅଧିକ ସମୟ ଲାଗିବା ଆଳ ଦେଖାଇ ନିର୍ବାଚନ ପରିଚାଳନା ଦାୟିତ୍ୱରେ ଥିବା କର୍ମଚାରୀମାନେ ଲୋକଙ୍କୁ ଟିପଚିହ୍ନ ଦେବାକୁ ଏକପ୍ରକାର ବାଧ୍ୟ କରୁଛନ୍ତି।
ଯଦି କେହି ଟିପଚିହ୍ନ ଦେବାକୁ ମଙ୍ଗୁନାହିଁ ସେହି ବୁଥ୍‌ ଭିତରେ ବିଭିନ୍ନ ଦଳର ଏଜେଣ୍ଟ ସମୟ ନାହିଁ, ଟିପଚିହ୍ନ ଦେଇଦିଅ ବୋଲି କହୁଛନ୍ତି। ଏହା ପରେ ବି ଯଦି କୌଣସି ଶିକ୍ଷିତ ବ୍ୟକ୍ତି ଅଡି ବସୁଛନ୍ତି ତେବେ ତାଙ୍କୁ ବାଲଟ ପେପରରେ ଦସ୍ତଖତ କରିବାର ସୁଯୋଗ ମିଳୁଛି। ତେବେ ଏହି ସୁଯୋଗ ଅଧିକାଂଶ ମତଦାନ କେନ୍ଦ୍ରରେ ସମସ୍ତଙ୍କୁ ମିଳୁନାହିଁ।
ଏଠାରେ ସୂଚନାଯୋଗ୍ୟ ଯେ ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ମତଦାତାମାନେ ଏକକାଳୀନ ଜିଲା ପରିଷଦ, ସମିତିସଭ୍ୟ, ସରପଞ୍ଚ ଓ ୱାର୍ଡମେମ୍ବର ଆଦି ୪ ଜଣ ପ୍ରାର୍ଥୀଙ୍କୁ ବାଲଟ ପେପରରେ ମୋହରମାରି ନିର୍ବାଚିତ କରୁଛନ୍ତି। ଏଥିପାଇଁ ୪ଟି ବିଭିନ୍ନ ରଙ୍ଗର ବାଲଟ ପେପର ରହିଛି। ପ୍ରତି ପେପରରେ ମତଦାତାଙ୍କ ପ୍ରମାଣ ବାଧ୍ୟତାମୂଳକ। ତେବେ ମତଦାନ ଦାୟିତ୍ୱରେ ଥିବା ସରକାରୀ ବାବୁମାନେ ପୂର୍ବରୁ ବାଲଟ ପେପରରେ ନିଜେ ଦସ୍ତଖତ କରୁଥିବା ବେଳେ ମତଦାତାଙ୍କଠାରୁ ଟିପଚିହ୍ନ ନେଉଛନ୍ତି।
ଚଳିତ ନିର୍ବାଚନରେ ଗାଁଗହଳିରେ ଶିକ୍ଷା ଓ ବୟସ ନିର୍ବିଶେଷରେ ଉଭୟ ଯୁବବର୍ଗ ଓ ବୟସ୍କମାନେ ଯେଭଳି ଟିପଚିହ୍ନ ଦେଉଛନ୍ତି ତାହାକୁ ଯଦି ସାକ୍ଷରତାର ମାନଦଣ୍ଡ ହିସାବରେ ଗଣାଯିବ ତେବେ ବହୁ ଗାଁର ଲୋକେ ଶତପ୍ରତିଶତ ନିରକ୍ଷର ବୋଲି ପ୍ରମାଣିତ ହୋଇଯିବ। ତେଣୁ ସମୟ ଅବଧି ବୃଦ୍ଧି ହେଉ କିମ୍ବା ଅନ୍ୟ କୌଣସି ବ୍ୟବସ୍ଥା କରି ସାକ୍ଷର ଲୋକଙ୍କଠାରୁ ଟିପଚିହ୍ନ ନେବା ବଦଳରେ ସେମାନଙ୍କୁ ଦସ୍ତଖତ କରିବାର ସୁଯୋଗ ଦେବା ପାଇଁ ଭୋଟର ମତଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ବ୍ୟବସାୟୀଙ୍କ ଘରେ ଇଡି ଚଢ଼ାଉ

ରାଉରକେଲା,୧ା୩: ରାଉରକେଲାର ଜଣେ ବ୍ୟବସାୟୀଙ୍କ ଘରେ ଶୁକ୍ରବାର ଇଡି ଚଢ଼ାଉ ହୋଇଛି। ବ୍ୟବସାୟୀ ଜଣକ ହେଲେ ଚାର୍ଟାର୍ଡ ଆକାଉଣ୍ଟାଣ୍ଟ ଅଜୟ କଦମଓ୍ବାଲା। ଆଜି ସକାଳେ ଅଜୟଙ୍କ...

ଗଣଶିକ୍ଷକଙ୍କୁ ଖୁସି ଖବର ଦେଲେ ନବୀନ: ବଢିଲା ଦରମା

ଭୁବନେଶ୍ୱର,୧।୩: ରାଜ୍ୟ ସରକାର ଗଣଶିକ୍ଷକଙ୍କ ପାଇଁ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ଓଟିଇଟି ପାସ୍‌ କରି ନ ଥିବା ଗଣଶିକ୍ଷକଙ୍କ ପାରିଶ୍ରମିକ ଶୁକ୍ରବାର ବୃଦ୍ଧି କରିଛନ୍ତି। ରାଜ୍ୟ...

ମତ୍ସ୍ୟଜୀବୀ ପରିବାରଙ୍କୁ ୨୨ କୋଟିର ଜୀବିକା ସହାୟତା

ଭୁବନେଶ୍ୱର,୧।୩(ଅସମାପିକା ସାହୁ):ଅଲିଭ୍‌ ରିଡ୍‌ଲେ କଇଁଛର ସୁରକ୍ଷା ନିମନ୍ତେ ମାଛଧରା କଟକଣା ଯୋଗୁ ପ୍ରଭାବିତ ସାମୁଦ୍ରିକ ମତ୍ସ୍ୟଜୀବୀଙ୍କୁ ରାଜ୍ୟ ଯୋଜନାରେ ଜୀବିକା ସହାୟତା ପ୍ରଦାନ କରାଯାଇଛି। ଗୁରୁବାର...

ବାଘୁଣୀ ସାରା ଅସୁସ୍ଥ

ବାରଙ୍ଗ,୧।୩ଲିଙ୍ଗରାଜରାଉତ):ପ୍ରାଣୀଉଦ୍ୟାନ ନନ୍ଦନକାନନର ବାଘ ସଫାରୀରେ ରହୁଥିବା ବାଘୁଣୀ ସାରା ଆଉ ଚଲାବୁଲା କରିପାରୁନି। ଗତ କିଛିଦିନ ହେବ ସେ ଅସୁସ୍ଥ ରହିଥିବାବେଳେ ଗୁରୁବାର ତଳେ ପଡ଼ିଯାଇଛି।...

ସଡ଼କ ଦୁର୍ଘଟଣା: ବର୍ଷକରେ ୫୬୦୦ ମୃତ୍ୟୁ

ଭୁବନେଶ୍ୱର,୧।୩(ସୁନିତ୍‌ ମିଶ୍ର):ଓଡ଼ିଶାରେ ୨୦୨୩ରେ ସଡ଼କ ଦୁର୍ଘଟଣାରେ ପ୍ରାୟ ୫୬୦୦ ଜଣଙ୍କ ମୃତ୍ୟୁ ଘଟିଛି, ଯାହାଙ୍କ ମଧ୍ୟରୁ ୭୦% ହେଉଛନ୍ତି ଯୁବବର୍ଗ । ତେଣୁ ବିଭିନ୍ନ ପଞ୍ଚାୟତିରାଜ...

ବିଜେଡି ଲୋକଙ୍କ ଟଙ୍କା ଲୋକଙ୍କୁ ବାଣ୍ଟି ନିର୍ବାଚନୀ ଲଲିପପ୍‌ ଧରାଉଛି: କଂଗ୍ରେସ

ଭୁବନେଶ୍ୱର,୧।୩(ସୁନିତ୍‌ ମିଶ୍ର):ରାଜ୍ୟରେ ଲୋକଙ୍କ ଆୟ ବଢୁ ନ ଥିବାବେଳେ ଖର୍ଚ୍ଚ ୩ ଗୁଣା ହେଲାଣି। ବିଭିନ୍ନ ବିଭାଗରେ ଦେଢ଼ ଲକ୍ଷରୁ ଊର୍ଦ୍ଧ୍ୱ ପଦବୀ ଖାଲି ପଡ଼ିଥିବାବେଳେ...

ଭାଜପା କର୍ମୀଙ୍କ ଉପରେ ଗାଡ଼ି ଚଢ଼ାଇଥିବା ପ୍ରଶାନ୍ତଙ୍କୁ କୋଳେଇ ନେଲା ଭାଜପା: ବିଜେଡି

ଭୁବନେଶ୍ୱର,୧ା୩(ଅନିଲ ଦାସ):ପ୍ରଶାନ୍ତ ଜଗଦ୍ଦେବ ଯିଏକି ଭାଜପା କର୍ମୀଙ୍କ ଉପରେ ଗାଡ଼ି ଚଢ଼ାଇ ମାରିବାକୁ ଉଦ୍ୟମ କରିବା ସହ ୨ଟି ଆପରାଧିକ ମାମଲାରେ ଜେଲ ଯାଇଥିଲେ, ଯାହାଙ୍କ...

ବିଧାନସଭାକୁ ସୁରଙ୍କ ବାଏ ପରେ ଏମ୍‌ପି ପ୍ରାର୍ଥିତ୍ୱ ଚର୍ଚ୍ଚା

ଖୋର୍ଦ୍ଧା,୧ା୩(ପ୍ରଭାତ ପାଣିଗ୍ରାହୀ):ଭୁବନେଶ୍ୱର ସଂସଦୀୟ କ୍ଷେତ୍ରରୁ ଦୀର୍ଘବର୍ଷ ଧରି ବିଜେଡି ପ୍ରାର୍ଥୀ ଜିତି ଆସୁଥିବା ବେଳେ ୨୦୧୯ ନିର୍ବାଚନରେ ଭାଜପାରୁ ଅପରାଜିତା ଷଡ଼ଙ୍ଗୀ ଏମ୍‌ପି ହୋଇଥିଲେ। ୨୦୨୪...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri