ମୁମ୍ବାଇ,୪।୭: ମହାରାଷ୍ଟ୍ରରେ ଯେଉଁ ନେତାଙ୍କ ଉପରେ ଭାରତୀୟ ଜନତା ପାର୍ଟି(ଭାଜପା)ଭ୍ରଷ୍ଟାଚାରର ଅଭିଯୋଗ ଲଗାଇଛି ଏବେ ସେମାନେ ସରକାରରେ ସାମିଲ ହୋଇଯାଇଛନ୍ତି। ବିରୋଧୀ ପୂର୍ବରୁ ହିଁ ଭାଜପାକୁ ‘ଓ୍ବାଶିଂ ମେଶିନ’ କହି ଟାର୍ଗେଟ କରି ଚାଲିଛି। ମହାରାଷ୍ଟ୍ରରେ ଚାଲିଥିବା ରାଜନୈତିକ ଅସ୍ଥିରତା ମଧ୍ୟରେ ଭାଜପା ନେତା କିରିଟ ସୋମାୟାଙ୍କ ଏକ ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି, ଯେଉଁଥିରେ ସେ ପୂର୍ବତନ ଏନସିପି ନେତା ହାସନ ମିୟାନଲାଲ ମୁଶରିଫଙ୍କ ଉପରେ ଭ୍ରଷ୍ଟାଚାର ବା ଦୁର୍ନୀତି ଅଭିଯୋଗ କରିଛନ୍ତି। ବର୍ତ୍ତମାନ ହାସନ ଭାଜପା-ଶିବସେନା ସରକାରରେ ମନ୍ତ୍ରୀ ହୋଇଛନ୍ତି।
ସୂଚନାଯୋଗ୍ୟ, ଜୁଲାଇ ୨ରେ, ରାତି ପ୍ରାୟ ୨ଟା ୩୦ସମୟରେ, ଏନସିପି ମୁଖ୍ୟ ଶରଦ ପାୱାରଙ୍କ ପୁତୁରା ତଥା ଦଳର ଜଣେ ବରିଷ୍ଠ ନେତା ଅଜିତ ପାୱାର ଶିବସେନା-ଭାଜପା ସରକାରରେ ଯୋଗ ଦେଇଥିଲେ। ପରେ ଅଜିତ ପାୱାର ନିଜର ଟୁଇଟର ପ୍ରୋଫାଇଲକୁ ମହାରାଷ୍ଟ୍ରର ଉପ ମୁଖ୍ୟମନ୍ତ୍ରୀରେ ପରିବର୍ତ୍ତନ କରିଥିଲେ।
ଶପଥ ଗ୍ରହଣ କରିବା ପରେ ଅଜିତ ପାୱାର ଗଣମାଧ୍ୟମ ସାମ୍ନାକୁ ଆସିବା ଆସିଥିଲେ। ସେ ଏକ ଖବରଦାତା ସମ୍ମିଳନୀରେ ଯୋଗ ଦେଇତିବା ବେଳେ ଛଗନ ଭୁଜବଳ ଏବଂ ପ୍ରଫୁଲ୍ଲ ପଟେଲ ମଧ୍ୟ ତାଙ୍କ ସହ ଉପସ୍ଥିତ ଥିଲେ। କିଛି ଦିନ ପୂର୍ବେ ଶରଦ ପାୱାରଙ୍କ ଦ୍ୱାରା ପ୍ରଫୁଲ୍ଲ ପଟେଲଙ୍କୁ ଦଳର କାର୍ଯ୍ୟକାରୀ ସଭାପତି କରାଯାଇଥିଲା।
ଏହି ବିଦ୍ରୋହରେ ଅଜିତ ପାୱାରଙ୍କ ସହ ଏନସିପିର ମୋଟ ୯ନେତା ଜଡିତ ଥିଲେ। ସେମାନଙ୍କ ମଧ୍ୟରେ ଥିଲେ ଛଗନ ଭୁଜବଳ, ଦିଲୀପ ୱାଲସେ ପାଟିଲ, ହାସନ ମୁଶରିଫ, ଅନିଲ ପାଟିଲ, ଅଦିତି ତଟକରେ, ଧନଞ୍ଜୟ ମୁଣ୍ଡେ, ଧର୍ମାରାଓ ଆତ୍ରାମ, ସଞ୍ଜୟ ବନସୋଡେଙ୍କ ଭଳି ବରିଷ୍ଠ ନେତାମାନେ ମଧ୍ୟ ମହାରାଷ୍ଟ୍ର ମନ୍ତ୍ରୀ ଭାବରେ ଶପଥ ନେଇଥିଲେ।
